ពីនេះ ពីនោះ
ព័ត៍មានសុខភាព
តើមនុស្សបែបណាដែលងាយនឹងកង្វះវីតាមីន D ក្នុងខ្លួនទៅ?
× វីតាមីន D មានតួនាទីច្រើនណាស់ក្នុងរាងកាយ ដោយភាគច្រើនគឺវាថែរក្សាសុខភាពឆ្អឹង និងធ្មេញ ទ្រទ្រង់សុខភាពប្រព័ន្ធភាពស៊ាំ ខួរក្បាល និងសរសៃប្រសាទ សម្រួលដល់ចំនួនអាំងស៊ុយលីន ទ្រទ្រង់មុខងារសួត និងបេះដូងសរសៃឈាម ព្រមទាំងកុំឲ្យកើតជំងឺមហារីកថែមទៀតផង។
មិនមានមនុស្សគ្រប់គ្នាសុទ្ធតែអាចកង្វះវីតាមីន D ក្នុងខ្លួននោះទេ។ ប៉ុន្តែ មានកត្តាប្រឈមមុខមួយចំនួនតូចដែលអាចធ្វើឲ្យមនុស្សម្នាក់កង្វះវីតាមីនមួយនេះបាន។ កត្តាទាំងនោះមានដូចជា៖
• ស្បែកខ្មៅ
• អាយុចាប់ពី ៥០ឆ្នាំឡើងទៅ
• ជាមនុស្សធាត់ ឬធាត់ជ្រុល
• មិនញ៉ាំអាហារមានវីតាមីន D
• រស់នៅក្នុងកន្លែងដែលមិនសូវមានពន្លឺព្រះអាទិត្យ
• ចូលចិត្តរស់នៅក្នុងផ្ទះច្រើនជាងចេញក្រៅ។
សំណាងដែរ ការកង្វះវីតាមីន D ជាបញ្ហាមួយដែលងាយស្រួលព្យាបាលណាស់។ អ្នកអាចបង្កើនចំនួនវីតាមីន D ឡើងវិញតាមរយៈការហាលថ្ងៃឲ្យបានច្រើន ឬញ៉ាំអាហារណាសម្បូរវីតាមីន D ។ សម្រាប់ការហាលថ្ងៃ យកល្អគួរតែប្រាកដថា អ្នកមិនបានធ្វើឲ្យស្បែករលាកដោយសារតែហាលថ្ងៃក្នុងពេលដែលក្តៅពេកឡើយ។ អាហារសម្បូរវីតាមីន D មានដូចជា ត្រី ស៊ុត ថ្លើមគោ អាហារធ្វើពីទឹកដោះគោ ទឹកក្រូចច្របាច់ ឬសណ្តែកសៀងជាដើម៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com