ជាតិ
លោក ញឹក ប៊ុនឆៃ នឹងរៀបចំសមាជបក្សខ្មែររួបរួមជាតិ ដើម្បីផ្ដល់ទំនុកចិត្តដល់ពលរដ្ឋវិញ
×![]()
ដោយ: ធឿន បញ្ញាឬទិ្ធ
ភ្នំពេញ៖ គណបក្សខ្មែររួបរួមជាតិ នឹងរៀបចំសមាជបក្ស នៅថ្ងៃទី១២ សីហាខាងមុខនេះ ដើម្បីពង្រឹងផ្ទៃក្នុងបក្ស និងផ្តល់ទំនុកចិត្តដល់ប្រជាពលរដ្ឋឡើងវិញ។
លោក ម៉ៅ សុផាណា ទីប្រឹក្សាផ្ទាល់របស់លោក ញឹក ប៊ុនឆៃ បាននិយាយថា មកដល់ពេលនេះ គណបក្សខ្មែររួបរួមជាតិ បានទប់ស្កាត់ស្ថានការណ៍ឲ្យវិលមកភាពប្រក្រតីវិញហើយ ក្រោយពីមានបញ្ហាផ្ទៃក្នុងបក្ស ដោយសារតែសមាជិកមួយចំនួន បានចេញទៅចូលរួមជាមួយគណបក្សហ្វ៊ុនស៊ិនប៉ិចវិញ និងគណបក្សដទៃទៀត។ លោក ម៉ៅ សុផាណា បានបន្ថែមថា ដើម្បីពង្រឹងផ្ទៃក្នុងបក្ស និងផ្តល់ទំនុកចិត្តដល់ប្រជាពលរដ្ឋឡើងវិញនោះ គណបក្សខ្មែររួបរួមជាតិ នឹងរៀបចំសមាជបក្សមួយ ក្រោមវត្តមានលោក ញឹក ប៊ុនឆៃ នៅថ្ងៃទី១២ សីហា។
ថ្លែងប្រាប់សារព័ត៌មានថ្មីៗ ទីប្រឹក្សាផ្ទាល់លោក ញឹក ប៊ុនឆៃ រូបនេះ បានបញ្ជាក់ដូច្នេះថា៖«យើងពង្រឹងគណបក្សឡើងវិញ ដោយមិនទុកអ្នកគាំទ្រចោលទេ។ យើងនឹងធ្វើឲ្យអ្នកគាំទ្រមានភាពជឿជាក់ជាមួយគណបក្សខ្មែររួបរួមជាតិ ដើម្បីចូលរួមសកម្មភាពនយោបាយ និងត្រៀមលក្ខណៈគោលនយោបាយ ប្រកួតប្រជែងគ្នា ដើម្បីសំឡេងឆ្នោត យកឈ្នះ យកចាញ់គ្នា ក្នុងការបោះឆ្នោត»។
បន្ថែមពីលើនេះ លោក ម៉ៅ សុផាណា បានថ្លែងអះអាងថា លោក ញឹក ប៊ុនឆៃ មិនដែលមានបំណងចង់ត្រឡប់ចូលគណបក្សហ្វ៊ុនស៊ិនប៉ិចវិញ ឬគណបក្សណាមួយឡើយ បើទោះជាគណបក្សខ្មែររួបរួមជាតិ កំពុងស្ថិតនៅក្នុងស្ថានភាពបែបនេះក្តី។«ទោះជាមជ្ឈដ្ឋានទូទៅ និងមានការចុះផ្សាយបែបណាក៏ដោយ តែគណបក្សខ្មែររួបរួមជាតិ នៅតែឈរឹងមាំជានិច្ច។ បើទោះជាយើងមានធនធានខ្សត់ខ្សោយ ក៏យើងនៅតែរឹងមាំ»។ នេះជាការលើកឡើងរបស់លោក ម៉ៅ សុផាណា។
