ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
បទយកការណ៍ / បទសម្ភាសន៍
ជ័យលាភី រិទ្ធ សានីតា៖«ប្រើយុទ្ធសាស្ត្រឈ្នះ-ឈ្នះ ដើម្បីអាចទទួលបានទាំងការសិក្សា និងសេ្នហា»
27, Jul 2017 ,
4:10 pm
រូបភាព
×
ដោយ:
រវាង«ស្នេហា និងការសិក្សា» យុវជនជាច្រើនអាចឆ្លើយដោយត្រង់ ឬដោយមិនត្រង់ថា ពួកគេជ្រើសរើសយកការសិក្សា។ សំណួរដដែលនេះ បើគេសួរទៅកញ្ញា រិទ្ធ សានីតា យុវតីរូបនេះនឹងឆ្លើយយកទាំងពីរ ដោយប្រើយុទ្ធសាស្ត្រ ឈ្នះ-ឈ្នះ ពោលគឺ «ស្របតាមខួរក្បាល និងមិនក្បត់បេះដូង»។ ប្រធានបទសំខាន់ សិល្បៈនៃការនិយាយស្តីទៅកាន់ទស្សនិកជនក៏រស់រវើក និងខ្លឹមសារនៃការបកស្រាយមានន័យ ទាំងអស់នេះបានទាក់ទាញចំណាប់អារម្មណ៍គណៈមេប្រយោគ និងអ្នកចូលរួមដែលបានផ្តល់ពន្ទុឲ្យ សានីតា ក្លាយជាជ័យលាភីវោហាសព្ទឆ្នើមពីកម្មវិធី The Perspectives Cambodia ២០១៧ កាលពីពេលថ្មីៗនេះ។ បច្ចុប្បន្ន កញ្ញា រិទ្ធ សានីតា ជានិស្សិតឆ្នាំ៣ ជំនាញអក្សសាស្ត្រអង់គ្លេសនៅសាកលវិទ្យាល័យបញ្ញាសាស្ត្រ និងជំនាញរដ្ឋបាលសាធារណៈ នៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច។
ដើម្បីជ្រាបព័ត៌មានលម្អិត សូមអញ្ជើញអានបទសម្ភាសរវាងលោក ទីន សុខលីម អ្នកកាសែតនៃសារព័ត៌មានអេឡិចត្រូនិកថ្មីៗ និងកញ្ញា រិទ្ធ សានីតា ដូចតទៅ៖
លោក ទីន សុខលីម៖ ហេតុអ្វីបានជាកញ្ញាសម្រេចចិត្តជ្រើសរើសប្រធានបទ ការសិក្សា និងស្នេហា?
កញ្ញា រិទ្ធ សារីតា ៖ ដូចដែលខ្ញុំបានបកស្រាយនៅវេទិកាអ៊ីចឹង គឺវាជាកង្វល់របស់យុវវ័យ។ យុវវ័យនាពេលបច្ចុប្បន្នកំពុងស្ថិតនៅកណ្តាលនៃពាក្យទាំងពីរនេះ គឺស្នេហា និងការសិក្សា។ ពួកគេកំពុងគិតថា តើត្រូវជ្រើសរើសយកមួយ អត់មួយ? ឬយ៉ាងណា?
លោក ទីន សុខលីម៖ តើកញ្ញាផ្តល់ដំណោះស្រាយយ៉ាងណា នៅលើឆាកប្រកួតនោះ?
កញ្ញា រិទ្ធ សារីតា៖ ខ្ញុំថា ការសិក្សាជាតម្រូវការរបស់ខួរក្បាល។ រីឯស្នេហា វាជាតម្រូវការរបស់បេះដូង។ ទាំងខួរក្បាល និងបេះដូង សំខាន់ដូចគ្នា។ ការសិក្សាគឺសំខាន់ តែយើងអាចគ្រប់គ្រងបាន។ ប៉ុន្តែជាទូទៅ យុវជនមិនអាចគ្រប់គ្រងអារម្មណ៍ដែលមានស្នេហាបានទេ។ យើងត្រូវរកវិធីយ៉ាងណាដែលអាចធ្វើឲ្យស្នេហាក៏ល្អ ហើយការសិក្សាក៏ល្អ។
លោក ទីន សុខលីម៖ តើធ្វើយ៉ាងណាដើម្បីឲ្យការសិក្សា និងស្នេហា ដើរល្អទន្ទឹមគ្នា?
