ជាតិ
បទយកការណ៍ / បទសម្ភាសន៍
ឯកសារគុកទួលស្លែងជាង៤០ម៉ឺនទំព័រ នឹងត្រូវផលិតជាទម្រង់អេឡិចត្រូនិក
× ស្ថិតក្នុងគម្រោង៣ឆ្នាំរបស់អង្គការយូណេស្កូ និងត្រូវឧបត្ថម្ភដោយភ្នាក់ងារ Koica របស់រដ្ឋាភិបាលកូរ៉េ ឯកសារជាច្រើនប្រភេទនៅបណ្ណាសារនៃសារមន្ទីរប្រល័យពូជសាសន៍ទួលស្លែងនឹងត្រូវផលិតទៅជាឯកសារអេឡិចត្រូនិក ឬឌីជីថល។ មន្ត្រីរបស់អង្គការយូណេស្កូ លោក លឹម ប៊ុនហុក ដែលគ្រប់គ្រងគម្រោងដ៏សំខាន់មួយនេះ បានប្រាប់ឲ្យដឹងថា ឯកសារជាង៤០ម៉ឺនសន្លឹកដែលស្ថិតនៅក្នុងគម្រោងនេះ ត្រូវបានចាត់ទុកថាជា ឯកសារចងចាំរបស់ពិភពលោក។
សូមស្តាប់បទសម្ភាសរវាងលោក លាង ដឺលុច និងលោក លឹម ប៊ុនហុក ដូចតទៅ៖
ដោយសារតែឯកសារទាំងឡាយដែលរួមមាន ចម្លើយសារភាព ប្រវត្តិរូបអ្នកទោស រូបថត កំណត់ហេតុ ជាដើមដែលសរុបទាំងអស់មានជាង៤០ម៉ឺនទំព័រ ត្រូវបានទទួលស្គាល់ថាជា ការចងចាំរបស់ពិភពលោក (memory of the world) នៃអង្គការយូណេស្កូ ទើបការផលិតឯកសារទាំងនេះទៅជាទម្រង់អេឡិចត្រូនិកជាការងារចាំបាច់ខ្លាំង។ នេះជាការពន្យល់របស់លោក លឹម ប៊ុនហុក មន្ត្រីគ្រប់គ្រងគម្រោងនេះរបស់អង្គការយូណេស្កូ ដោយលោកបញ្ជាក់បន្ថែមថា ឯកសារប្រវត្តិសាស្ត្រជាទម្រង់អេឡិចត្រូនិកទាំងនេះ នឹងត្រូវរៀបចំដាក់ក្នុងវេបសាយ ដែលអនុញ្ញាត និងផ្តល់ភាពងាយស្រួលដល់ការស្រាវជ្រាវនានាទៀតផង។
«ក្រុមហ៊ុនឯកជនដែលនឹងទទួលបន្ទុកអនុវត្តគម្រោងនេះ ត្រូវតែជាអ្នកជំនាញដែលស្គាល់ប្រវត្តិសាស្ត្រខ្មែរ ចេះភាសាខ្មែរ មានជំនាញថែរក្សាឯកសារ…។ ហើយនៅក្នុងក្របខណ្ឌនៃគម្រោងនេះ មន្ត្រីពាក់ព័ន្ធនៅក្រសួងវប្បធម៌ មន្ត្រីនៃសារមន្ទីរប្រល័យពូជសាសន៍ទួលស្លែងនឹងទទួលបានការបណ្តុះបណ្តាលថែមទៀតក្នុងកិច្ចការងារនេះ»។ នេះជាការអះអាងរបស់មន្ត្រីគ្រប់គ្រងគម្រោងរបស់ យូណេស្កូ៕
Tag:
ទួលស្លែង
S-21
ស-២១
លឹម ប៊ុនហុក
យូណេស្កូ
© រក្សាសិទ្ធិដោយ thmeythmey.com