Pacquiao គ្រោងសង់មន្ទីរពេទ្យទំនើបសម្រាប់ប្រជាជនក្នុងស្រុកកំណើត

កីឡាអន្តរជាតិ

អន្តរជាតិ

Pacquiao គ្រោងសង់មន្ទីរពេទ្យទំនើបសម្រាប់ប្រជាជនក្នុងស្រុកកំណើត

27, Jul 2017 , 7:19 pm

រូបភាព

ដោយ: ទេព ពិទូរ្យ

កំពូលអ្នកប្រដាល់ហ្វីលីពីន Manny Pacquiao មានគម្រោងសាងសង់មន្ទីពេទ្យលំដាប់ពិភពលោកដំបូងបង្អស់ដើម្បីជួយព្យាបាលជំងឺប្រជាជននៅក្នុងទីក្រុង General Santos ដែលជាទីកន្លែងកំណើតរបស់ខ្លួន។

យោងតាមការផ្សាយរបស់ Viral4rea អ្នកប្រដាល់អាជីព និងជាសមាជិកព្រឹទ្ធសភាហ្វីលីពីន នឹងផ្តល់មួលនិធិផ្ទាល់ខ្លួនដើម្បីសាងសង់មជ្ឈមណ្ឌលវេជ្ជសាស្ត្រមួយកន្លែងមានឈ្មោះថា anny Pacquiao Medical Center ដែលបំពាក់ទៅដោយឧបករណ៍ និងគ្រឿងបរិក្ខាទំនើបៗ ដើម្បីផ្ដល់ការព្យាបាលដល់អ្នកនៅក្រៅក្រុង និងក្នុងទីក្រុង General Santos ប្រទេសហ្វីលីពីន។

Pacquiao កំពុងបង្ហាញក្តីបារម្មណ៍ដោយផ្ដោតទៅលើសុខភាព និងសុខុមាលភាពប្រជាជន ជាពិសេសអ្នកដែលនៅស្រុកកំណើតរបស់គេ។
គម្រោងនៃការសាងសង់នេះគឺជួយសម្រួលដល់ប្រជាពលរដ្ឋដែលជាញឹកញាប់ត្រូវការធ្វើដំណើរឆ្ងាយទៅរកមន្ទីរពេទ្យដែលល្អ ដើម្បីព្យាបាល ឬពិនិត្យសុខភាពរបស់ពួកគេ។ ប្រសិនបើគម្រោងសាងមន្ទីរពេទ្យនេះទទួលបានផ្លែផ្កាមែន អ្នកស្រុកនិងអ្នកនៅក្បែរនោះអាចទៅព្យាបាលយ៉ាងងាយស្រួលបំផុត។

ជុំវិញគម្រោងដ៏ធំរបស់ស្តេចប្រដាល់អាស៊ី វ័យ៣៨ឆ្នាំនេះ ត្រូវបានគេមើលឃើញថា ជាការគិតគូ និងយកចិត្តទុកដាក់ទៅលើប្រជាពលរដ្ឋ ក្នុងនាមជាអ្នកនយោបាយ ហើយនិងដើម្បីយកចិត្តមនុស្សនៅជុំវិញពិភពលោក ដោយសារបាត់បង់ប្រជាប្រិយភាពក្រោយចាញ់ការប្រកួតដណើមខ្សែក្រវាត់ជាមួយអ្នកប្រដាល់អូស្ត្រាលី Jaff Horn កាលពីខែមិថុនាកន្លងទៅ៕