កញ្ញា រិទ្ធ សារីតា ៖ នាងខ្ញុំបានលើកយកនូវយុទ្ធសាស្ត្រឈ្នះ-ឈ្នះ ពោលគឺស្របតាមខួរក្បាល និងមិនក្បត់បេះដូង។ យើងត្រូវធ្វើយ៉ាងណាឲ្យការសិក្សាក៏ល្អ ហើយស្នេហាក៏ផ្អែមល្ហែម។ បានន័យថា យើងត្រូវជ្រើសរើសមនុស្សដ៏ត្រឹមត្រូវមួយសម្រាប់ស្នេហា។ ជាមនុស្សត្រឹមត្រូវដែលមិនក្លាយជាសម្ពាធចំពោះការសិក្សារបស់យើង តែគាំទ្រយើង និងអនុញ្ញាតឲ្យយើងអាចគ្រប់គ្រង និងប្រើប្រាស់ពេលវេលាឲ្យមានប្រសិទ្ធភាព និងចំគោលដៅទៀតផង។
លោក ទីន សុខលីម៖ តើកញ្ញាអាចលម្អិតជាងនេះបន្តិចទៀតបានទេ?
កញ្ញា រិទ្ធ សារីតា៖ បានន័យថា ស្នេហា និងការសិក្សា ត្រូវការពេលវេលាដូចគ្នា។ ការសិក្សាដើម្បីចេះ យើងត្រូវការពេលរំលឹកមេរៀន អានសៀវភៅ និងស្វ័យសិក្សា។ ចំណែកស្នេហាវិញ ដើម្បីឲ្យផ្អែមល្ហែម វាត្រូវការពេលវេលា ដើម្បីកសាងអនុវស្សាវរីយ៍ដូចគ្នាដែរ។ ប៉ុន្តែខ្ញុំចង់បញ្ជាក់ថា យើងស្ថិតក្នុងវ័យសិក្សារៀនសូត្រ ដូច្នេះរឿងអាទិភាពនៅតែជាការសិក្សា។ មិនមែនបានន័យថា យើងទុករឿងបេះដូងចោលទេ។ តែយុវជនក៏មិនចាំបាច់ចំណាយពេលច្រើនម៉ោងក្នុងមួយថ្ងៃ នៅជាមួយគ្នាទេ។ តែមួយនាទី វាគ្រប់គ្រាន់ និងបង្កើតភាពផ្អែមល្ហែម ជាមួយដៃគូរណាស់ទៅហើយ។
លោក ទីន សុខលីម៖ ជ័យលាភីវោហារសព្ទឆ្នើម កើតចេញពីកញ្ញាជ្រើសរើសប្រធានបទត្រូវបរិបទ។ ប៉ុន្តែខ្ញុំចង់ដឹងថា តើមានចំណុចអ្វីផ្សេងទៀតដែលធ្វើឲ្យកញ្ញាទទួលបានជោគជ័យដែរឬទេ?
