ជាតិ
សេដ្ឋកិច្ច
ទីផ្សារអចលនទ្រព្យ នឹងជួបបញ្ហាដែរ ឬទេ ក្នុងអំឡុងការបោះឆ្នោតឆ្នាំ ២០១៨ ?
ពី ឆ្វេងទៅស្តាំ លោក ង៉ែត ជូ, លោក ចេង ខេង, លោក គីម ហ៊ាង, លោក សៀ ឫទ្ធី
×![]()
ភ្នំពេញ៖ ទាំងអ្នកជំនាញ និងអ្នកជំនួញក្នុងវិស័យអចលនទ្រព្យ បានបញ្ចេញការយល់ឃើញរបស់ខ្លួនជុំវិញទីផ្សារអចលនទ្រព្យក្នុងអំឡុងការបោះឆ្នោតសកលខាងមុខ។ អ្នកជំនួញ និងភ្នាក់ងារក្នុងវិស័យនេះ អះអាងថា ទីផ្សារអចលនទ្រព្យរបស់កម្ពុជាជារួម នឹងមិនកើតមានបញ្ហាអ្វីឡើយក្នុងអំឡុងការបោះឆ្នោត។ រីឯអ្នកជំនាញសេដ្ឋកិច្ច បញ្ជាក់ថា ទីផ្សារអចលនទ្រព្យតម្លៃទាបៗនឹងនៅតែប្រព្រឹត្តទៅជាធម្មតា ប៉ុន្តែអចលនទ្រព្យតម្លៃខ្ពស់ៗ នឹងមានបញ្ហាទីផ្សារ ខណៈទីផ្សារប្រភេទនេះមានការផ្គត់ផ្គង់លើសតម្រូវការ រួមទាំងមូលហេតុនៃការបោះឆ្នោតផងដែរ។
លោក ចេង ខេង ប្រធានក្រុមហ៊ុនអចលនទ្រព្យ CPL បានឲ្យដឹងថា ទីផ្សារអចលនទ្រព្យនឹងនៅតែដំណើរការជាធម្មតា ដោយតម្លៃអចលនវត្ថុនឹងមិនធ្លាក់ចុះក្នុងអំឡុងការបោះឆ្នោតខាងមុខឡើយ។ «ជិតបោះឆ្នោត និងបោះឆ្នោតហើយក៏ដោយ គឺអត់មានដីឯណាធ្លាក់ចុះទេ»។ នេះជាការកត់សម្គាល់ និងវាយតម្លៃមុនរបស់ លោក ចេង ខេង ពីទីផ្សារដីធ្លីក្នុងអំឡុងការបោះឆ្នោតអាណត្តិមុនៗ និងអាណត្តិថ្មី។ លោក ចេង ខេង លើកឡើងដូចនេះក្នុងវេទិកាស្ដីពីភាពជោគជ័យរបស់ភ្នាក់ងារអចលនវត្ថុ កាលពីថ្ងៃទី៤ខែសីហា នៅមជ្ឈមណ្ឌលសហប្រតិបត្តិការកម្ពុជា-កូរ៉េ។
យល់ឃើញដូចគ្នានេះផងដែរ លោក គីម ហ៊ាង ប្រធានសមាគមអ្នកវាយតម្លៃ និងភ្នាក់ងារអចលនវត្ថុ និងជាប្រធានក្រុមហ៊ុន Khmer Real Estate ថ្លែងថា ការបោះឆ្នោតខាងមុខនេះនឹងមិនជះឥទ្ធិពលអាក្រក់ណាមួយដល់វិស័យដីធ្លីឡើយ។ លោកគូសបញ្ជាក់យ៉ាងដូចនេះថា៖«ជារួមបោះឆ្នោតអត់មានប៉ះពាល់រឿងដីធ្លីនោះទេ តែជាលក្ខណៈបុគ្គល»។ ជាលក្ខណៈបុគ្គល ដែល លោក គីម ហ៊ាង ពន្យល់ថា តម្លៃអចលនទ្រព្យខ្ពស់ ឬទាប អាស្រ័យម្ចាស់អចលនវត្ថុជួបបញ្ហាហិរញ្ញវត្ថុ ឬទេ?
