អន្តរជាតិ
មីយ៉ាន់ម៉ាអះអាងថាមិនមានការរំលោភសិទិ្ធមនុស្សក្នុងរដ្ឋ Rakhine នោះទេ
×![]()
ក្រុមស៊ើបអង្កេតសិទិ្ធមនុស្សអង្គការសហប្រជាជាតិបានចោទប្រកាន់រដ្ឋាភិបាលមីយ៉ាន់ម៉ាថាបានប្រព្រឹត្តអំពើរំលោភសិទិ្ធមនុស្សក្នុងរដ្ឋRakhine ប៉ុន្តែមីយ៉ាន់ម៉ាបានបដិសេដធការចោទប្រកាន់នេះ។ អនុប្រធានាធីបតីមីយ៉ាន់ម៉ាលោក Myint Swe បាននិយាយថា គ្មានភស្ដុតាងណាដែលបញ្ជាក់ពីការរំលោភសិទិ្ធមនុស្ស និងការបោសសម្អាតជនជាតិភាគតិចក្នុងរដ្ឋ Rakhine ដូចដែលក្រុមស៊ើបអង្កេតសិទ្ធិមនុស្សបានចោទប្រកាន់ឡើយ។
កាលពីថ្ងៃអាទិត្យទី៦ខែសីហា ក្នុងការបូកសរុបបេសកកម្មស្រាវជ្រាវរដ្ឋ Rakhine អនុប្រធានាធិបតីមីយ៉ាន់ម៉ាលោក Myint Swe បាននិយាយថា មីយ៉ាន់ម៉ាមិនបានធ្វើទុក្ខបុកម្នេញនិងបោសសម្អាតជនជាតិមូស្លីមរ៉ូហ៊ីងយ៉ាក្នុងរដ្ឋRakhine ដូចក្រុមការពារសិទិ្ធមនុស្សអន្តរជាតិចោទប្រកាន់ឡើយ។ នេះក៏ព្រោះការស៊ើបអង្កេតរបសរដ្ឋាភិបាលរកមិនឃើញភស្ដុតាងច្បាស់លាស់បញ្ជាក់ពីទង្វើរបស់ក្រុមសន្តិសុខមីយ៉ាន់ម៉ាឡើយ។
បើតាមកាសែតបាងកកប៉ុស្តិ៍ លោក Myint Swe បានបញ្ជាក់ថា អំឡុងពេលចុះបង្ក្រាបចលនាប្រដាប់អាវុធ កងសន្តិសុខមីយ៉ាន់ម៉ាមិនបានរំលោភបំពានស្ដ្រីជនជាតិរ៉ូហ៊ីងយ៉ានោះទេ។ ក្រុមសន្តិសុខគ្រាន់តែតបតជាមួយក្រុមសកម្មប្រយុទ្ធរ៉ូហ៊ីងយ៉ាដែលបានវាយប្រហារប៉ុស្ដិ៍ប៉ូលីសកាលពីខែតុលាឆ្នាំ២០១៦ប៉ុណ្ណោះ។ ទោះយ៉ាងនេះក្ដី មីយ៉ាន់ម៉ាបានទទួលស្គាល់ដែរថា សមាជិកមួយចំនួនតូចនៃក្រុមសន្តិសុខអាចនឹងបានប្រព្រឹត្តិអំពើពុំគប្បីមួយចំនួនទៅលើជនជាតិរ៉ូហ៊ីងយ៉ាពិតមែន។
ដោយឡែក លោក Zaw Myint Pe ដែលជាសមាជិកបេសកកម្មស្រាវជ្រាវខាងលើ អះអាងដែរថារបាយការណ៍ដែលចេញផ្សាយដោយការិយាល័យបេសកកម្មសិទ្ធមនុស្សអង្គការសហប្រជាជាតិកាលពីដើមខែកុម្ភៈនេះនិយាយតែអំពើប្រឆាំងមនុស្សធម៌របស់កងសន្តិសុខតែម្យ៉ាងប៉ុណ្ណោះ តែមិនបានបូកបញ្ចូលលអំពើហិង្សាបង្កដោយជនជាតិមូស្លីមរ៉ូហ៊ីងយ៉ាទេ។ លោកចាត់ទុកការលម្អៀងនេះបានបង្កឲ្យប៉ះពាល់ដល់កិត្តិយសមីយ៉ាន់ម៉ាយ៉ាងខ្លាំង។
