ជាតិ
ទឹកហក់ឡើងខ្លាំង បណ្តាលឲ្យលិចស្ពានអាងទឹកតាម៉ុកក្នុងខេត្តឧត្តរមានជ័យ
× ភ្នំពេញ៖ នៅម៉ោង៣រសៀលថ្ងៃទី២៦ ខែកក្កដា ទឹកបានហក់ឡើងលិចស្ពានឆ្លងនៅអាងទឹកតាម៉ុកក្នុងខេត្តឧត្តរមានជ័យ។ នេះបើតាមវីដេអូ ដែលបង្ហោះផ្សាយក្នុងទំព័រហ្វេសប៊ុករបស់ក្រសួងធនធានទឹក និងឧតុនិយមនៅថ្ងៃនេះ។
ទឹកជំនន់បានហក់ឡើងកម្ពស់៤ម៉ែត្រ លើសកម្រិតប្រកាសឲ្យប្រុងប្រយ័ត្ន ដែលបានដៅទុកត្រឹម២,៩០ម៉ែត្រ។
បើតាមវីដេអូបង្ហោះក្នុងទំព័រហ្វេសប៊ុកក្រសួងធនធានទឹក និងឧតុនិយម ឲ្យដឹងថា ទឹកបានហក់ឡើងរហូតដល់ហៀរអាងទឹកតាម៉ុក និងបានពន្លិចស្ពាន ដែលពលរដ្ឋឆ្លងកាត់ប្រចាំថ្ងៃនៅទីនោះ រហូតក្រសួងធានធានទឹក បានយកគ្រឿងចក្រមកអន្តរាគមន៍ ដើម្បីកាត់បន្ថយផលប៉ះពាល់ ដែលកើតឡើងពីគ្រោះទឹកជំនន់នេះ៕
Tag:
អាងទឹកតាម៉ុក
ទឹកជំនន់
© រក្សាសិទ្ធិដោយ thmeythmey.com