រីឯ លោក សៀ ឫទ្ធី អ្នកអភិវឌ្ឍន៍ខុនដូឈានមុខនៅកម្ពុជា និងជាប្រធានក្រុមហ៊ុន Worldbridge Group មានប្រសាសន៍ថា តម្លៃដីធ្លីធ្លាក់ចុះ ឬឡើង មិនចំណុះឲ្យទីផ្សារនោះទេ។ លោកថ្លែងបែបនេះថា៖«យើងថាដីពេលបោះឆ្នោតធ្លាក់ ជាគំនិតមាន តែជាធាតុពិតយើងត្រូវយល់ថាដីធ្លាក់ ឬមិនធ្លាក់មិនអាស្រ័យទីផ្សារទេ គឺអាស្រ័យលើអ្នកលក់ និងអ្នកទិញ។ បើអ្នកលក់ទាល់លុយគាត់ទម្លាក់ថ្លៃ តែបើដីឧកញ៉ាវិញដែលថោក?»។
ទោះបីជាលោក សៀ ឫទ្ធី ថាតម្លៃអចលនទ្រព្យមិនជួបបញ្ហាក្នុងអំឡុងបោះឆ្នោត ប៉ុន្តែលោកបញ្ជាក់ថា នយោបាយនៅកម្ពុជាអំណោយផលដល់ការរកស៊ី៣ឆ្នាំ និងបង្កផលលំបាកដល់ការធ្វើជំនួញរយៈពេល២ឆ្នាំ ពោលគឺមុនបោះឆ្នោតមួយឆ្នាំ និងក្រោយការបោះឆ្នោតមួយឆ្នាំ។ ទោះយ៉ាងណាអ្នកជំនួញធំរូបនេះ ចាត់ទុកបញ្ហានយោបាយក្នុងអំឡុងបោះឆ្នោត ដែលតែងតែកើតឡើងនេះថាមិនបង្កជាបញ្ហាធំហួសពីការរំពឹងទុករបស់អ្នកជំនួញនោះទេ។ លោកនិយាយដូចនេះថា៖«ការរកស៊ីនៅកម្ពុជា មុន ឬក្រោយការបោះឆ្នោត ខ្មែរយើងគឺ ៣បូក២ វិភាគឲ្យច្បាស់ វាមិនដែលទៅណាទេ»។
លោក សៀ ឫទ្ធី បានវាយតម្លៃជារួមថាទីផ្សារអចលនទព្យប្រព្រឹត្តទៅល្អ ប៉ុន្តែអ្នកអភិវឌ្ឍន៍ខុនដូរូបនេះក៏បានលើកឡើងពីភាពស្ទាក់ស្ទើររបស់អ្នកទិញបរទេសចំពោះគម្រោងខុនដូរបស់លោកផងដែរ។ លោកថ្លែងបញ្ជាក់ដូចនេះថា៖«ការលក់ទៅមុខជិតបោះឆ្នោត គឺអាស្រយអតិជនក្រៅប្រទេស ព្រោះជិតបោះឆ្នោត ពួកគេមានការបារម្ភ ដែលអាចមានការថមថយអតិថិជនក្រៅស្រុក ប៉ុន្តែសម្រាប់អតិថិជនក្នុងស្រុកសម្រាប់ផលិតផលរបស់ខ្ញុំ សព្វថ្ងៃ គឺអត់មានបញ្ហាអ្វីទេ»។
ដោយឡែកអ្នកវិភាគសេដ្ឋកិច្ច លោក ង៉ែត ជូ ប្រាប់ថា ទីផ្សារអចលនទ្រព្យ សម្រាប់អចលនទ្រព្យតម្លៃទាបៗ នឹងមិនជួបបញ្ហាអ្វីឡើយ ប៉ុន្តែចំពោះអចលនទ្រព្យតម្លៃខ្ពស់ៗនឹងជួបបញ្ហា ដោយសារភាពឆ្អែតនៃទីផ្សារ និងភាពស្ទាក់ស្ទើរក្នុងការសម្រេចចិត្តរបស់អ្នកទិញ ក្នុងអំឡុងបោះឆ្នោតឆ្នាំ២០១៨ ។ លោកឲ្យដឹងដូច្នេះថា៖ «ដំណើរទៅមុខអាចយឺតមែនទែន និងអាចជាប់គាំងមួយរយៈ ប៉ុន្តែទៅតាមចំណែកទីផ្សារ»។
លោកពន្យល់ថា អចលនទ្រព្យដូចជា ខុនដូ លំនៅឋាន ដែលមានតម្លៃររង្វង់ ៣ម៉ឺនដុល្លារចុះក្រោម សម្រាប់អតិថិជនចំណូលទាប នឹងប្រព្រឹត្តទៅជាធម្មតា ដោយសារទីផ្សារប្រភេទនេះផ្គត់ផ្គង់តម្រូវការមូលដ្ឋានសម្រាប់ការស្នាក់នៅ។ ប៉ុន្តែអចលនទ្រព្យតម្លៃលើសនេះ នឹងប្រឈមនឹងការលក់យឺត ឬលក់មិនចេញ។ លោក ង៉ែត ជូ លើកឡើងដូចនេះថា៖«អចលនវត្ថុតម្លៃខ្ពស់ភាគច្រើនសម្រាប់តម្រូវការជាក់ស្ដែង គឺទីផ្សារឆ្អែតហើយ។ ហើយអ្នកទិញភាគច្រើនទិញសម្រាប់លក់យកចំណេញ ដូចនេះដោយសារស្ថានភាពនយោបាយជិតបោះឆ្នោត អ្នកទិញនឹងប្រយ័ត្នប្រយែង»។
