ពិព័រណ៍អាពាហ៍ដ៏ធំអស្ចារ្យប្រចាំឆ្នាំ២០១៧ កំពុងប្រព្រឹត្តទៅនៅក្នុងអគារតាំងពិព័រណ៍កោះពេជ្រ

អត្ថបទពាណិជ្ជកម្ម

ពិព័រណ៍អាពាហ៍ដ៏ធំអស្ចារ្យប្រចាំឆ្នាំ២០១៧ កំពុងប្រព្រឹត្តទៅនៅក្នុងអគារតាំងពិព័រណ៍កោះពេជ្រ

22, Jul 2017 , 4:45 pm

រូបភាព

ដោយ:

រាជធានីភ្នំពេញ៖ នៅថ្ងៃទី២២ ខែកក្កដា ឆ្នាំ២០១៧នេះ មានការចូលរួមតាំងបង្ហាញពីក្រុមហ៊ុនផ្នែកសេវាកម្ម និងផ្គត់ផ្គង់សម្ភារៈអាពាហ៍ពិពាហ៍ប្រមាណជាង៥០ក្រុមហ៊ុនដូចជា៖ ភេសជ្ជៈ សេវាកម្មថតរូប វីដេអូមុនថ្ងៃអាពាហ៍ពិពាហ៍ Live Video សេវាកម្មថតរូបនៅក្រៅប្រទេស ស៊ុមតាំងរូបថតទំនើបៗ សម្អាងការ រៀបចំពិធីការ ផ្កា ហាងនំខេក សម្លៀកបំពាក់មង្គលការ សណ្ឋាគារ គ្រឿងសង្ហារឹម ម្ហូបអាហារ ក្រុមភ្លេង ក្រុមតុបតែងទឹកបាញ់ក្នុងកម្មវិធី រថយន្ត ធនាគារហិរញវត្ថុ បង់រំលោះ និងកម្ចី ព្រមទាំងសេវាកម្មថែរក្សាសុខភាពជាដើម។

លើសពីនេះទៀតក៏មានការដើរបង្ហាញម៉ូតសម្លៀកបំពាក់បែបប្រពៃណី សម័យ និងបុរាណរបស់កូនកំលោះ ក្រមុំសម្រាប់ថ្ងៃរៀបអាពាហ៍ពិពាហ៍ និងការតាំងបង្ហាញសម្លៀកបំពាក់សម្រាប់ចូលរួមពិធីមង្គលការ ព្រមទាំងការសម្តែងកម្មវិធីសំខាន់មួយចំនួនក្នុងពិធីរៀបមង្គលការដូចជា៖ ពិធីចូលម្លប់ ពិធីបុកល័ក្ខ របាំអប្សរា របាំពិណ្យអង្គរ និងការប្រគុំភ្លេងបែបប្រពៃណីផងដែរ។

លោក សេង ពិសិដ្ឋ នាយកប្រតិបត្តិនៃក្រុមហ៊ុនអនុស្សា បានមានប្រសាសន៍ដូច្នេះថា៖« កត្តាដែលជំរុញអោយពួកយើងរៀបចំកម្មវិធីនេះឡើង គឺដើម្បីអោយអនាគតគូស្វាមីភរិយាថ្មី ដែលមានគម្រោងរៀបអាពាហ៍ពិពាហ៍នាពេលដ៏ខ្លីខាងមុខនេះ ទទួលបាននូវគំនិតល្អៗស្តីពីការរៀបមង្គលការ យល់ដឹងពីរបៀបក្នុងការជ្រើសរើសសម្ភារៈ និងអ្នកផ្គត់ផ្គង់សេវាកម្មមង្គលការ ទទួលបានការប្រឹក្សាយោបល់ពីការដេគ័រឆាក ការតុបតែងកន្លែងថតរូបអនុស្សាវរីយ៍ និងការដេគ័រផ្កានៅមុខក្លោងជាដើម» ។

លោកបានបន្ថែមទៀតថា ពិព័រណ៍នេះនឹងក្លាយទៅជាទីកន្លែងមួយ ដែលបង្កភាពងាយស្រួល និងកាត់បន្ថយភាពស្មុគស្មាញដល់អ្នកមានគម្រោងរៀបការទាំងអស់ អោយទទួលបានមង្គលការមួយដ៏អស្ចារ្យ ចំណេញទាំងថវិការ និងពេលវេលា។

គួរបញ្ចាក់ផងដែរថា ការបើកពិព័រណ៍អាពាហ៍ពិពាហ៍លើកទី២នេះ ក៏មានការចូលរួមដ៏ខ្ពង់ខ្ពស់ពីសំណាក់លោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បះ និងវត្តមានដ៏ខ្ពង់ខ្ពស់ឯកឧត្តម ឈួន ដារ៉ា រដ្ឋលេខាធិការក្រសួងពាណិជ្ជកម្មផងដែរ ។

កម្មវីធីនេះរៀបចំដោយ អនុស្សា គាំទ្រដោយក្រសួងពាណិជ្ជកម្ម ឧបត្ថម្ភធំដោយក្រុមហ៊ុនផលិតស្រាបៀរ CBL និងឧបត្ថម្ភធំដោយក្រុមហ៊ុន ស្តាអូតូខេមបូឌា (Star Auto Cambodia) ។