ពីនេះ ពីនោះ
ព័ត៍មានសុខភាព
គ្រាន់តែទំពារស្ករកៅស៊ូសោះ អាចព្យាបាលការក្រហាយទ្រូងតាមបែបធម្មជាតិហើយ
× ការក្រហាយទ្រូងច្រើនតែទាក់ទងនឹងការច្រាលទឹកអាស៊ីតពីក្រពះមកបំពង់ក ឬហៅថា Gastroesophageal Reflux Disease (GERD)។ ប៉ុន្តែតើអ្វីទៅដែលធ្វើឲ្យមានបញ្ហាបែបនេះ? ភាគច្រើនគួរតែបន្ទោសទៅលើរបៀបរស់នៅ និងរបបអាហារ។ ថ្វីត្បិតតែរឿងនេះកើតឡើងបណ្តោះអាសន្នក៏ដោយ តែវាច្រើនតែធ្វើឲ្យឈឺចាប់ខ្លាំង។
ភាគច្រើនអ្នកដែលមានអាការៈក្រហាយដើមទ្រូងនេះគឺនៅពេលយប់ ជាពិសេសក្រោយពេលញ៉ាំអាហារច្រើនៗរួច ធ្វើចលនាដូចជាការលើករបស់ធ្ងន់ៗ ឬអោន ឬគេងផ្ងាក្រោយបាយរួច។
យោងទៅតាមសារព័ត៌មាន Journal of Dental Research បានឲ្យដឹងថា អ្នកដែលមានរោគសញ្ញានៃជំងឺ GERD ឬក្រហាយដើមទ្រូងរ៉ាំរ៉ៃ ច្រើនតែធូរស្រាលទៅវិញនៅពេលពួកគេទំពារស្ករកៅស៊ូមួយដុំដែលគ្មានជាតិស្ករយ៉ាងហោចណាស់ ៣០នាទីក្រោយបាយរួច។
នេះដោយសារតែការទំពារស្ករកៅស៊ូអាចបង្កើនលំហូរទឹកមាត់ និងភ្ញោចដល់ក្រពេញទឹកមាត់។ រាល់អាស៊ីតទាំងឡាយដែលបានបង្កើតក្នុងពោះវៀន នឹងត្រូវបានលាងសម្អាតចេញវិញ និងពង្រាវវាឲ្យថ្លាកាន់តែលឿនផងដែឬ។ កាលណាអាស៊ីតថ្លាវិញបែបនេះអាចជួយសម្រួលដល់អាការៈក្រហាយដើមទ្រូងរបស់ជំងឺ GERD នេះបាន៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com