ជាតិ
អាជ្ញាធរស្ទឹងត្រែង ប្រកាសអាសន្នពីកម្ពស់ទឹកដែលកើនឡើងនៅថ្ងៃទី ២៨ កក្កដានេះ
ស្ថានភាពទឹកជំនន់ទន្លេមេគង្គ បានបន្តកើនឡើងដល់កំពស់ ១០,៦១ ម៉ែត្រ។ រូបថត ក្រសួងធនធានទឹក
×![]()
ស្ថានភាពទឹកជំនន់ទន្លេមេគង្គខេត្តស្ទឹងត្រែង នឹងហក់ឡើងដល់កម្រិតប្រកាសអាសន្ន នៅថ្ងៃទី ២៨ កក្កដានេះ។ រដ្ឋបាលខេត្តស្ទឹងត្រែង បានប្រកាសអាសន្នដល់ប្រជាពលរដ្ឋទូទាំងខេត្តទាំងអស់ ពីកម្ពស់ទឹក ដែលនឹងកើនឡើងខ្ពស់អាចចូលទៅដល់ទីតាំងមូលដ្ឋាន នៅតាមដងទន្លេ និងដងអូរ។
នៅថ្ងៃទី ២៨ កក្កដានេះ កម្ពស់ទឹក នៅទន្លេមេគង្គស្ទឹងត្រែង នឹងកើនឡើងខ្ពស់អាចចូលទៅដល់ទីតាំងមូលដ្ឋានមួយចំនួន នៅតាមដងទន្លេ និងដងអូរ។ ស្ថានភាពកម្ពស់ទឹកកើនឡើងនេះ នឹងឈានដល់កម្រិតប្រកាសអាសន្ន។
រដ្ឋបាលខេត្តស្ទឹងត្រែង បានចេញសេចក្ដីជូនដំណឹងពីស្ថានភាពកម្ពស់ទឹក ដែលត្រូវប្រកាសអាសន្ន។ ក្នុងសេចក្ដីជូនដំណឹងខាងលើ បានប្រាប់ឲ្យប្រជាពលរដ្ឋដែលរស់នៅតាមដងទន្លេ ដងអូរ ព្រែក បឹងបួរ ដែលទទួលឥទ្ធិពលពីទឹកទន្លេ ត្រូវត្រៀមលក្ខណៈ និងមានការប្រុងប្រយ័ត្នខ្ពស់។ ម្យ៉ាងទៀត ប្រជាពលរដ្ឋត្រូវផ្ដល់ព័ត៌មានដល់អាជ្ញាធរក្នុងមូលដ្ឋាន ដើម្បីជួយសម្រួល និងអន្តរាគមន៍។
បន្ថែមលើនេះ រដ្ឋបាលខេត្តស្ទឹងត្រែង បានជំរុញឲ្យមន្ត្រីពាក់ព័ន្ធទាំងអស់ ត្រៀមកម្លាំង មធ្យោបាយ សម្ភារ ឧបករណ៍ផ្សេងៗ ដើម្បីជួយសង្គ្រោះ និងកាត់បន្ថយការប៉ះពាល់ដល់ប្រជាពលរដ្ឋ។ ទន្ទឹមនឹងនេះ គ្រប់មន្ទីរ អង្គភាពនានានៅថ្នាក់ខេត្ត និងកាកបាទក្រហមខេត្ត ត្រូវត្រៀម ស្បៀងអាហារ និងសម្ភារផ្សេងៗ ដើម្បីអន្តរាគមន៍ និងសង្គ្រោះបឋម។ នេះបើតាមសេចក្ដីជូនដំណឹងរបស់រដ្ឋបាលខេត្តស្ទឹងត្រែង នៅថ្ងៃទី ២៦ កក្កដា។
គួរបញ្ជាក់ថា បច្ចុប្បន្នកម្ពុជា កំពុងទទួលរងនូវឥទ្ធិពលព្យុះទី៨ សុនកា ដែលស្ថិតនៅក្បែរកោះហៃណាំដោយមានកម្លាំងខ្យល់៦៤គីឡូម៉ែតក្នុងមួយម៉ោង។ ព្យុះនេះ បំបែកខ្លួនជាពីរផ្នែក ១ផ្នែកនឹងរំកិលខ្លួនទៅដល់ឆ្នេរវៀតណាមទៅដល់តំបន់អាងទន្លេមេគង្គ និងផ្នែកទី២ធ្វើដំណើរត្រឡប់ទៅទិសឦសានវិញ។ ឥទ្ធិពលព្យុះនេះ នឹងធ្វើឲ្យមានភ្លៀងធ្លាក់ច្រើននៅតំបន់ផ្ទៃរងទឹកភ្លៀងរបស់ទន្លេមេគង្គក្នុង្រទេសថៃ និងឡាវ៕
