អន្តរជាតិ
ឌូទើតេ ស្ដីឲ្យមន្ត្រីជាន់ខ្ពស់ម្នាក់ថា កុំចង់រិះគន់លោកដូច អូបាម៉ា
×![]()
ដោយ: តន ចាន់រិទ្ធារ៉ា
ប្រធានាធិបតីហ្វីលីពីន រ៉ូឌ្រីហ្គោ ឌូទើតេ បាននិយាយវាយប្រហារមន្ត្រីជាន់ខ្ពស់ម្នាក់មានតួនាទីជាប្រធានអង្គភាពស៊ើបអង្កេត ដែលបានរិះគន់លោកជុំវិញការប្រើប្រាស់ពាក្យសម្ដីមិនសមរម្យ និងគំរាមសម្លាប់ឧក្រិដ្ឋជន។ លោក ឌូទើតេ បានហៅការរិះគន់របស់លោកស្រី Conchita Carpio Morales ប្រធានស្ថាប័នស៊ើបអង្កេត ជាទង្វើដូចអតីតប្រធានាធិបតីអាមេរិក បារ៉ាក់ អូបាម៉ា ដែលបានរិះគន់លោកដូចគ្នាជុំវិញការសម្លាប់មនុស្សយ៉ាងច្រើន។
ការប្រើប្រាស់សម្ដីគំរាមសម្លាប់ និងការអនុវត្តចំណាត់ការខ្លាំងក្នុងការបោសសម្អាតឧក្រិដ្ឋជន ធ្វើឲ្យប្រធានាធិបតី រ៉ូឌ្រីហ្គោ ឌូទើតេ រងការរិះគន់ខ្លាំងមិនថាក្នុងស្រុក ឬក្រៅស្រុកឡើយ។ នៅថ្ងៃទី១៧ ខែកក្កដា លោក ឌូទើតេ បានព្រលះប្រធានអង្គភាពស៊ើបអង្កេតរដ្ឋ លោកស្រី Conchita Carpio Morales ដែលបង្ហាញការមិនពេញចិត្តរបស់ខ្លួនចំពោះការប្រើប្រាស់ពាក្យសម្ដីគំរាមសម្លាប់ឧក្រិដ្ឋជនរបស់លោក។
ក្នុងកិច្ចសម្ភាសថ្មីៗនេះជាមួយសារព័ត៌មានជប៉ុន លោកស្រី Conchita Carpio Morales ចាត់ទុកពាក្យគំរាមរបស់លោក ឌូទើតេ ជារឿងមិនអាចទទួលបានឡើយ ហើយវាប្រៀបបាននឹងការយកជន្លូញយកទៅដាក់អ្នកការពាររបស់ឧក្រិដ្ឋដូច្នោះដែរ។ លោក ឌូទើតេ បានហៅការអធិប្បាយរបស់លោកស្រី Carpio ជាការបន្ទោសលោកជាសាធារណៈ និងបានចាត់ទុកលោកស្រី Carpio ជាអ្នកការពារឧក្រិដ្ឋជនទៀតផង។
ចំពោះមុខមន្ត្រីជាច្រើនរូបក្នុងពិធីប្រកាសចូលកាន់តំណែងថ្មី ប្រធានាធិបតីហ្វីលីពីនមាត់អត់គម្របរូបនេះ ក៏បានប្រាប់ឲ្យលោកស្រី Carpio បិទមាត់ និងត្រូវឈប់ធ្វើខ្លួនជាព្រះទៀតទៅ។ លោក ឌូទើតេ ចាត់ទុកពាក្យរិះគន់របស់លោកស្រីថាជាសម្ដីរបស់អ្នកនាំពាក្យក្រុមឧក្រិដ្ឋជនទៀតផង។ បើតាមសារព័ត៌មាន Rappler លោក ក៏បានប្រាប់ឲ្យប្រធានស្ថាប័នស៊ើបអង្កេតរូបនេះរកច្បាប់ដែលបង្ហាញថា ពាក្យគំរាមរបស់លោក គឺជារឿងខុសច្បាប់ ហើយបើរកឃើញ លោកចុះចេញភ្លាម។
លើសពីនោះ លោក ឌូទើតេ ក៏បានប្រដូចលោកស្រី Carpio ទៅនឹងអតីតប្រធានាធិបតីអាមេរិកទី៤៤ បារ៉ាក់ អូបាម៉ា ដែលបានរិះគន់លោកមិនធម្មតាដែរជុំវិញការសម្លាប់មនុស្សក្នុងសង្គ្រាមគ្រឿងញៀន។ ជាមួយការមិនពេញចិត្តនឹងសម្ដីរិះគន់ លោកបន្ថែមថា លោកកំពុងជួបបញ្ហាលំបាកក្នុងការដោះស្រាយបញ្ហាក្នុងស្រុក តែលោកស្រី Carpio បែរជាធ្វើដូចលោក អូបាម៉ា ដោយរិះគន់លោករឿងសម្លាប់ឧក្រិដ្ឋជនទៅវិញ។
