ជាតិ
ពលរដ្ឋមានទំនាស់ដីជាមួយក្រុមហ៊ុនING Holding ជំរុញឲ្យអាជ្ញាធរជួយដោះស្រាយបញ្ហាដីធ្លី
× ភ្នំពេញ៖ នៅព្រឹកថ្ងៃទី២៥ កក្កដា ពលរដ្ឋមានទំនាស់ដីធ្លីជាច្រើននាក់ បាននាំគ្នាសុំអន្តរាគមន៍ពីរដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងអភិបាលរាជធានីភ្នំពេញ ដើម្បីជួយដោះស្រាយបញ្ហាដីធ្លីរបស់ពួកគេ ដែលស្ថិតនៅក្នុងគម្រោងអភិវឌ្ឍរបស់ក្រុមហ៊ុន ING Holding ដែលរដ្ឋាភិបាលបានប្រគល់ឲ្យក្រុមហ៊ុនវិនិយោគកាលពីឆ្នាំ២០១១កន្លងមក។
ពលរដ្ឋដែលនាំគ្នាមកតវ៉ានេះ ជំរុញឲ្យរដ្ឋាភិបាលជួយកាត់ដីសហគមន៍ ពីគម្រោងអភិវឌ្ឍរបស់ក្រុមហ៊ុន ING Holding នេះ ហើយចេញបណ្ណកម្មសិទ្ធដីធ្លីជូនពួកគេ ដើម្បីធានាដល់ការរស់នៅរបស់ពួកគាត់នៅក្នុងតំបន់នោះ។ ការទាមទារបស់ប្រជាពលរដ្ឋនៅសហគមន៍ព្រែកតាគង់១ សង្កាត់ចាក់អង្រែលើ ខណ្ឌមានជ័យ និងភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញនេះ ដោយសារតែពួកគេព្រួយបារម្ភចំពោះការបណ្ដេញពីទីតាំងចាស់ ក្រោមគម្រោងអភិវឌ្ឍទីក្រុងរណបថ្មីនេះ។
កន្លងមកក្រសួងរៀបចំដែនដី នគរូបនីយកម្ម និងសំណង់ ក៏បានបញ្ជូនបញ្ហានេះទៅឲ្យសាលារាជធានីភ្នំពេញ ពិនិត្យនិងជួយដោះស្រាយជូនប្រជាពលរដ្ឋផងដែរ៕
Tag:
ភូមិតាគង់១
ក្រសួងដែនដី
សាលាក្រុង
© រក្សាសិទ្ធិដោយ thmeythmey.com