បិទកញ្ចក់រថយន្តការពារគ្រាប់កាំភ្លើង ត្រូវប៉ាន់ទាំងអ្នកមានជីវភាពមធ្យម និងអ្នកមាននៅកម្ពុជា

បទយកការណ៍ / បទសម្ភាសន៍

រថយន្ត

10, Jul 2017 , 6:59 pm

រូបភាព

ដោយ:

ភ្នំពេញ៖ លោក មាន បញ្ញា ប្រធានផ្នែកទីផ្សារនៃក្រុមហ៊ុន S-COOL បានអះអាងថា កញ្ចក់ការពារគ្រាប់កាំភ្លើង បាននាំចូលមកកម្ពុជាតាំងពីឆ្នាំ២០១៦ ដោយមានអតិថិជនចាប់រម្មណ៍ទាំងអ្នកមានជីវភាពមធ្យម និងអ្នកមាន។ ការបិទកញ្ចក់បំពាក់លើរថយន្តមួយគ្រឿង គឺមានតម្លៃពី១ពាន់ដុលារ ទៅ២ម៉ឺនដុល្លារសហរដ្ឋអាមេរិក។

«ដ្បិតកញ្ចក់ការពារគ្រាប់កាំភ្លើងមានតម្លៃថ្លៃមែន ប៉ុន្តែ ជីវិតរបស់យើងមានតម្លៃមិនអាចកាត់ថ្លៃបានទេ»។ នេះជាការអះអាងរបស់លោក មាន បញ្ញា ដោយបន្តពន្យល់ថា ការបិទកញ្ចក់ការពារគ្រាប់កាំភ្លើងលើរថយន្ត នឹងជួយអ្នកបើកបរ ឬអ្នកនៅក្នុងរថយន្ត ឲ្យមានសុវត្ថិភាពចៀសផុតពីការធ្វើឃាតដោយគ្រាប់កាំភ្លើង ឬការប៉ុនប៉ងវាយរថយន្តដោយឧបករណ៍ផ្សេងទៀត។

លោកបន្តថា៖ «លក្ខណៈពិសេសនៃកញ្ចក់នេះ គឺអាចការពាររហូតដល់កាំភ្លើង AK ហើយយើងមិនអាចបាញ់ចូលក្នុងរថយន្តបានទេ ប៉ុន្តែយើងអាចបាញ់ចេញពីក្នុងរថយន្តនោះបាន»។
ជាបន្តសូមអញ្ជើញស្តាប់បទសម្ភាសរវាង លោក រ៉ឹម ភារី អ្នកយកព័ត៌មានរបស់គេហទំព័រថ្មីៗ ជាមួយ លោក មាន បញ្ញា ដូចតទៅ៖