តើសីលធម៌ អនុញ្ញាត ឲ្យទិញរថយន្តថ្លៃកម្រិតណា?

ជាតិ

បទយកការណ៍ / បទសម្ភាសន៍

រថយន្ត

10, Jul 2017 , 8:39 pm

រូបភាព

ដោយ: នាយយ៉ាន

មនុស្សយើងខ្លះត្រូវការរថយន្ត សម្រាប់ជាមធ្យោបាយធ្វើដំណើរប្រចាំថ្ងៃ និងទុកសម្រាប់ធ្វើដំណើរផ្លូវឆ្ងាយជាដើម។ រថយន្តល្អៗ ដែលមានតម្លៃ ត្រឹម ២ម៉ឺន ឬ៣ម៉ឺនដុល្លារ ឬថ្លៃក្រោមនេះអាចបម្រើសេចក្តីត្រូវការខាងលើនេះបាន ប៉ុន្តែមានមនុស្សមួយចំនួន ទិញឡានថ្លៃលើសតែពីតម្រូវការដែលមិនមែនជារថយន្តធម្មតា។ ឧទាហរណ៍រថយន្តម៉ាក រថយន្ត Mercedes-Benz តម្លៃចាប់ពី៩ម៉ឺនដុល្លារឡើងទៅ រថយន្តម៉ាក PORSCHE តម្លៃចន្លោះពី៦០ម៉ឺន ទៅ២២ម៉ឺនដុល្លារ ឬ ម៉ាក ROLLS ROYCE តម្លៃពី២៦ម៉ឺនដុល្លារ ដល់ទៅ២លានដុល្លារ។

ភិក្ខុ ឯម ប៊ុនធឿន ចៅអធិការវត្តចង្ក្រានតាព្រហ្ម ហៅវត្តស្ទឹងមានជ័យ អ្នកដែលទិញរថយន្តថ្លៃៗ គឺដើម្បីឲ្យសមនឹងងាររបស់ខ្លួន អួតគ្នាពីស័ក្តយស និងជាមោទកភាពរបស់បុគ្គលដែលមានលទ្ធភាពទិញរថយន្តថ្លៃៗទាំងនោះប្រើ។ ភិក្ខុ ឯម ប៊ុនធឿន មានសង្ឃដីកាពន្យល់បន្ថែមតាមលទ្ធិពុទ្ធដូច្នេះ៖« អ្នកមាន អ្នកធំៗ មហាសេដ្ឋី ទើបគេមានលទ្ធភាពទិញរថយន្តថ្លៃៗ។ ការទិញរបស់ថ្លៃៗនេះ គឺជាមោទនភាពរបស់មនុស្សម្នាក់ៗ ដែលគេពេញចិត្ត គេស្រឡាញ់ ចង់ឲ្យមានអ្នកសរសើរចឹងទៅ»។

តើសីលធម៌អនុញ្ញាតយើងឲ្យទិញរថយន្តថ្លៃកម្រិតណា? តើគួរទិញរថយន្ត ដែលមានតម្លៃគួរសម និងទុកថវិកាដែលសល់ ផ្តល់ទៅអង្គការមនុស្សធម៌ ឬវត្តអារាមវិញទេឬ?

សូមអញ្ជើញស្តាប់បទសម្ភាសន៍រវាង នាយ យ៉ាន និងភិក្ខុ ឯម ប៊ុនធឿន ចៅអធិការវត្តស្ទឹងមានជ័យ ដូចតទៅ៖