ជាតិ
×![]()
ដោយ: ធឿន បញ្ញាឬទិ្ធ
ភ្នំពេញ៖ ក្នុងរយៈពេលប៉ុន្មានថ្ងៃខាងមុខនេះ កម្ពុជានឹងរងប្រព័ន្ធសម្ពាធទាបមួយ ដែលបង្កឲ្យមានភ្លៀងធ្លាក់រាយប៉ាយទូទាំងប្រទេស។ កម្រិតទឹកភ្លៀងនឹងធ្វើឲ្យកម្ពស់ទឹកទន្លេមេគង្គលើ ហក់ឡើងជាគំហុក និងបណ្ដាលឲ្យតំបន់មួយចំនួន នៅអមសងខាងទន្លេរងគ្រោះទឹកជំនន់ផងដែរ។ នេះបើតាមក្រសួងធនធានទឹក និងឧត្តុនិយម។
ក្រោយពីព្យាករណ៍លើស្ថានភាពអាកាសធាតុរួចមក ក្រសួងធនធានទឹក បានឲ្យដឹងថា កូនព្យុះទី៨ ប្រចាំឆ្នាំនេះ ដែលមានឈ្មោះថា តាឡាស កំពុងស្ថិតនៅក្នុងដែនសមុទ្រចិនខាងត្បូង នឹងរំកិលខ្លួនចូលឈូងសមុទ្រ កុងតឹង ហើយបង្កជាប្រព័ន្ធសម្ពាធទាបមួយ ចូលក្នុងតំបន់ផ្ទៃរងទឹកភ្លៀងទន្លេមេគង្គថៃ និងមេគង្គឡាវ ចាប់ពីថ្ងៃទី១៧ ដល់ថ្ងៃ២១ កក្កដា។ បើតាមក្រសួងធនធានទឹក ប្រព័ន្ធសម្ពាធទាប ដែលរងឥទ្ធិពលពីកូនព្យុះតាឡាស នេះ នឹងបង្កឲ្យមានភ្លៀងធ្លាក់រាយប៉ាយនៅទូទាំងប្រទេសកម្ពុជា រហូតដល់ថ្ងៃទី២៥ កក្កដា។
សេចក្តីជូនដំណឹងរបស់ក្រសួងធនធានទឹក ចុះថ្ងៃទី១៦ កក្កដា នេះ បានបញ្ជាក់ដូច្នេះថា៖«ក្នុងរយៈពេល៤-៥ ថ្ងៃខាងមុខ ទឹកទន្លេមេគង្គនឹងបន្តហក់ឡើងជាលំដាប់។ បើទោះបីជាការកើនឡើងនេះ មិនទាន់ឈានទៅដល់កម្រិតកម្ពស់ ដែលត្រូវប្រុងប្រយ័ត្ន តែទឹកជំនន់អាចធ្វើឲ្យលិចតំបន់ទំនាបមួយចំនួន ដែលស្ថិតនៅអមសងខាងដងទន្លេមេគង្គលើ ក្នុងខេត្តស្ទឹងត្រែង ក្រចេះ និងកំពង់ចាម»។
ចំណែកទន្លេមេគង្គក្រោម ទន្លេសាប និងទន្លេបាសាក់ ក៏មានកម្ពស់ទឹកហក់ឡើងជាបន្តបន្ទាប់ផងដែរ។
ជាមួយគ្នានេះក្រសួងធនធានទឹក និងឧត្តុនិយម ស្នើឲ្យអាជ្ញាធរដែនដី និងប្រជាពលរដ្ឋ ដែលរស់នៅតាមដងទន្លេទាំងនេះ បង្កើនការប្រុងប្រយ័ត្នចំពោះស្ថានភាពទឹកទន្លេ ដែលហក់ឡើងជាបន្តបន្ទាប់នេះ។