តាមពិតទៅ លោកស្រី Carpio គឺជាមន្ត្រីជាន់ខ្ពស់ម្នាក់ក្នុងចំណោមមនុស្សជាច្រើនដែលរិះគន់លោក ឌូទើតេ ជុំវិញការសម្លាប់មនុស្សរាប់ពាន់នៅហ្វីលីពីន។ សមាជិកព្រឹទ្ធសភា Leila de Lima ប្រធានតុលាការកំពូលហ្វីលីពីន Maria Lourdes Sereno អតីតអគ្គលេខាធិការអង្គការសហប្រជាជាតិ បាន គីមូន លោក បារ៉ាក់ អូបាម៉ា អតីតប្រធានាធិបតីកូឡុំប៊ី Cesar Gaviria និងមន្ត្រីអឺរ៉ុប សុទ្ធធ្លាប់រិះគន់លោក ឌូទើតេ ប៉ុន្តែលោកមិនខ្វល់ខ្វាយអ្វីឡើយ៕
ការប្រើប្រាស់សម្ដីគំរាមសម្លាប់ និងការអនុវត្តចំណាត់ការខ្លាំងក្នុងការបោសសម្អាតឧក្រិដ្ឋជន ធ្វើឲ្យប្រធានាធិបតី រ៉ូឌ្រីហ្គោ ឌូទើតេ រងការរិះគន់ខ្លាំងមិនថាក្នុងស្រុក ឬក្រៅស្រុកឡើយ។ នៅថ្ងៃទី១៧ ខែកក្កដា លោក ឌូទើតេ បានព្រលះប្រធានអង្គភាពស៊ើបអង្កេតរដ្ឋ លោកស្រី Conchita Carpio Morales ដែលបង្ហាញការមិនពេញចិត្តរបស់ខ្លួនចំពោះការប្រើប្រាស់ពាក្យសម្ដីគំរាមសម្លាប់ឧក្រិដ្ឋជនរបស់លោក។
ក្នុងកិច្ចសម្ភាសថ្មីៗនេះជាមួយសារព័ត៌មានជប៉ុន លោកស្រី Conchita Carpio Morales ចាត់ទុកពាក្យគំរាមរបស់លោក ឌូទើតេ ជារឿងមិនអាចទទួលបានឡើយ ហើយវាប្រៀបបាននឹងការយកជន្លូញយកទៅដាក់អ្នកការពាររបស់ឧក្រិដ្ឋដូច្នោះដែរ។ លោក ឌូទើតេ បានហៅការអធិប្បាយរបស់លោកស្រី Carpio ជាការបន្ទោសលោកជាសាធារណៈ និងបានចាត់ទុកលោកស្រី Carpio ជាអ្នកការពារឧក្រិដ្ឋជនទៀតផង។
ចំពោះមុខមន្ត្រីជាច្រើនរូបក្នុងពិធីប្រកាសចូលកាន់តំណែងថ្មី ប្រធានាធិបតីហ្វីលីពីនមាត់អត់គម្របរូបនេះ ក៏បានប្រាប់ឲ្យលោកស្រី Carpio បិទមាត់ និងត្រូវឈប់ធ្វើខ្លួនជាព្រះទៀតទៅ។ លោក ឌូទើតេ ចាត់ទុកពាក្យរិះគន់របស់លោកស្រីថាជាសម្ដីរបស់អ្នកនាំពាក្យក្រុមឧក្រិដ្ឋជនទៀតផង។ បើតាមសារព័ត៌មាន Rappler លោក ក៏បានប្រាប់ឲ្យប្រធានស្ថាប័នស៊ើបអង្កេតរូបនេះរកច្បាប់ដែលបង្ហាញថា ពាក្យគំរាមរបស់លោក គឺជារឿងខុសច្បាប់ ហើយបើរកឃើញ លោកចុះចេញភ្លាម។
លើសពីនោះ លោក ឌូទើតេ ក៏បានប្រដូចលោកស្រី Carpio ទៅនឹងអតីតប្រធានាធិបតីអាមេរិកទី៤៤ បារ៉ាក់ អូបាម៉ា ដែលបានរិះគន់លោកមិនធម្មតាដែរជុំវិញការសម្លាប់មនុស្សក្នុងសង្គ្រាមគ្រឿងញៀន។ ជាមួយការមិនពេញចិត្តនឹងសម្ដីរិះគន់ លោកបន្ថែមថា លោកកំពុងជួបបញ្ហាលំបាកក្នុងការដោះស្រាយបញ្ហាក្នុងស្រុក តែលោកស្រី Carpio បែរជាធ្វើដូចលោក អូបាម៉ា ដោយរិះគន់លោករឿងសម្លាប់ឧក្រិដ្ឋជនទៅវិញ។
តាមពិតទៅ លោកស្រី Carpio គឺជាមន្ត្រីជាន់ខ្ពស់ម្នាក់ក្នុងចំណោមមនុស្សជាច្រើនដែលរិះគន់លោក ឌូទើតេ ជុំវិញការសម្លាប់មនុស្សរាប់ពាន់នៅហ្វីលីពីន។ សមាជិកព្រឹទ្ធសភា Leila de Lima ប្រធានតុលាការកំពូលហ្វីលីពីន Maria Lourdes Sereno អតីតអគ្គលេខាធិការអង្គការសហប្រជាជាតិ បាន គីមូន លោក បារ៉ាក់ អូបាម៉ា អតីតប្រធានាធិបតីកូឡុំប៊ី Cesar Gaviria និងមន្ត្រីអឺរ៉ុប សុទ្ធធ្លាប់រិះគន់លោក ឌូទើតេ ប៉ុន្តែលោកមិនខ្វល់ខ្វាយអ្វីឡើយ៕
Tag:
ហ្វីលីពីន
រ៉ូឌ្រីហ្គោ ឌូទើតេ
បារ៉ាក់ អូបាម៉ា
© រក្សាសិទ្ធិដោយ thmeythmey.com