ប្រធានគណបក្សខ្មែររួបរួមជាតិ លោក ញឹក ប៊ុនឆៃ ត្រូវបានព្រះមហាក្សត្រ បញ្ចប់មុខតំណែងពីទីប្រឹក្សារាជរដ្ឋាភិបាល ដែលមានឋានៈស្មើឧបនាយករដ្ឋមន្ត្រី តាមសំណើរបស់សម្ដេចនាយករដ្ឋមន្ត្រី ហ៊ុន សែន កាលពីថ្ងៃទី៩ មិថុនា កន្លងមក។ មូលហេតុដែលសម្ដេច ហ៊ុន សែន ស្នើព្រះមហាក្សត្របញ្ចប់តំណែងលោក ញឹក ប៊ុនឆៃ ដោយសារតែមិនទុកចិត្តលើប្រធានគណបក្សខ្មែររួបរួមជាតិរូបនេះ ដែលបានទំនាក់ទំនងច្រឡំលេខទៅលោក អេង ឆៃអ៊ាង អនុប្រធានគណបក្សសង្គ្រោះជាតិ។ នេះបើតាមលោក ញឹក ប៊ុនឆៃ ។
បន្ទាប់ពីបញ្ចប់តំណែងលោក ញឹក ប៊ុនឆៃ ហើយ ព្រះករុណា ព្រះមហាក្សត្រ ក៏បានចេញព្រះរាជក្រឹត្យ បញ្ចប់តំណែងមន្ត្រីជាន់ខ្ពស់ចំនួន១២រូបពីទីប្រឹក្សារដ្ឋាភិបាល ដោយមន្ត្រីទាំងនោះត្រូវបានគេមើលឃើញថា ជាមន្ត្រីស្និទ្ធិនឹងលោក ញឹក ប៊ុនឆៃ ប្រធានគណបក្សខ្មែររួបរួមជាតិផងដែរ។
មន្ត្រីគណបក្សហ្វ៊ុនស៊ិនប៉ិច បាននិយាយថា សមាជិកគណៈកម្មការនាយករបស់គណបក្សខ្មែររួបរួមជាតិមួយចំនួន បានចូលរួមជាមួយគណបក្សខ្លួន និងមាននៅតាមមូលដ្ឋានមួយចំនួនទៀត៕
លោក ម៉ៅ សុផាណា ទីប្រឹក្សាផ្ទាល់របស់លោក ញឹក ប៊ុនឆៃ បាននិយាយថា មកដល់ពេលនេះ គណបក្សខ្មែររួបរួមជាតិ បានទប់ស្កាត់ស្ថានការណ៍ឲ្យវិលមកភាពប្រក្រតីវិញហើយ ក្រោយពីមានបញ្ហាផ្ទៃក្នុងបក្ស ដោយសារតែសមាជិកមួយចំនួន បានចេញទៅចូលរួមជាមួយគណបក្សហ្វ៊ុនស៊ិនប៉ិចវិញ និងគណបក្សដទៃទៀត។ លោក ម៉ៅ សុផាណា បានបន្ថែមថា ដើម្បីពង្រឹងផ្ទៃក្នុងបក្ស និងផ្តល់ទំនុកចិត្តដល់ប្រជាពលរដ្ឋឡើងវិញនោះ គណបក្សខ្មែររួបរួមជាតិ នឹងរៀបចំសមាជបក្សមួយ ក្រោមវត្តមានលោក ញឹក ប៊ុនឆៃ នៅថ្ងៃទី១២ សីហា។
ថ្លែងប្រាប់សារព័ត៌មានថ្មីៗ ទីប្រឹក្សាផ្ទាល់លោក ញឹក ប៊ុនឆៃ រូបនេះ បានបញ្ជាក់ដូច្នេះថា៖«យើងពង្រឹងគណបក្សឡើងវិញ ដោយមិនទុកអ្នកគាំទ្រចោលទេ។ យើងនឹងធ្វើឲ្យអ្នកគាំទ្រមានភាពជឿជាក់ជាមួយគណបក្សខ្មែររួបរួមជាតិ ដើម្បីចូលរួមសកម្មភាពនយោបាយ និងត្រៀមលក្ខណៈគោលនយោបាយ ប្រកួតប្រជែងគ្នា ដើម្បីសំឡេងឆ្នោត យកឈ្នះ យកចាញ់គ្នា ក្នុងការបោះឆ្នោត»។