សម្រាប់ប្រជាកសិករ គួរតែរួសរាន់ប្រមូលកសិផលឲ្យទាន់ពេលវេលា។ ចំណែកអ្នកនេសាទ និងអ្នកធ្វើដំណើរតាមសមុទ្រ ត្រូវបង្កើនការប្រុងប្រយ័ត្ន ដើម្បីចៀសវាងគ្រោះថ្នាក់ផ្សេងៗ ដែលអាចកើឡើងជាយថហេតុ។ នេះជាការអំពាវនាវរបស់ក្រសួងធនធានទឹក៕
ក្រោយពីព្យាករណ៍លើស្ថានភាពអាកាសធាតុរួចមក ក្រសួងធនធានទឹក បានឲ្យដឹងថា កូនព្យុះទី៨ ប្រចាំឆ្នាំនេះ ដែលមានឈ្មោះថា តាឡាស កំពុងស្ថិតនៅក្នុងដែនសមុទ្រចិនខាងត្បូង នឹងរំកិលខ្លួនចូលឈូងសមុទ្រ កុងតឹង ហើយបង្កជាប្រព័ន្ធសម្ពាធទាបមួយ ចូលក្នុងតំបន់ផ្ទៃរងទឹកភ្លៀងទន្លេមេគង្គថៃ និងមេគង្គឡាវ ចាប់ពីថ្ងៃទី១៧ ដល់ថ្ងៃ២១ កក្កដា។ បើតាមក្រសួងធនធានទឹក ប្រព័ន្ធសម្ពាធទាប ដែលរងឥទ្ធិពលពីកូនព្យុះតាឡាស នេះ នឹងបង្កឲ្យមានភ្លៀងធ្លាក់រាយប៉ាយនៅទូទាំងប្រទេសកម្ពុជា រហូតដល់ថ្ងៃទី២៥ កក្កដា។
សេចក្តីជូនដំណឹងរបស់ក្រសួងធនធានទឹក ចុះថ្ងៃទី១៦ កក្កដា នេះ បានបញ្ជាក់ដូច្នេះថា៖«ក្នុងរយៈពេល៤-៥ ថ្ងៃខាងមុខ ទឹកទន្លេមេគង្គនឹងបន្តហក់ឡើងជាលំដាប់។ បើទោះបីជាការកើនឡើងនេះ មិនទាន់ឈានទៅដល់កម្រិតកម្ពស់ ដែលត្រូវប្រុងប្រយ័ត្ន តែទឹកជំនន់អាចធ្វើឲ្យលិចតំបន់ទំនាបមួយចំនួន ដែលស្ថិតនៅអមសងខាងដងទន្លេមេគង្គលើ ក្នុងខេត្តស្ទឹងត្រែង ក្រចេះ និងកំពង់ចាម»។
ចំណែកទន្លេមេគង្គក្រោម ទន្លេសាប និងទន្លេបាសាក់ ក៏មានកម្ពស់ទឹកហក់ឡើងជាបន្តបន្ទាប់ផងដែរ។
ជាមួយគ្នានេះក្រសួងធនធានទឹក និងឧត្តុនិយម ស្នើឲ្យអាជ្ញាធរដែនដី និងប្រជាពលរដ្ឋ ដែលរស់នៅតាមដងទន្លេទាំងនេះ បង្កើនការប្រុងប្រយ័ត្នចំពោះស្ថានភាពទឹកទន្លេ ដែលហក់ឡើងជាបន្តបន្ទាប់នេះ។
សម្រាប់ប្រជាកសិករ គួរតែរួសរាន់ប្រមូលកសិផលឲ្យទាន់ពេលវេលា។ ចំណែកអ្នកនេសាទ និងអ្នកធ្វើដំណើរតាមសមុទ្រ ត្រូវបង្កើនការប្រុងប្រយ័ត្ន ដើម្បីចៀសវាងគ្រោះថ្នាក់ផ្សេងៗ ដែលអាចកើឡើងជាយថហេតុ។ នេះជាការអំពាវនាវរបស់ក្រសួងធនធានទឹក៕
Tag:
ជំនន់ទឹកភ្លៀង
ទន្លេមេគង្គ
ធនធានទឹក
© រក្សាសិទ្ធិដោយ thmeythmey.com