ក្រុមការពារសិទិ្ធមនុស្សមួយចំនួនបានបង្ហាញការសង្ស័យជុំវិញបេសសកម្មស្រាវជ្រាវរដ្ឋ Rakhine ។ ពួកគេយល់ថាបេសសកម្មនេះខ្វះអ្នកជំនាញបរទេស មានវិធីសាស្ដ្រស្រាវជ្រាវមិនជឿនលឿន និងមិនគួរឲ្យទុកចិត្តនោះទេ ហើយម្យ៉ាងបេសកកម្មនេះស្ថិតក្រោមការឃ្លាំមើលរបស់រដ្ឋាភិបាលមីយ៉ាន់ម៉ា។ ដូច្នេះ អង្គការសហប្រជាជាតិបានបង្កើតបេសសកម្មស្វែងរកការពិត។ ប៉ុន្តែរដ្ឋាភិបាលមីយ៉ាន់ម៉ាបដិសេធផ្ដល់ទិដ្ឋាការដល់សមាជិកបេសកកម្មនេះក្នុងការចុះស្រាវជ្រាវ។
សូមរម្លឹកផងដែរថា រដ្ឋ Rakhine ត្រូវរដ្ឋាភិបាលមីយ៉ាន់ម៉ាដាក់ក្រោមការរិតត្បិតចាប់តាំងពីមានការវាយប្រហារលើប៉ុស្តិ៍ប៉ូលិសជាច្រើនកន្លែងដោយក្រុមសកម្មប្រយុទ្ធរ៉ូហ៊ីងយ៉ានៅខែតុលាឆ្នាំ២០១៦មកម្ល៉េះ។ អំឡុងពេលហាមឃាត់ មីយ៉ាន់ម៉ាហាមឃាត់ក្រុមអ្នកកាសែត ក្រុមអ្នកជំនាញសិទិ្ធមនុស្ស និងក្រុមបុគ្គលិកជួយសង្គ្រោះមនុស្សធម៌ចូលក្នុងរដ្ឋ Rakhine អស់រយៈពេលជិតប្រាំបួនខែឯណោះ៕
កាលពីថ្ងៃអាទិត្យទី៦ខែសីហា ក្នុងការបូកសរុបបេសកកម្មស្រាវជ្រាវរដ្ឋ Rakhine អនុប្រធានាធិបតីមីយ៉ាន់ម៉ាលោក Myint Swe បាននិយាយថា មីយ៉ាន់ម៉ាមិនបានធ្វើទុក្ខបុកម្នេញនិងបោសសម្អាតជនជាតិមូស្លីមរ៉ូហ៊ីងយ៉ាក្នុងរដ្ឋRakhine ដូចក្រុមការពារសិទិ្ធមនុស្សអន្តរជាតិចោទប្រកាន់ឡើយ។ នេះក៏ព្រោះការស៊ើបអង្កេតរបសរដ្ឋាភិបាលរកមិនឃើញភស្ដុតាងច្បាស់លាស់បញ្ជាក់ពីទង្វើរបស់ក្រុមសន្តិសុខមីយ៉ាន់ម៉ាឡើយ។
