ជាតិ
អ្នកស្រី គឹម ស្រីពៅ ចាកចេញពីប៊ូឌីង ទាំងអាឡោះអាល័យ
× អគារប៊ូឌីញ«ស» ដែលមានចំណាស់ជាង៥០ឆ្នាំ នឹងត្រូវវាយកម្ទេចចោលក្នុងពេលឆាប់ៗ ដើម្បីសង់ជាអគារពាណិជ្ជកម្ម ក្រោមគម្រោងចំណាយពី៧០លានដុល្លារ ទៅ៨០លានដុល្លារអាមេរិក ដោយក្រុមហ៊ុនជប៉ុន Arakawa ។ ពលរដ្ឋចំនួន៤៩២គ្រួសារ ដែលរស់នៅអគារនេះ បានទទួលសំណងពីក្រុមហ៊ុនរួចរាល់ហើយ។
ដ្បិតតែទទួលបានសំណង និងព្រមចាកចេញពីប៊ូឌីងមែន ប៉ុន្តែក្តីអាល័យអាឡោះ ស្រណោះស្តាយនៅតែមាន។ អ្នកស្រី គឹម ស្រីពៅ ដែលរស់នៅប៊ូឌីង ជាង២០ឆ្នាំ បានរៀបរាប់ទាំងទឹកភ្នែកថា ប៊ូឌីង បានផ្តល់ក្តីសុខដល់គ្រួសារអ្នកស្រី។ អ្នកស្រី ពៅ រៀបរាប់ទាំងទឹកភ្នែករលីងរលោងថា៖«កន្លែងយើងធ្លាប់រស់នៅ និយាយមិនស្តាយយ៉ាងម៉េច? យើងរស់នៅកន្លែងនេះមានសេចក្តីសុខណាស់។ យើងរស់នៅទីនេះ យើងរាប់អានញាតិបានច្រើនណាស់ យើងទៅនៅកន្លែងថ្មីទម្រាំកសាងបានវាយូរ»។
មុននឹងរូបរាងពិតរបស់«ប៊ូឌីង» បាត់បង់ អ្នកស្រី ពៅ បញ្ជាក់ថា« ប៊ូឌីង» ស្ថិតក្នុងការចងចាំរបស់ខ្លួនជានិច្ច៕
© រក្សាសិទ្ធិដោយ thmeythmey.com