លោកគូសបញ្ជាក់បន្ថែមថា ទីផ្សារដីធ្លីនៅជាយក្រុងភ្នំពេញអាចនៅដំណើរការខ្លះ ប៉ុន្តែបើនៅកណ្ដាលក្រុងនឹងជួបបញ្ហាជាប់គាំងភាគច្រើន ដោយបញ្ហាដីកណ្ដាលក្រុងនេះត្រូវភ្ជាប់ជាមួយការលក់ខុនដូ។
របាយការណ៍របស់ក្រសួងសេដ្ឋកិច្ច និងហិរញ្ញវត្ថុ ដែលចេញផ្សាយកាលពីខែឧសភាឆ្នាំនេះ បានឲ្យដឹងថា ភាពយឺតជាងមុននៃប្រភពទុន និងការខិតជិតនៃឆ្នាំបោះឆ្នោត អាចធ្វើឲ្យមានភាពស្ទាក់ស្ទើរក្នុងការវិនិយោគបន្ថែមលើវិស័យអចលនទ្រព្យ។ របាយការណ៍ស្ដីពីស្ថានភាពសេដ្ឋកិច្ចកម្ពុជានាពេលបច្ចុប្បន្ន និងទស្សនវិស័យឆ្នាំ២០១៨ នេះ បានព្យាករថា កំណើនក្នុងវិស័យអចលនទ្រព្យនឹងថមថយពី ៩,៥ភាគរយ នៅឆ្នាំ២០១៦ មកនៅត្រឹម ៨,៣ភាគរយ នៅឆ្នាំ២០១៧ ។ របាការណ៍បន្ថែមថា កំណើនឥណទានទៅលើវិស័យអចលនទ្រព្យក្នុងត្រីមាសទី១ឆ្នាំនេះបានធ្លាក់ចុះមកនៅត្រឹម ២៧ភាគរយ ដែលរយៈពេលដូចគ្នាកាលពីឆ្នាំ២០១៦ កំណើននេះមានរហូតដល់ ៦៧,៩ភាគរយ។ របាយការណ៍ដដែលនេះបន្តថា កំណើនវិស័យអចលនវត្ថុនឹងបន្តថមថយនៅឆ្នាំ២០១៨ ៕
លោក ចេង ខេង ប្រធានក្រុមហ៊ុនអចលនទ្រព្យ CPL បានឲ្យដឹងថា ទីផ្សារអចលនទ្រព្យនឹងនៅតែដំណើរការជាធម្មតា ដោយតម្លៃអចលនវត្ថុនឹងមិនធ្លាក់ចុះក្នុងអំឡុងការបោះឆ្នោតខាងមុខឡើយ។ «ជិតបោះឆ្នោត និងបោះឆ្នោតហើយក៏ដោយ គឺអត់មានដីឯណាធ្លាក់ចុះទេ»។ នេះជាការកត់សម្គាល់ និងវាយតម្លៃមុនរបស់ លោក ចេង ខេង ពីទីផ្សារដីធ្លីក្នុងអំឡុងការបោះឆ្នោតអាណត្តិមុនៗ និងអាណត្តិថ្មី។ លោក ចេង ខេង លើកឡើងដូចនេះក្នុងវេទិកាស្ដីពីភាពជោគជ័យរបស់ភ្នាក់ងារអចលនវត្ថុ កាលពីថ្ងៃទី៤ខែសីហា នៅមជ្ឈមណ្ឌលសហប្រតិបត្តិការកម្ពុជា-កូរ៉េ។
យល់ឃើញដូចគ្នានេះផងដែរ លោក គីម ហ៊ាង ប្រធានសមាគមអ្នកវាយតម្លៃ និងភ្នាក់ងារអចលនវត្ថុ និងជាប្រធានក្រុមហ៊ុន Khmer Real Estate ថ្លែងថា ការបោះឆ្នោតខាងមុខនេះនឹងមិនជះឥទ្ធិពលអាក្រក់ណាមួយដល់វិស័យដីធ្លីឡើយ។ លោកគូសបញ្ជាក់យ៉ាងដូចនេះថា៖«ជារួមបោះឆ្នោតអត់មានប៉ះពាល់រឿងដីធ្លីនោះទេ តែជាលក្ខណៈបុគ្គល»។ ជាលក្ខណៈបុគ្គល ដែល លោក គីម ហ៊ាង ពន្យល់ថា តម្លៃអចលនទ្រព្យខ្ពស់ ឬទាប អាស្រ័យម្ចាស់អចលនវត្ថុជួបបញ្ហាហិរញ្ញវត្ថុ ឬទេ?
