អន្តរជាតិ
ហ្វាំងឡង់៖ មនុស្សជិត៨០០នាក់ងូតទឹកស្រាតរួមគ្នាដើម្បីបំបែកកំណត់ត្រាពិភពលោក
×![]()
ដោយ: ធីតា
មនុស្សជិត៨០០នាក់ កាលពីថ្ងៃទី១៥ ខែកក្កដាកន្លងមក បាននាំស្រាតងូតទឹកនៅក្នុងបឹងមួយនៅតំបន់ Linnulahti ក្រុង Joensuu ប្រទេសហ្វាំងឡង់។ យោងតាមការផ្សាយរបស់សារព័ត៌មាន yle.fi គោលបំណងអ្នករៀបចំកម្មវិធីគឺដើម្បីក្លាយជាម្ចាស់កំណត់ត្រាថ្មីក្នុងសៀវភៅ Guinness World Records។
ជាផ្នែកមួយនៃកម្មវិធីកម្សាន្ត និងតន្ត្រី Ilosaarirock Music Festival នៅក្រុង Joensuu ក្រុមអ្នករៀបចំកម្មវិធីបានអំពាវនាវដល់អ្នកចូលនាំគ្នាចុះឈ្មោះងូតទឹកស្រាត ដើម្បីបំបែកកំណត់ត្រាចាស់នៅអូស្ត្រាលីកាលពីឆ្នាំ២០១៥ ដែលកាលណោះមានមនុស្សចូលរួមចំនួន៧៨៦នាក់។
ការអំពាវនាវដំបូង មានតែប៉ុន្មាននាក់ប៉ុណ្ណោះដែលចាប់អារម្មណ៍ ប៉ុន្តែដោយសារកម្មវិធីរៀបចំនៅម៉ោង២ថ្ងៃត្រង់ ហើយអាកាសធាតុក្តៅផងដែរនោះ អ្នកចូលរួមលែងមានអារម្មណ៍អៀនខ្មាស។ ពួកគេបាននាំគ្នារត់ចូលក្នុងបឹងទាំងននលគោក ដែលធ្វើឲ្យអ្នករៀបចំកម្មវិធីសប្បាយចិត្តយ៉ាងខ្លាំង។
តាមលក្ខខន្តិកៈ អ្នកចូលរួមទាំងអស់ត្រូវស្ថិតនៅក្នុងទឹកអាចហោចណាស់៥នាទី។ នាពេលនោះពួកគេក៏បាននាំគ្នាច្រៀងចម្រៀងជាតិហ្វាំងឡង់ផងដែរ ក្នុងគោលបំណងអបអរខួប១០០ឆ្នាំនៃការទទួលបានឯករាជ្យពីរុស្ស៊ី។
សរុបមនុស្សចំនួន៧៨៩នាក់នាក់បាននាំគ្នារត់ទាំងស្រាតទៅងូតទឹកត្រជាក់នៅក្នុងបឹងមួយនៅតំបន់ Linnulahti ក្រុង Joensuu ប្រទេសហ្វាំងឡង់ ទាំងសប្បាយរីករាយ។ ចំនួននេះ បានក្លាយជាកំណត់ត្រាថ្មីនៃការប្រមូលផ្តុំងូតទឹកស្រាតច្រើនជាងគេលើពិភពលោក ពោលគឺលើសកំណត់ត្រាចាស់នៅទីក្រុង Perth ប្រទេសអូស្ត្រាលី តែ៣នាក់ប៉ុណ្ណោះ។
បច្ចុប្បន្ន ក្រុមអ្នករៀបចំកម្មវិធី កំពង់រង់ចាំការទទួលស្គាល់ផ្លូវការពីក្រុមការងារ Guinness World Records៕
ជាផ្នែកមួយនៃកម្មវិធីកម្សាន្ត និងតន្ត្រី Ilosaarirock Music Festival នៅក្រុង Joensuu ក្រុមអ្នករៀបចំកម្មវិធីបានអំពាវនាវដល់អ្នកចូលនាំគ្នាចុះឈ្មោះងូតទឹកស្រាត ដើម្បីបំបែកកំណត់ត្រាចាស់នៅអូស្ត្រាលីកាលពីឆ្នាំ២០១៥ ដែលកាលណោះមានមនុស្សចូលរួមចំនួន៧៨៦នាក់។
ការអំពាវនាវដំបូង មានតែប៉ុន្មាននាក់ប៉ុណ្ណោះដែលចាប់អារម្មណ៍ ប៉ុន្តែដោយសារកម្មវិធីរៀបចំនៅម៉ោង២ថ្ងៃត្រង់ ហើយអាកាសធាតុក្តៅផងដែរនោះ អ្នកចូលរួមលែងមានអារម្មណ៍អៀនខ្មាស។ ពួកគេបាននាំគ្នារត់ចូលក្នុងបឹងទាំងននលគោក ដែលធ្វើឲ្យអ្នករៀបចំកម្មវិធីសប្បាយចិត្តយ៉ាងខ្លាំង។
តាមលក្ខខន្តិកៈ អ្នកចូលរួមទាំងអស់ត្រូវស្ថិតនៅក្នុងទឹកអាចហោចណាស់៥នាទី។ នាពេលនោះពួកគេក៏បាននាំគ្នាច្រៀងចម្រៀងជាតិហ្វាំងឡង់ផងដែរ ក្នុងគោលបំណងអបអរខួប១០០ឆ្នាំនៃការទទួលបានឯករាជ្យពីរុស្ស៊ី។
សរុបមនុស្សចំនួន៧៨៩នាក់នាក់បាននាំគ្នារត់ទាំងស្រាតទៅងូតទឹកត្រជាក់នៅក្នុងបឹងមួយនៅតំបន់ Linnulahti ក្រុង Joensuu ប្រទេសហ្វាំងឡង់ ទាំងសប្បាយរីករាយ។ ចំនួននេះ បានក្លាយជាកំណត់ត្រាថ្មីនៃការប្រមូលផ្តុំងូតទឹកស្រាតច្រើនជាងគេលើពិភពលោក ពោលគឺលើសកំណត់ត្រាចាស់នៅទីក្រុង Perth ប្រទេសអូស្ត្រាលី តែ៣នាក់ប៉ុណ្ណោះ។
បច្ចុប្បន្ន ក្រុមអ្នករៀបចំកម្មវិធី កំពង់រង់ចាំការទទួលស្គាល់ផ្លូវការពីក្រុមការងារ Guinness World Records៕
Tag:
ប្លែកៗ
© រក្សាសិទ្ធិដោយ thmeythmey.com
