ជាតិ
លោក ទាវ វណ្ណុល ប្រធានគណបក្សសម រង្ស៊ី
×![]()
ដោយ: ថ្មីៗ
ភ្នំពេញ៖ គណៈកម្មាធិការអចិន្ត្រៃយ៍នៃគណបក្ស សម រង្ស៊ី បានបើកកិច្ចប្រជុំនៅព្រឹកថ្ងៃទី២៥ ខែកក្កដា ឆ្នាំ២0១៧នេះ ដើម្បីប្តូរឈ្មោះពីគណបក្ស សម រង្ស៊ី ទៅឈ្មោះផ្សេងវិញ។ នេះជាការអះអាងរបស់លោក ទាវ វណ្ណុល ប្រធានគណបក្ស សម រង្ស៊ី។
លោក ទាវ វណ្ណុល បានប្រាប់សារព័ត៌មានថ្មីៗថា សមាជិកគណៈកម្មាធិការអចិន្ត្រៃយ៍នៃគណបក្ស សម រង្ស៊ី បានស្នើឡើងនូវឈ្មោះថ្មីចំនួន៦ឯណោះ ដើម្បីជំនួសឲ្យឈ្មោះ«គណបក្ស សម រង្ស៊ី» ដែលនឹងត្រូវលុបចេញ។ លោក ទាវ វណ្ណុល បានប្រាប់ឈ្មោះថ្មីចំនួន៣ ក្នុងចំណោមឈ្មោះថ្មីទាំង៦ ដែលនឹងត្រូវដាក់ជំនួសឲ្យឈ្មោះគណបក្ស សម រង្ស៊ី។ ឈ្មោះទាំង៣ ដែលលោក ទាវ វណ្ណុល បានប្រាប់នោះ គឺ គណបក្សជាតិខ្មែរ គណបក្សរស្មីប្រជាធិបតេយ្យ និងគណបក្សពន្លឺភ្លើងទៀន។
លោក ទាវ វណ្ណុល បានបញ្ជាក់ថា គណបក្ស សម រង្ស៊ី ដូរតែឈ្មោះ ប៉ុណ្ណោះ ចំណែកឯរូបភ្លើងទៀន ដែលជាសញ្ញាសម្គាល់របស់គណបក្ស នឹងត្រូវរក្សាទុកដដែល។ ប្រធានគណបក្ស សម រង្ស៊ី រូបនេះ សង្កត់ធ្ងន់ថា ការប្តូរឈ្មោះគណបក្ស គឺធ្វើឡើងទាំងបង្ខំចិត្ត ព្រោះច្បាប់ស្តីពីគណបក្សនយោបាយ បានកំណត់បែបនេះ។ លោក និយាយដូច្នេះថា៖«ឈ្មោះ [គណបក្ស សម រង្ស៊ី] គឺយើងត្រូវតែប្តូរហើយ ដើម្បីឲ្យស្របនឹងមាត្រាថ្មីនៃច្បាប់ស្តីពីគណបក្សនយោបាយ ដែលគេទើបនឹងចែង»។
មាត្រាថ្មីនៃច្បាប់ស្តីពីគណបក្សនយោបាយ បានចែងថា៖«ចំពោះគណបក្សនយោបាយណា ដែលមានឈ្មោះ ឬសញ្ញាសម្គាល់របស់គណបក្សជាឈ្មោះ ឬរូបភាពរបស់រូបវន្តបុគ្គល ត្រូវផ្លាស់ប្តូរឈ្មោះ ឬសញ្ញាសម្គាល់ ឲ្យស្របតាមបទប្បញ្ញត្តិនៃច្បាប់នេះ ក្នុងរយៈពេល ៩០ ថ្ងៃ យ៉ាងយូរ គិតចាប់ពីថ្ងៃដែលច្បាប់នេះចូលជាធរមាន»។
បើតាមលោក ទាវ វណ្ណុល បន្ទាប់ពីជ្រើសរើសឈ្មោះថ្មី តាមរយៈគណៈកម្មាធិការអចិន្ត្រៃយ៍រួចហើយ គណបក្ស នឹងធ្វើសមាជវិសាមញ្ញ ដើម្បីអនុម័តដាក់ឈ្មោះថ្មីនោះជាផ្លូវការតែម្តង។ ប៉ុន្តែ លោក មិនទាន់អាចបញ្ជាក់បានទេថា គណបក្ស នឹងធ្វើសមាជវិសាមញ្ញ នៅពេលណា។
រហូតមកដល់ពេលនេះ សេចក្តីស្នើសុំឲ្យកែប្រែច្បាប់ស្តីពីគណបក្សនយោបាយ បានទៅដល់ក្រុមប្រឹក្សាធម្មនុញ្ញហើយ បន្ទាប់ពីរដ្ឋសភា និងព្រឹទ្ធសភា បានអនុម័តយល់ព្រម។ ពេលក្រុមប្រឹក្សាធម្មនុញ្ញ ពិនិត្យចប់សព្វគ្រប់ ហើយក៏មិនជំទាស់ផងនោះ សេចក្តីស្នើសុំឲ្យកែប្រែច្បាប់ស្តីពីគណបក្សនយោបាយ នឹងត្រូវថ្វាយទៅព្រះមហាក្សត្រ ដើម្បីព្រះអង្គឡាយព្រះហស្ថលេខា ប្រកាសឲ្យប្រើប្រាស់។
សូមបញ្ជាក់ថា នៅដើមឆ្នាំ២0១៧ ច្បាប់ស្តីពីគណបក្សនយោបាយ ត្រូវបានកែប្រែម្តងរួចទៅហើយ។ ហើយការកែប្រែច្បាប់ស្តីពីគណបក្សនយោបាយទាំង២លើកនេះ សុទ្ធតែធ្វើឡើងតាមសំណើរបស់សម្តេច ហ៊ុន សែន នាយករដ្ឋមន្ត្រីនិងជាប្រធានគណបក្សប្រជាជនកម្ពុជា៕