រីឯ លោក សៀ ឫទ្ធី អ្នកអភិវឌ្ឍន៍ខុនដូឈានមុខនៅកម្ពុជា និងជាប្រធានក្រុមហ៊ុន Worldbridge Group មានប្រសាសន៍ថា តម្លៃដីធ្លីធ្លាក់ចុះ ឬឡើង មិនចំណុះឲ្យទីផ្សារនោះទេ។ លោកថ្លែងបែបនេះថា៖«យើងថាដីពេលបោះឆ្នោតធ្លាក់ ជាគំនិតមាន តែជាធាតុពិតយើងត្រូវយល់ថាដីធ្លាក់ ឬមិនធ្លាក់មិនអាស្រ័យទីផ្សារទេ គឺអាស្រ័យលើអ្នកលក់ និងអ្នកទិញ។ បើអ្នកលក់ទាល់លុយគាត់ទម្លាក់ថ្លៃ តែបើដីឧកញ៉ាវិញដែលថោក?»។
ទោះបីជាលោក សៀ ឫទ្ធី ថាតម្លៃអចលនទ្រព្យមិនជួបបញ្ហាក្នុងអំឡុងបោះឆ្នោត ប៉ុន្តែលោកបញ្ជាក់ថា នយោបាយនៅកម្ពុជាអំណោយផលដល់ការរកស៊ី៣ឆ្នាំ និងបង្កផលលំបាកដល់ការធ្វើជំនួញរយៈពេល២ឆ្នាំ ពោលគឺមុនបោះឆ្នោតមួយឆ្នាំ និងក្រោយការបោះឆ្នោតមួយឆ្នាំ។ ទោះយ៉ាងណាអ្នកជំនួញធំរូបនេះ ចាត់ទុកបញ្ហានយោបាយក្នុងអំឡុងបោះឆ្នោត ដែលតែងតែកើតឡើងនេះថាមិនបង្កជាបញ្ហាធំហួសពីការរំពឹងទុករបស់អ្នកជំនួញនោះទេ។ លោកនិយាយដូចនេះថា៖«ការរកស៊ីនៅកម្ពុជា មុន ឬក្រោយការបោះឆ្នោត ខ្មែរយើងគឺ ៣បូក២ វិភាគឲ្យច្បាស់ វាមិនដែលទៅណាទេ»។
លោក សៀ ឫទ្ធី បានវាយតម្លៃជារួមថាទីផ្សារអចលនទព្យប្រព្រឹត្តទៅល្អ ប៉ុន្តែអ្នកអភិវឌ្ឍន៍ខុនដូរូបនេះក៏បានលើកឡើងពីភាពស្ទាក់ស្ទើររបស់អ្នកទិញបរទេសចំពោះគម្រោងខុនដូរបស់លោកផងដែរ។ លោកថ្លែងបញ្ជាក់ដូចនេះថា៖«ការលក់ទៅមុខជិតបោះឆ្នោត គឺអាស្រយអតិជនក្រៅប្រទេស ព្រោះជិតបោះឆ្នោត ពួកគេមានការបារម្ភ ដែលអាចមានការថមថយអតិថិជនក្រៅស្រុក ប៉ុន្តែសម្រាប់អតិថិជនក្នុងស្រុកសម្រាប់ផលិតផលរបស់ខ្ញុំ សព្វថ្ងៃ គឺអត់មានបញ្ហាអ្វីទេ»។
ដោយឡែកអ្នកវិភាគសេដ្ឋកិច្ច លោក ង៉ែត ជូ ប្រាប់ថា ទីផ្សារអចលនទ្រព្យ សម្រាប់អចលនទ្រព្យតម្លៃទាបៗ នឹងមិនជួបបញ្ហាអ្វីឡើយ ប៉ុន្តែចំពោះអចលនទ្រព្យតម្លៃខ្ពស់ៗនឹងជួបបញ្ហា ដោយសារភាពឆ្អែតនៃទីផ្សារ និងភាពស្ទាក់ស្ទើរក្នុងការសម្រេចចិត្តរបស់អ្នកទិញ ក្នុងអំឡុងបោះឆ្នោតឆ្នាំ២០១៨ ។ លោកឲ្យដឹងដូច្នេះថា៖ «ដំណើរទៅមុខអាចយឺតមែនទែន និងអាចជាប់គាំងមួយរយៈ ប៉ុន្តែទៅតាមចំណែកទីផ្សារ»។