បើតាមកាសែតបាងកកប៉ុស្តិ៍ លោក Myint Swe បានបញ្ជាក់ថា អំឡុងពេលចុះបង្ក្រាបចលនាប្រដាប់អាវុធ កងសន្តិសុខមីយ៉ាន់ម៉ាមិនបានរំលោភបំពានស្ដ្រីជនជាតិរ៉ូហ៊ីងយ៉ានោះទេ។ ក្រុមសន្តិសុខគ្រាន់តែតបតជាមួយក្រុមសកម្មប្រយុទ្ធរ៉ូហ៊ីងយ៉ាដែលបានវាយប្រហារប៉ុស្ដិ៍ប៉ូលីសកាលពីខែតុលាឆ្នាំ២០១៦ប៉ុណ្ណោះ។ ទោះយ៉ាងនេះក្ដី មីយ៉ាន់ម៉ាបានទទួលស្គាល់ដែរថា សមាជិកមួយចំនួនតូចនៃក្រុមសន្តិសុខអាចនឹងបានប្រព្រឹត្តិអំពើពុំគប្បីមួយចំនួនទៅលើជនជាតិរ៉ូហ៊ីងយ៉ាពិតមែន។
ដោយឡែក លោក Zaw Myint Pe ដែលជាសមាជិកបេសកកម្មស្រាវជ្រាវខាងលើ អះអាងដែរថារបាយការណ៍ដែលចេញផ្សាយដោយការិយាល័យបេសកកម្មសិទ្ធមនុស្សអង្គការសហប្រជាជាតិកាលពីដើមខែកុម្ភៈនេះនិយាយតែអំពើប្រឆាំងមនុស្សធម៌របស់កងសន្តិសុខតែម្យ៉ាងប៉ុណ្ណោះ តែមិនបានបូកបញ្ចូលលអំពើហិង្សាបង្កដោយជនជាតិមូស្លីមរ៉ូហ៊ីងយ៉ាទេ។ លោកចាត់ទុកការលម្អៀងនេះបានបង្កឲ្យប៉ះពាល់ដល់កិត្តិយសមីយ៉ាន់ម៉ាយ៉ាងខ្លាំង។
ក្រុមការពារសិទិ្ធមនុស្សមួយចំនួនបានបង្ហាញការសង្ស័យជុំវិញបេសសកម្មស្រាវជ្រាវរដ្ឋ Rakhine ។ ពួកគេយល់ថាបេសសកម្មនេះខ្វះអ្នកជំនាញបរទេស មានវិធីសាស្ដ្រស្រាវជ្រាវមិនជឿនលឿន និងមិនគួរឲ្យទុកចិត្តនោះទេ ហើយម្យ៉ាងបេសកកម្មនេះស្ថិតក្រោមការឃ្លាំមើលរបស់រដ្ឋាភិបាលមីយ៉ាន់ម៉ា។ ដូច្នេះ អង្គការសហប្រជាជាតិបានបង្កើតបេសសកម្មស្វែងរកការពិត។ ប៉ុន្តែរដ្ឋាភិបាលមីយ៉ាន់ម៉ាបដិសេធផ្ដល់ទិដ្ឋាការដល់សមាជិកបេសកកម្មនេះក្នុងការចុះស្រាវជ្រាវ។
សូមរម្លឹកផងដែរថា រដ្ឋ Rakhine ត្រូវរដ្ឋាភិបាលមីយ៉ាន់ម៉ាដាក់ក្រោមការរិតត្បិតចាប់តាំងពីមានការវាយប្រហារលើប៉ុស្តិ៍ប៉ូលិសជាច្រើនកន្លែងដោយក្រុមសកម្មប្រយុទ្ធរ៉ូហ៊ីងយ៉ានៅខែតុលាឆ្នាំ២០១៦មកម្ល៉េះ។ អំឡុងពេលហាមឃាត់ មីយ៉ាន់ម៉ាហាមឃាត់ក្រុមអ្នកកាសែត ក្រុមអ្នកជំនាញសិទិ្ធមនុស្ស និងក្រុមបុគ្គលិកជួយសង្គ្រោះមនុស្សធម៌ចូលក្នុងរដ្ឋ Rakhine អស់រយៈពេលជិតប្រាំបួនខែឯណោះ៕
Tag:
សិទ្ធិមនុស្ស
មីយ៉ាន់ម៉ា
Myint Swe
© រក្សាសិទ្ធិដោយ thmeythmey.com
