ពីនេះ ពីនោះ
ព័ត៍មានសុខភាព
គន្លឹះទទួលបានជីវជាតិ និងរបៀបរស់នៅដែលអាចទប់ស្កាត់ភាពភ្លេចភ្លាំង
× វាគឺជារឿងមួយធម្មតាទៅហើយដែលថានៅពេលអាយុកាន់តែច្រើន យើងនឹងចាប់ផ្តើមមានបញ្ហានៃការចងចាំ។ ដូចគេនិយាយថា “ដំបូងឡើយអ្នកភ្លេចឈ្មោះគេ បន្ទាប់មកភ្លេចមុខ បន្ទាប់មកទៀតភ្លេចរ៉ូតខោ បន្ទាប់មកទៀតក៏ភ្លេចរ៉ូតខោចេញដើម្បីនោមដែរ”។
អ្វីដែលជាដំណឹងល្អនោះគឺថា យើអាចរស់នៅបានយ៉ាងល្អប្រកបដោយភាពចងចាំបានទោះបីជាអាយុច្រើនក៏ដោយ ដរ៉ាបណាចេះធ្វើរឿងដូចខាងក្រោមនេះ៖
ញ៉ាំអាហារដែលផ្តល់សុខភាព
យកល្អគួរតែជ្រើសរើសបន្លែ និងផ្លែឈើស្រស់ៗទទួលទានឲ្យបានច្រើន ព្រោះវានឹងផ្តល់ជាអង់ទីអុកស៊ីដង់ដើម្បីការពាររាងកាយ ព្រមទាំងជាតិសរសៃសម្រាប់ស្អាតសរសៃឈាមក្នុងខួរក្បាល។
ចៀសវាងរបស់ផ្អែម
ជាតិស្ករអាចធ្វើឲ្យខួរក្បាលស្វិតបាន ជាពិសេសតំបន់សម្រាប់រៀនសូត្រ និងចងចាំតែម្តង។
ចៀសវាងខ្លាញ់ Trans Fats
ខ្លាញ់ប្រភេទនេះអាចធ្វើឲ្យខួរក្បាលស្វិតដូចជាតិស្ករអញ្ចឹង។ ខ្លាញ់នេះមាននៅក្នុងអាហារឆា ឬចៀន អាហារលឿន និងអាហារខ្ចប់ ឬអាហារឆ្អិនស្រាប់។
ញ៉ាំវីតាមីន B
វីតាមីន B ជួយកាត់បន្ថយការរលាកដើម្បីកុំឲ្យមានបញ្ហាលើការផ្ចង់អារម្មណ៍។ ចូរប្រាកដថា អ្នកបានទទួលទានវីតាមីន B12, B6 អាស៊ីតហ្វូលិក ឬថ្នាំបំប៉នវីតាមីន Bកំផ្លេច។
ញ៉ាំអាស៊ីតខ្លាញ់អូមេហ្គាបីឲ្យបានច្រើន
អាស៊ីតខ្លាញ់ប្រភេទនេះមានច្រើននៅក្នុងត្រីសាលម៉ុង ត្រីសាឌីន ឬធូណា។ ខ្លាញ់អូមេហ្គាបីជួយកាត់បន្ថយការរលាក ហើយវាក៏ជួយអភិវឌ្ឈន៍ខួរក្បាល និងជំនាញឆ្លាតវ៉ៃផងដែរ។
ហាត់ប្រាណ
ឥទ្ធិពលនៃការហាត់ប្រាណ ចំពោះមុខងារឆ្លាតវ៉ៃរបស់រាងកាយគឺអាចនឹងកើតមានចំពោះអ្នក បើសិនជាអនុវត្តវាជារៀងរាល់ថ្ងៃ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com