ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
អត្ថបទពាណិជ្ជកម្ម
ធនាគារ មេយប៊ែងបានបើកសម្ពោធ មជ្ឈមណ្ឌលបណ្តុះបណ្តាលជំនាញវិជ្ជាជីវៈតម្បាញសូត្រក្នុងខេត្តតាកែវ
11, Aug 2017 ,
3:25 pm
រូបភាព
×
ដោយ:
ជី ដាណា
មូលនិធិ ធនាគារ មេយប៊ែង បានបើកសម្ពោធមជ្ឈមណ្ឌលបណ្តុះបណ្តាលជំនាញវិជ្ជាជីវៈតម្បាញសូត្រតំបូងគេបង្អស់ នៅក្នុងខេត្តតាកែវ នៃព្រះរាជាណាចក្រកម្ពុជា ក្នុងទិសដៅជំរុញបន្ថែមទៀតនូវវិស័យវាយនភ័ណ្ឌតាមបែបប្រពៃណីជាសកលប្រកបដោយនិរន្តរភាព ហើយក្នុងពេលជាមួយគ្នានេះដែរក៏បានបង្កើតឱកាសការងារសម្រាប់ស្ត្រីដែលគ្មានលទ្ធភាពក្នុងការស្វែងរកចំណូលអាចនាំឲ្យពួកគេបង្កើនសេដ្ឋកិច្ចដោយឯករាជ្យ។
មជ្ឈមណ្ឌលបណ្តុះបណ្តាលជំនាញវិជ្ជាជីវៈថ្មីនេះមានទីតាំងប្រមាណជាង ៦៥ គីឡូម៉ែត្រពីទីរាជធានីភ្នំពេញ ត្រូវបានបង្កើតឡើងដើម្បីផ្តល់ឱកាសដល់ស្ត្រីក្នុងសហគមន៍ដែលរស់នៅក្នុងជីវភាពក្រីក្រយ៉ាងខ្លាំង។ តាមរយៈការបណ្តុះ បណ្តាល ការកសាងសមត្ថភាព និងសង្វាក់ផលិតកម្មដែលអាចផ្តល់ការផ្តត់ផ្គងជាផ្នែកហិរញ្ញវត្ថុ ស្ត្រីក្នុងសហគមន៍ទាំងនេះត្រូវបានផ្តល់ជូនមធ្យោបាយមួយដើម្បីជួយសម្រួលដល់ពួកគេ និងក្រុមគ្រួសាររបស់ពួកគេអាចទទួលបាននូវសេដ្ឋកិច្ចដោយឯករាជ្យមួយ និងបរិយាប័ណ្ណហិរញ្ញវត្ថុ។
មូលនិធិ ធនាគារ មេយប៊ែង បានផ្តួចផ្តើមកម្មវិធីមួយនេះដែលមានឈ្មោះថា "កម្មវិធីស្ត្រី និងតម្បាញ ធនាគារ មេយប៊ែង" ហើយបច្ចុប្បន្នកម្មវិធីនេះកំពុងត្រូវបានអនុវត្តនៅក្នុងប្រទេសចំនួនបីគឺ ប្រទេសកម្ពុជា ប្រទេសឥណ្ឌូនេស៊ី និងប្រទេសឡាវ។ រហូតមកទល់ពេលបច្ចុប្បន្ននេះ ស្ត្រីអ្នកតម្បាញប្រមាណជាង ៥០ នាក់ដែលបានទទួលបានការបណ្តុះបណ្តាលរួចមកហើយនៅប្រទេសកម្ពុជា ហើយស្ត្រីចំនួន ២៥នាក់ ក្នុងចំណោមនោះកំពុងស្ថិតនៅក្រោមការបណ្តុះបណ្តាលនៅឡើយ។