កញ្ញា រិទ្ធ សារីតា ៖ ប្រធាននេះ ពេលខ្ញុំចង់និយាយដំបូងនោះ ខ្ញុំគ្រាន់តែនិយាយរបៀបលេងសើច ជាមួយគ្រូបង្វឹកខ្ញុំប៉ុណ្ណោះ។ ដល់ពេលគិតចុះឡើង ប្រធានបទនេះគួរឲ្យចាប់អារម្មណ៍ដែរ ហើយខ្ញុំក៏សម្រេចចិត្តជ្រើសរើសប្រធានបទនេះតែម្តង។ តាមពិត នៅក្រោយភាពជោគជ័យរបស់ខ្ញុំ ក៏មិនមែនមានតែរឿងប្រធានបទនោះដែរ។ មានការជ្រោមជ្រែងពីបុគ្គលជាច្រើន មានកញ្ញា ឡាំ សុវណ្ណី ដែលជាគ្រូបង្វឹកដ៏ពិសេសរបស់ខ្ញុំម្នាក់ និងមានលោក ហួ តុលា ដែលជាគ្រូបង្វឹកម្នាក់ដែរ។ និងមានគណៈកម្មការ វោហាសព្ទឆ្នើម ដែលនៅពេលដែលខ្ញុំហ្វឹកហាត់ ពួកគាត់បានជួយណែនាំច្រើន។ រឿងមួយទៀតខ្ញុំចង់ឲ្យយុវវ័យដឹងថា ជាទូទៅគឺគ្មានអ្នកណាម្នាក់កើតមកពូកែ និងនិយាយបានល្អនោះទេ។ គឺវាត្រូវការហ្វឹកហាត់ច្រើន និងត្រៀមឲ្យបានល្អ។
លោក ទីន សុខលីម៖ តើកញ្ញាបានចូលរៀន វគ្គបណ្តុះបណ្តាលនិយាយជាសាធារណៈពីមុនមកទេ?
កញ្ញា រិទ្ធ សារីតា៖ ខ្ញុំបានចូលរៀនវគ្គបណ្តុះបណ្តាល និងប្រកួតការជជែកពិភាក្សាតទល់ កាលពីឆ្នាំ២០១៦។ ខ្ញុំមិនដែលបានរៀនអំពីការនិយាយជាសាធារណៈនោះទេ។ ការជជែកពិភាក្សាតទល់ និងការនិយាយជាសារធារណៈ គឺខុសគ្នា។ ការជជែកពិភាក្សាគឺតម្រូវឲ្យយើងត្រូវឈរលើគោលជំហរមតិស្រប ឬក៏បដិសេធ និងស្វែងរកទឡ្ហីករណ៍ អំណះអំណាង គាំទ្រទៅលើប្រធានបទ។ តែចំពោះអ្នកនិយាយជាសារណៈ វាមិនមែនជាការនិយាយថាខាងណាខុស ឬក៏ត្រូវនោះទេ។ ប៉ុន្តែវាជាការនិយាយយ៉ាងណា ដែលអាចទាញយកបេះដូងអ្នកស្តាប់ឲ្យបាន។
លោក ទីន សុខលីម៖ តើកញ្ញាមានសារអ្វីទៅកាន់យុវជនផ្សេងទៀត?
កញ្ញា រិទ្ធ សារីតា៖ សារចុងក្រោយរបស់នាងខ្ញុំទៅកាន់យុវវ័យ គឺមានការសិក្សាខ្វះស្នេហា ធ្វើឲ្យជីវិតខ្វះភាពផ្អែមល្ហែម តែមានស្នេហាខ្វះការសិក្សា ភាពផ្អែមល្ហែម ក៏មិនគង់វង្សដែរ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
«សទិសសព្ទ»និង«សទិសន័យ» មានន័យខុសគ្នាដូចម្តេច?
15 ម៉ោង
ករណីក្រុមហ៊ុន CIC៖ និយ័តករមូលបត្រកម្ពុជា ប្រកាសការពារប្រយោជន៍វិនិយោគិនស្របច្បាប់
3 ថ្ងៃ
ស្រឡាញ់របស់ចាស់ៗ! អ្នកស្រី អាគីម ច្នៃរថយន្ត Jeep ដឹកភ្ញៀវមើលប្រាសាទ និងធម្មជាតិនៅអង្គរ
6 ថ្ងៃ
«បេតិកភណ្ឌវប្បធម៌រូបី» ខុសពី «បេតិកភណ្ឌវប្បធម៌អរូបី»ដូចម្តេច?
5 ថ្ងៃ
«ចេរភាព និងនិរន្តភាព» មានន័យខុសគ្នាបែបណា?
6 ថ្ងៃ
អត្ថបទពេញនិយមបន្ថែម