ជាតិ
សេដ្ឋកិច្ច
កម្ពុជា និងបង់ក្លាដែស នឹងចុះកិច្ចព្រមព្រៀងនាំចេញអង្ករ ១លានតោនក្នុងពេល៥ឆ្នាំ
រូបភាពពីហ្វេសប៊ុកក្រសួងពាណិជ្ជកម្ម
×![]()
ប្រទេសបង់ក្លាដែស នឹងព្រមព្រៀងទិញអង្ករពីកម្ពុជាក្នុងបរិមាណ ១លានតោន សម្រាប់រយៈពេល ៥ឆ្នាំ។ នេះបើតាមការឲ្យដឹងរបស់រដ្ឋមន្ត្រីក្រសួងពាណិជ្ជកម្ម លោក ប៉ាន សូរសក្ដិ ។
លោក ប៉ាន សូរសក្ដិ បានបញ្ជាក់ក្នុងកិច្ចសម្ភាសមួយដែលផ្សព្វផ្សាយនៅលើទំព័រហ្វេសប៊ុកស្ថានីយទូរទស្ស CNC នៅថ្ងៃទី១ខែសីហាថា រូបលោកនឹងចុះហត្ថលេខារួមគ្នាជាមួយរដ្ឋមន្ត្រីក្រសួងស្បៀងអាហាររបស់បង់ក្លាដែស លើកិច្ចព្រមព្រៀងនាំចេញអង្ករចំនួន ១លានតោនសម្រាប់រយៈពេល៥ឆ្នាំ នៅថ្ងៃទី២ ខែសីហា។ លោកបញ្ជាក់ថា កិច្ចព្រមព្រៀងនេះ នឹងត្រូវចាប់ផ្ដើមអនុវត្តពីឆ្នាំ២០១៧ តទៅ។
ក្នុងអំឡុងត្រីមាសទីឆ្នាំនេះ កម្ពុជាបាននាំចេញអង្ករចំនួន ២៨៨,៥៦២តោន កើនឡើង ៧,៦ ភាគរយ ធៀបនឹងរយៈពេលដូចគ្នាកាលពីឆ្នាំមុន។ ដោយឡែកការនាំចេញអង្ករក្នុងឆ្នាំ២០១៦ កន្លងទៅ សម្រេចបានជាង ៥៤ម៉ឺនតោន៕
Tag:
អង្ករ
ប៉ាន សូរសក្តិ
© រក្សាសិទ្ធិដោយ thmeythmey.com