កម្មវិធី “ស្ត្រី និងតម្បាញ ធនាគារ មេយប៊ែង” ក៏បានជួយចូលរួមចំណែកក្នុងការទ្រទ្រង់លើបេតិកភណ្ឌក្នុងតំបន់ និងជំនាញ ក៏ដូចជាការជួយកសាងសមត្ថភាពអ្នកតម្បាញថ្មីផងដែរ។ ការផ្តោតការយកចិត្តទុកដាក់សំខាន់គឺរក្សាអភិរក្សនិងលើកកម្ពស់បច្ចេកទេសវាយនភ័ណ្ឌប្រពៃណីដោយភាពទាន់សម័យ ដើម្បីភ្ជាប់ និងកំណត់តម្លៃរួមប្រកបដោយការគាំពារបរិស្ថាន។ ក្រោមកម្មវិធីនេះ មូលនិធិ ធនាគារ មេយប៊ែង បានសហការជាមួយលោកស្រី ង៉ន វណ្ណថា និងអង្គការសូត្រពណ៌ កម្ពុជា ដើម្បីបង្កើតមជ្ឈមណ្ឌលបណ្តុះបណ្តាលជំនាញវិជ្ជាជីវៈតម្បាញសូត្រ មានទីតាំងស្ថិតនៅចំណុចបេះដូង នៃខេត្តតាកែវ ដែលជាតំបន់ប្រពៃណីមួយក្នុងប្រកបមុខរបរតម្បាញសូត្រក្នុងប្រទេសកម្ពុជា។ អង្គការសូត្រពណ៌ កម្ពុជា នឹងធ្វើការស្វែងរក និងកំណត់យកនូវក្រុមគ្រួសារកសិករប្រមាណជាង ២០០នាក់បន្ថែមទៀតសម្រាប់រយៈពេល ៣ឆ្នាំ ដើម្បីធ្វើការដាំដុះដើមមនដែលជាប្រភពសំខាន់មួយនៃផលិតកម្មសូត្រ ដែលកិច្ចការទាំងនេះគឺជាផ្នែកមួយនៃកម្មវិធីនេះផងដែរ។
ការបើកសម្ពោធជាផ្លូវការនៃមជ្ឈមណ្ឌលបណ្តុះបណ្តាលជំនាញវិជ្ជាជីវៈតម្បាញនេះត្រូវបានធ្វើឡើងដោយវត្តមានរបស់ លោកជំទាវ ច័ន្ទ សូរីយ៍ រដ្ឋលេខាធិការនៃក្រសួងកិច្ចការនារី រួមជាមួយនឹងប្រធានក្រុមប្រឹក្សាភិបាលនៃធនាគារ មេយ ប៊ែង លោកជំទាវ ដាទុក ម៉ូហៃយ៉ានី សាមសូឌីន (Datuk Mohaiyani Shamsudin)។ សម្រាប់កម្មវិធីនេះផងដែរក៏មានវត្តមានរបស់ប្រធានក្រុមប្រឹក្សាភិបាលនៃធនាគារ មេយប៊ែង (ខេមបូឌា) ភីអិលស៊ី គឺលោក ដាទុក ចូហាន់ ប៊ីន អារីហ្វីន និងនាយកប្រតិបត្តិនៃមូលនិធិ ធនាគារ មេយប៊ែង លោក Shahril Azuar Jimin ព្រមទាំងវត្តមាន របស់ប្រជាជនក្នុងសហគមន៍ និងឥស្សរជនថ្នាក់អន្តរជាតិផងដែរ។ក្នុងព្រឹត្តិការណ៍ដូចគ្នានេះផងដែរ ស្ត្រីអ្នកតម្បាញដំបូងគេបំផុតចំនួន ៥០នាក់ ត្រូវបានអញ្ជើញអោយចូលរួមក្នុងកម្មវិធីនេះដើម្បីប្រារព្ធពិធីបញ្ចប់ការសិក្សាដោយជោគជ័យរបស់ពួកគេ។