លោក ទាវ វណ្ណុល បានប្រាប់សារព័ត៌មានថ្មីៗថា សមាជិកគណៈកម្មាធិការអចិន្ត្រៃយ៍នៃគណបក្ស សម រង្ស៊ី បានស្នើឡើងនូវឈ្មោះថ្មីចំនួន៦ឯណោះ ដើម្បីជំនួសឲ្យឈ្មោះ«គណបក្ស សម រង្ស៊ី» ដែលនឹងត្រូវលុបចេញ។ លោក ទាវ វណ្ណុល បានប្រាប់ឈ្មោះថ្មីចំនួន៣ ក្នុងចំណោមឈ្មោះថ្មីទាំង៦ ដែលនឹងត្រូវដាក់ជំនួសឲ្យឈ្មោះគណបក្ស សម រង្ស៊ី។ ឈ្មោះទាំង៣ ដែលលោក ទាវ វណ្ណុល បានប្រាប់នោះ គឺ គណបក្សជាតិខ្មែរ គណបក្សរស្មីប្រជាធិបតេយ្យ និងគណបក្សពន្លឺភ្លើងទៀន។
លោក ទាវ វណ្ណុល បានបញ្ជាក់ថា គណបក្ស សម រង្ស៊ី ដូរតែឈ្មោះ ប៉ុណ្ណោះ ចំណែកឯរូបភ្លើងទៀន ដែលជាសញ្ញាសម្គាល់របស់គណបក្ស នឹងត្រូវរក្សាទុកដដែល។ ប្រធានគណបក្ស សម រង្ស៊ី រូបនេះ សង្កត់ធ្ងន់ថា ការប្តូរឈ្មោះគណបក្ស គឺធ្វើឡើងទាំងបង្ខំចិត្ត ព្រោះច្បាប់ស្តីពីគណបក្សនយោបាយ បានកំណត់បែបនេះ។ លោក និយាយដូច្នេះថា៖«ឈ្មោះ [គណបក្ស សម រង្ស៊ី] គឺយើងត្រូវតែប្តូរហើយ ដើម្បីឲ្យស្របនឹងមាត្រាថ្មីនៃច្បាប់ស្តីពីគណបក្សនយោបាយ ដែលគេទើបនឹងចែង»។
មាត្រាថ្មីនៃច្បាប់ស្តីពីគណបក្សនយោបាយ បានចែងថា៖«ចំពោះគណបក្សនយោបាយណា ដែលមានឈ្មោះ ឬសញ្ញាសម្គាល់របស់គណបក្សជាឈ្មោះ ឬរូបភាពរបស់រូបវន្តបុគ្គល ត្រូវផ្លាស់ប្តូរឈ្មោះ ឬសញ្ញាសម្គាល់ ឲ្យស្របតាមបទប្បញ្ញត្តិនៃច្បាប់នេះ ក្នុងរយៈពេល ៩០ ថ្ងៃ យ៉ាងយូរ គិតចាប់ពីថ្ងៃដែលច្បាប់នេះចូលជាធរមាន»។
បើតាមលោក ទាវ វណ្ណុល បន្ទាប់ពីជ្រើសរើសឈ្មោះថ្មី តាមរយៈគណៈកម្មាធិការអចិន្ត្រៃយ៍រួចហើយ គណបក្ស នឹងធ្វើសមាជវិសាមញ្ញ ដើម្បីអនុម័តដាក់ឈ្មោះថ្មីនោះជាផ្លូវការតែម្តង។ ប៉ុន្តែ លោក មិនទាន់អាចបញ្ជាក់បានទេថា គណបក្ស នឹងធ្វើសមាជវិសាមញ្ញ នៅពេលណា។
រហូតមកដល់ពេលនេះ សេចក្តីស្នើសុំឲ្យកែប្រែច្បាប់ស្តីពីគណបក្សនយោបាយ បានទៅដល់ក្រុមប្រឹក្សាធម្មនុញ្ញហើយ បន្ទាប់ពីរដ្ឋសភា និងព្រឹទ្ធសភា បានអនុម័តយល់ព្រម។ ពេលក្រុមប្រឹក្សាធម្មនុញ្ញ ពិនិត្យចប់សព្វគ្រប់ ហើយក៏មិនជំទាស់ផងនោះ សេចក្តីស្នើសុំឲ្យកែប្រែច្បាប់ស្តីពីគណបក្សនយោបាយ នឹងត្រូវថ្វាយទៅព្រះមហាក្សត្រ ដើម្បីព្រះអង្គឡាយព្រះហស្ថលេខា ប្រកាសឲ្យប្រើប្រាស់។
សូមបញ្ជាក់ថា នៅដើមឆ្នាំ២0១៧ ច្បាប់ស្តីពីគណបក្សនយោបាយ ត្រូវបានកែប្រែម្តងរួចទៅហើយ។ ហើយការកែប្រែច្បាប់ស្តីពីគណបក្សនយោបាយទាំង២លើកនេះ សុទ្ធតែធ្វើឡើងតាមសំណើរបស់សម្តេច ហ៊ុន សែន នាយករដ្ឋមន្ត្រីនិងជាប្រធានគណបក្សប្រជាជនកម្ពុជា៕
Tag:
គណបក្សសម រង្ស៊ី
ដូរឈ្មោះ
ទាវ វណ្ណុល
© រក្សាសិទ្ធិដោយ thmeythmey.com
