ជាតិ
ពីនេះ ពីនោះ
×![]()
សៀមរាប៖ ប្រាសាទវត្តអធ្វា មានភូមិសាស្ត្រស្ថិតនៅភូមិក្រសាំងរលើង ឃុំពោធិ៍បន្ទាយជ័យ ស្រុកសៀមរាប ខេត្តសៀមរាប នៅខាងលិចស្ទឹងសៀមរាប។ ពាក្យអធ្វា មកពីពាក្យសំស្ក្រឹត អធ្ធន៊ (អធ្ធ័ន) ជានាមមានន័យថា ផ្លូវ ឬដងផ្លូវ។ ប្រាសាទនេះបានបង្ហាញពីសំណង់មិនទាន់ធ្វើសម្រេច ដោយសង្កេតតាមរយៈផ្ទៃថ្មដែលមិនទាន់រំលីង និងចម្លាក់មិនទាន់ពេញលេញ ជារួមបានតែមួយផ្នែកតូចតែប៉ុណ្ណោះ។ ចំណែកឯគំនរថ្មជាច្រើនបានរៀបចំជារាងហោជាង មិនមែនជាគំនរថ្មបាក់បែកនោះដែរ។
ប្រាសាទវត្តអធ្វាសង់នៅលើផ្ទៃរាបស្មើ មានប្រាង្គកណ្តាលអមដោយសំណង់៤ ដាក់ឲ្យបែរទៅទិសខាងលិចដូចអង្គរវត្តដែរ។ ប្រាសាទនេះ កសាងក្នុងរាជ្យព្រះបាទសូរ្យវរ្ម័នទី២ នៅចុងសតវត្សរ៍ទី១២។
ប្រាសាទវត្តអធ្វាមានក្លោងទ្វារទី២ និងខឿនត្រឡែងកែងមួយ ដែលបន្តពីក្លោងទ្វារទី១ ទៅខាងលិចបន្តគ្នា ២៥ម៉ែត្រ និង១២២ ម៉ែត្រ បានធ្វើឲ្យវាមានប្លង់រាងទ្រវែងជា Axiale។ នៅភាគពាយព្យនៃកំពែងទី១ មានស្រះ២ជាប់គ្នា និងនៅខាងកើតក៏មាន២ដែរ តាមដំណាលចាស់ៗ បាននិយាយថា ជាស្រះដែលគេជីកលើកផ្លូវ និងចាក់បំពេញទីធ្លាវត្តប្រហែល ៥០ទៅ៦០ឆ្នាំមកនេះ តែស្រះមួយដែលនៅចំពីមុខវិហារជាស្រះចាស់។ ចំណែកកំពែងធ្វើពីថ្មបាយក្រៀមកម្ពស់ ៣.៧៥ ម៉ែត្រ ព័ទ្ធជុំវិញបរិវេណទី១ ដែលមានទំហំ ៥៧ម៉ែត្រ គុណនឹង ៤៨ម៉ែត្រ តែមិនមានរោងទងទេ។ ហើយប្រាង្គកណ្តាលមានកម្ពស់១៧ម៉ែត្រ ស្ថិតចំប្រសព្វអ័ក្សនៃក្លោងទ្វារទាំង៤ ហើយមិននៅចំកណ្តាលបរិវេណប្រាសាទទេ វារៀងខិតទៅផ្នែកខាងកើតបន្តិច។
ប្រាសាទវត្តអធ្វា មានប្លង់សាមញ្ញទៅតាមទំហំប្រាសាទ តែពិបាកកំណត់ឲ្យបានច្បាស់លាស់ ណាស់ ព្រោះវាធ្វើមិនទាន់សម្រេច យើងអាចមើលឃើញតែស្ថានភាពបច្ចុប្បន្នរបស់វាតែ ប៉ុណ្ណោះ។ ប្លង់របៀបនេះមានភាគច្រើននៅសតវត្សទី១២ ក្នុងរចនាបថអង្គរ មានដូចជាប្រាសាទ ភីម៉ាយ ចៅសាយ ធម្មានន្ទ បន្ទាយសម្រែ ជាដើម។ល។ នៅប្រាសាទវត្តអធ្វា គ្រាន់តែប្លែកគេត្រង់ថា មានទិសបែរមុខទៅខាងលិចដូចអង្គរវត្តដែរ តែគេមិនអាចសំអាងលើហេតុផលនេះដើម្បីកំណត់កាលបរិច្ឆេទឡើយ ព្រោះនៅតំបន់អង្គរ ក៏មានប្រាសាទតូចមួយនៅខាងកើតប្រាសាទ ឃ្លាំងខាងជើងក៏បែរទៅទិសខាងលិចដែរ។
ស្ថានភាពបច្ចុប្បន្ននៃប្រាសាទវត្តអធ្វា គឺស្ថិតក្នុងសភាពរឹងមាំជាងបណ្តាប្រាសាទដទៃ ដោយសារមានការជួសជុលនាពេលកន្លងមក តែក៏បន្សល់ស្លាកស្នាមរបើកស្រទាប់ថ្ម ដោយទឹកភ្លៀងជ្រាបចូលមុនការជួសជុលខ្លះៗដែរ៕