បន្ថែមពីលើនេះ លោក ម៉ៅ សុផាណា បានថ្លែងអះអាងថា លោក ញឹក ប៊ុនឆៃ មិនដែលមានបំណងចង់ត្រឡប់ចូលគណបក្សហ្វ៊ុនស៊ិនប៉ិចវិញ ឬគណបក្សណាមួយឡើយ បើទោះជាគណបក្សខ្មែររួបរួមជាតិ កំពុងស្ថិតនៅក្នុងស្ថានភាពបែបនេះក្តី។«ទោះជាមជ្ឈដ្ឋានទូទៅ និងមានការចុះផ្សាយបែបណាក៏ដោយ តែគណបក្សខ្មែររួបរួមជាតិ នៅតែឈរឹងមាំជានិច្ច។ បើទោះជាយើងមានធនធានខ្សត់ខ្សោយ ក៏យើងនៅតែរឹងមាំ»។ នេះជាការលើកឡើងរបស់លោក ម៉ៅ សុផាណា។
ប្រធានគណបក្សខ្មែររួបរួមជាតិ លោក ញឹក ប៊ុនឆៃ ត្រូវបានព្រះមហាក្សត្រ បញ្ចប់មុខតំណែងពីទីប្រឹក្សារាជរដ្ឋាភិបាល ដែលមានឋានៈស្មើឧបនាយករដ្ឋមន្ត្រី តាមសំណើរបស់សម្ដេចនាយករដ្ឋមន្ត្រី ហ៊ុន សែន កាលពីថ្ងៃទី៩ មិថុនា កន្លងមក។ មូលហេតុដែលសម្ដេច ហ៊ុន សែន ស្នើព្រះមហាក្សត្របញ្ចប់តំណែងលោក ញឹក ប៊ុនឆៃ ដោយសារតែមិនទុកចិត្តលើប្រធានគណបក្សខ្មែររួបរួមជាតិរូបនេះ ដែលបានទំនាក់ទំនងច្រឡំលេខទៅលោក អេង ឆៃអ៊ាង អនុប្រធានគណបក្សសង្គ្រោះជាតិ។ នេះបើតាមលោក ញឹក ប៊ុនឆៃ ។
បន្ទាប់ពីបញ្ចប់តំណែងលោក ញឹក ប៊ុនឆៃ ហើយ ព្រះករុណា ព្រះមហាក្សត្រ ក៏បានចេញព្រះរាជក្រឹត្យ បញ្ចប់តំណែងមន្ត្រីជាន់ខ្ពស់ចំនួន១២រូបពីទីប្រឹក្សារដ្ឋាភិបាល ដោយមន្ត្រីទាំងនោះត្រូវបានគេមើលឃើញថា ជាមន្ត្រីស្និទ្ធិនឹងលោក ញឹក ប៊ុនឆៃ ប្រធានគណបក្សខ្មែររួបរួមជាតិផងដែរ។
មន្ត្រីគណបក្សហ្វ៊ុនស៊ិនប៉ិច បាននិយាយថា សមាជិកគណៈកម្មការនាយករបស់គណបក្សខ្មែររួបរួមជាតិមួយចំនួន បានចូលរួមជាមួយគណបក្សខ្លួន និងមាននៅតាមមូលដ្ឋានមួយចំនួនទៀត៕
Tag:
ញឹក ប៊ុនឆៃ
ខ្មែររួបរួមជាតិ
© រក្សាសិទ្ធិដោយ thmeythmey.com