លោកពន្យល់ថា អចលនទ្រព្យដូចជា ខុនដូ លំនៅឋាន ដែលមានតម្លៃររង្វង់ ៣ម៉ឺនដុល្លារចុះក្រោម សម្រាប់អតិថិជនចំណូលទាប នឹងប្រព្រឹត្តទៅជាធម្មតា ដោយសារទីផ្សារប្រភេទនេះផ្គត់ផ្គង់តម្រូវការមូលដ្ឋានសម្រាប់ការស្នាក់នៅ។ ប៉ុន្តែអចលនទ្រព្យតម្លៃលើសនេះ នឹងប្រឈមនឹងការលក់យឺត ឬលក់មិនចេញ។ លោក ង៉ែត ជូ លើកឡើងដូចនេះថា៖«អចលនវត្ថុតម្លៃខ្ពស់ភាគច្រើនសម្រាប់តម្រូវការជាក់ស្ដែង គឺទីផ្សារឆ្អែតហើយ។ ហើយអ្នកទិញភាគច្រើនទិញសម្រាប់លក់យកចំណេញ ដូចនេះដោយសារស្ថានភាពនយោបាយជិតបោះឆ្នោត អ្នកទិញនឹងប្រយ័ត្នប្រយែង»។
លោកគូសបញ្ជាក់បន្ថែមថា ទីផ្សារដីធ្លីនៅជាយក្រុងភ្នំពេញអាចនៅដំណើរការខ្លះ ប៉ុន្តែបើនៅកណ្ដាលក្រុងនឹងជួបបញ្ហាជាប់គាំងភាគច្រើន ដោយបញ្ហាដីកណ្ដាលក្រុងនេះត្រូវភ្ជាប់ជាមួយការលក់ខុនដូ។
របាយការណ៍របស់ក្រសួងសេដ្ឋកិច្ច និងហិរញ្ញវត្ថុ ដែលចេញផ្សាយកាលពីខែឧសភាឆ្នាំនេះ បានឲ្យដឹងថា ភាពយឺតជាងមុននៃប្រភពទុន និងការខិតជិតនៃឆ្នាំបោះឆ្នោត អាចធ្វើឲ្យមានភាពស្ទាក់ស្ទើរក្នុងការវិនិយោគបន្ថែមលើវិស័យអចលនទ្រព្យ។ របាយការណ៍ស្ដីពីស្ថានភាពសេដ្ឋកិច្ចកម្ពុជានាពេលបច្ចុប្បន្ន និងទស្សនវិស័យឆ្នាំ២០១៨ នេះ បានព្យាករថា កំណើនក្នុងវិស័យអចលនទ្រព្យនឹងថមថយពី ៩,៥ភាគរយ នៅឆ្នាំ២០១៦ មកនៅត្រឹម ៨,៣ភាគរយ នៅឆ្នាំ២០១៧ ។ របាការណ៍បន្ថែមថា កំណើនឥណទានទៅលើវិស័យអចលនទ្រព្យក្នុងត្រីមាសទី១ឆ្នាំនេះបានធ្លាក់ចុះមកនៅត្រឹម ២៧ភាគរយ ដែលរយៈពេលដូចគ្នាកាលពីឆ្នាំ២០១៦ កំណើននេះមានរហូតដល់ ៦៧,៩ភាគរយ។ របាយការណ៍ដដែលនេះបន្តថា កំណើនវិស័យអចលនវត្ថុនឹងបន្តថមថយនៅឆ្នាំ២០១៨ ៕
Tag:
ទីផ្សារអចលនទ្រព្យ
ទីផ្សារដីធ្លី
សៀ ឫទ្ធី
ង៉ែត ជូ
គីម ហ៊ាង
© រក្សាសិទ្ធិដោយ thmeythmey.com