ឯកសារយោង៖ សារណាបញ្ចប់បរិញ្ញាបត្របុរាណវិទ្យា «បុរាណដ្ឋានវត្តអធ្វា» របស់និស្សិតបុរាណវិទ្យាជំនាន់ទី៩ ហេង ពិភាល់ និងកញ្ញា វ៉ា ស៊ីម៉ែន នៃមហាវិទ្យាល័យបុរាណវិទ្យា ឆ្នាំ២០០២
សូមទស្សនាទិដ្ឋភាពខ្លះៗ នៃប្រាសាទវត្តអធ្វា ដែលថតនៅថ្ងៃទី២២ កក្កដា ឆ្នាំ២០១៧ ដូចតទៅ
ប្រាសាទវត្តអធ្វាសង់នៅលើផ្ទៃរាបស្មើ មានប្រាង្គកណ្តាលអមដោយសំណង់៤ ដាក់ឲ្យបែរទៅទិសខាងលិចដូចអង្គរវត្តដែរ។ ប្រាសាទនេះ កសាងក្នុងរាជ្យព្រះបាទសូរ្យវរ្ម័នទី២ នៅចុងសតវត្សរ៍ទី១២។
ប្រាសាទវត្តអធ្វាមានក្លោងទ្វារទី២ និងខឿនត្រឡែងកែងមួយ ដែលបន្តពីក្លោងទ្វារទី១ ទៅខាងលិចបន្តគ្នា ២៥ម៉ែត្រ និង១២២ ម៉ែត្រ បានធ្វើឲ្យវាមានប្លង់រាងទ្រវែងជា Axiale។ នៅភាគពាយព្យនៃកំពែងទី១ មានស្រះ២ជាប់គ្នា និងនៅខាងកើតក៏មាន២ដែរ តាមដំណាលចាស់ៗ បាននិយាយថា ជាស្រះដែលគេជីកលើកផ្លូវ និងចាក់បំពេញទីធ្លាវត្តប្រហែល ៥០ទៅ៦០ឆ្នាំមកនេះ តែស្រះមួយដែលនៅចំពីមុខវិហារជាស្រះចាស់។ ចំណែកកំពែងធ្វើពីថ្មបាយក្រៀមកម្ពស់ ៣.៧៥ ម៉ែត្រ ព័ទ្ធជុំវិញបរិវេណទី១ ដែលមានទំហំ ៥៧ម៉ែត្រ គុណនឹង ៤៨ម៉ែត្រ តែមិនមានរោងទងទេ។ ហើយប្រាង្គកណ្តាលមានកម្ពស់១៧ម៉ែត្រ ស្ថិតចំប្រសព្វអ័ក្សនៃក្លោងទ្វារទាំង៤ ហើយមិននៅចំកណ្តាលបរិវេណប្រាសាទទេ វារៀងខិតទៅផ្នែកខាងកើតបន្តិច។
ប្រាសាទវត្តអធ្វា មានប្លង់សាមញ្ញទៅតាមទំហំប្រាសាទ តែពិបាកកំណត់ឲ្យបានច្បាស់លាស់ ណាស់ ព្រោះវាធ្វើមិនទាន់សម្រេច យើងអាចមើលឃើញតែស្ថានភាពបច្ចុប្បន្នរបស់វាតែ ប៉ុណ្ណោះ។ ប្លង់របៀបនេះមានភាគច្រើននៅសតវត្សទី១២ ក្នុងរចនាបថអង្គរ មានដូចជាប្រាសាទ ភីម៉ាយ ចៅសាយ ធម្មានន្ទ បន្ទាយសម្រែ ជាដើម។ល។ នៅប្រាសាទវត្តអធ្វា គ្រាន់តែប្លែកគេត្រង់ថា មានទិសបែរមុខទៅខាងលិចដូចអង្គរវត្តដែរ តែគេមិនអាចសំអាងលើហេតុផលនេះដើម្បីកំណត់កាលបរិច្ឆេទឡើយ ព្រោះនៅតំបន់អង្គរ ក៏មានប្រាសាទតូចមួយនៅខាងកើតប្រាសាទ ឃ្លាំងខាងជើងក៏បែរទៅទិសខាងលិចដែរ។
ស្ថានភាពបច្ចុប្បន្ននៃប្រាសាទវត្តអធ្វា គឺស្ថិតក្នុងសភាពរឹងមាំជាងបណ្តាប្រាសាទដទៃ ដោយសារមានការជួសជុលនាពេលកន្លងមក តែក៏បន្សល់ស្លាកស្នាមរបើកស្រទាប់ថ្ម ដោយទឹកភ្លៀងជ្រាបចូលមុនការជួសជុលខ្លះៗដែរ៕
ឯកសារយោង៖ សារណាបញ្ចប់បរិញ្ញាបត្របុរាណវិទ្យា «បុរាណដ្ឋានវត្តអធ្វា» របស់និស្សិតបុរាណវិទ្យាជំនាន់ទី៩ ហេង ពិភាល់ និងកញ្ញា វ៉ា ស៊ីម៉ែន នៃមហាវិទ្យាល័យបុរាណវិទ្យា ឆ្នាំ២០០២
សូមទស្សនាទិដ្ឋភាពខ្លះៗ នៃប្រាសាទវត្តអធ្វា ដែលថតនៅថ្ងៃទី២២ កក្កដា ឆ្នាំ២០១៧ ដូចតទៅ
© រក្សាសិទ្ធិដោយ thmeythmey.com