នៅថ្ងៃទី ២៨ កក្កដានេះ កម្ពស់ទឹក នៅទន្លេមេគង្គស្ទឹងត្រែង នឹងកើនឡើងខ្ពស់អាចចូលទៅដល់ទីតាំងមូលដ្ឋានមួយចំនួន នៅតាមដងទន្លេ និងដងអូរ។ ស្ថានភាពកម្ពស់ទឹកកើនឡើងនេះ នឹងឈានដល់កម្រិតប្រកាសអាសន្ន។
រដ្ឋបាលខេត្តស្ទឹងត្រែង បានចេញសេចក្ដីជូនដំណឹងពីស្ថានភាពកម្ពស់ទឹក ដែលត្រូវប្រកាសអាសន្ន។ ក្នុងសេចក្ដីជូនដំណឹងខាងលើ បានប្រាប់ឲ្យប្រជាពលរដ្ឋដែលរស់នៅតាមដងទន្លេ ដងអូរ ព្រែក បឹងបួរ ដែលទទួលឥទ្ធិពលពីទឹកទន្លេ ត្រូវត្រៀមលក្ខណៈ និងមានការប្រុងប្រយ័ត្នខ្ពស់។ ម្យ៉ាងទៀត ប្រជាពលរដ្ឋត្រូវផ្ដល់ព័ត៌មានដល់អាជ្ញាធរក្នុងមូលដ្ឋាន ដើម្បីជួយសម្រួល និងអន្តរាគមន៍។
បន្ថែមលើនេះ រដ្ឋបាលខេត្តស្ទឹងត្រែង បានជំរុញឲ្យមន្ត្រីពាក់ព័ន្ធទាំងអស់ ត្រៀមកម្លាំង មធ្យោបាយ សម្ភារ ឧបករណ៍ផ្សេងៗ ដើម្បីជួយសង្គ្រោះ និងកាត់បន្ថយការប៉ះពាល់ដល់ប្រជាពលរដ្ឋ។ ទន្ទឹមនឹងនេះ គ្រប់មន្ទីរ អង្គភាពនានានៅថ្នាក់ខេត្ត និងកាកបាទក្រហមខេត្ត ត្រូវត្រៀម ស្បៀងអាហារ និងសម្ភារផ្សេងៗ ដើម្បីអន្តរាគមន៍ និងសង្គ្រោះបឋម។ នេះបើតាមសេចក្ដីជូនដំណឹងរបស់រដ្ឋបាលខេត្តស្ទឹងត្រែង នៅថ្ងៃទី ២៦ កក្កដា។
គួរបញ្ជាក់ថា បច្ចុប្បន្នកម្ពុជា កំពុងទទួលរងនូវឥទ្ធិពលព្យុះទី៨ សុនកា ដែលស្ថិតនៅក្បែរកោះហៃណាំដោយមានកម្លាំងខ្យល់៦៤គីឡូម៉ែតក្នុងមួយម៉ោង។ ព្យុះនេះ បំបែកខ្លួនជាពីរផ្នែក ១ផ្នែកនឹងរំកិលខ្លួនទៅដល់ឆ្នេរវៀតណាមទៅដល់តំបន់អាងទន្លេមេគង្គ និងផ្នែកទី២ធ្វើដំណើរត្រឡប់ទៅទិសឦសានវិញ។ ឥទ្ធិពលព្យុះនេះ នឹងធ្វើឲ្យមានភ្លៀងធ្លាក់ច្រើននៅតំបន់ផ្ទៃរងទឹកភ្លៀងរបស់ទន្លេមេគង្គក្នុង្រទេសថៃ និងឡាវ៕
Tag:
ទឹកជំនន់
ស្ទឹងត្រែង
© រក្សាសិទ្ធិដោយ thmeythmey.com