លោកជំទាវ ដាទុក ម៉ូហៃយ៉ានី ប្រធានក្រុមប្រឹក្សាភិបាលធនាគារ មេយប៊ែង និងមូលនិធិធនាគារ មេយប៊ែង បានថ្លែងនៅក្នុងព្រឹត្តិការណ៍នេះផងដែរថា “នាងខ្ញុំមានសេចក្តីរីករាយយ៉ាងខ្លាំងដែលការសម្រេចចិត្តរបស់យើងក្នុងការជួយ គាំទ្រពេញទំហឹងនូវសង្វាក់ផលិតកម្មពី ដង្កូវនាង ឲ្យក្លាយទៅជាសមិទ្ធិផលសិល្បៈ។ ការសម្រេចចិត្តនេះបានបង្កើតអោយមានឱកាសការងារ បង្កើតអោយមានប្រភពនៃប្រាក់ចំណូល ព្រមទាំងបង្កើតអោយមានប្រព័ន្ធអេកូឡូស៊ី ដែលប្រកបដោយចេរភាពសម្រាប់សហគមន៍តម្បាញក្នុងខេត្តតាកែវ ដោយការរួមចំណែកក្នុងការអភិវឌ្ឍន៍របស់សហគមន៍ពួកគេ និងក្នុងនាមជាប្រជាជាតិទាំងមូល។
លោក Shahril បានលើកឡើងថា “តាមរយៈកិច្ចសហការនេះ ធនាគារ មេយប៊ែង ក៏ជួយរួមចំណែកដល់កម្មវិធីកសិកម្មសូត្រតម្បាញដែលនៅក្នុងពេលបច្ចុប្បន្ននេះ យើងបានជួយជ្រោមជ្រែងដល់គ្រួសារកសិករចំនួន ១៤០គ្រួសារ និងបានដាំដើមមនប្រមាណជាង ២១,០០០ ដើមដែលជាប្រភពអាហារយ៉ាងសំខាន់សម្រាប់ដង្កូវនាងក្នុងការផលិតសរសៃសូត្រដោយមានគុណភាពខ្ពស់ ដែលជាវត្ថុធាតុសំខាន់សម្រាប់គុណភាពនៃសូត្រមាសកម្ពុជា។លោក Shahril បានបន្ថែមថា “សព្វថ្ងៃនេះ លទ្ធផលពិតៗត្រូវបានកើតឡើងរួចទៅហើយ។ អ្នកតម្បាញដែលបញ្ចប់ការសិក្សាជាច្រើនបានរកប្រាក់ចំណូលបានចន្លោះពី ១៥០ ដុល្លារអាមេរិក ទៅ ២០០ ដុល្លារអាមេរិក ក្នុងមួយខែ ហើយកសិករជាច្រើនកំពុងចាប់ផ្តើមទទួលប្រាក់ចំណូលដែលទទួលបានមកពីការប្រមូលផលពីស្លឹកមនរបស់ពួកគេ” ។
កម្មវិធី “ស្ត្រី និងតម្បាញ ធនាគារ មេយប៊ែង” គឺជាកម្មវិធីមួយដែលត្រូវបានរៀបចំឡើងទាំងស្រុងដោយមូលនិធិរបស់ធនាគារ មេយប៊ែង ហើយត្រូវបានបង្កើតឡើងជាមួយនឹងកម្មវត្ថុចំបងក្នុងការបន្តជំរុញ និងលើកតម្កើងជាសមូហភាពក្នុងបណ្តារប្រទេសអាស៊ាន។ ការបង្កើន និងលើកកម្ពស់វិស័យវាយនភ័ណ្ឌប្រពៃណីប្រកបដោយលក្ខណៈនិរន្តរភាពសម្រាប់សហគមន៍ផ្សេងៗ ក៏ដូចជាការជួយដល់ស្ត្រីដែលពុំមានលទ្ធភាពស្វែងរកប្រាក់ចំណូល អោយក្លាយជាស្ត្រីដែលអាចរក ប្រាក់ចំណូលបានដោយឯករាជ្យហើយស្របពេលជាមួយគ្នានោះ ពួកគាត់ក៏ទទួលបានការប្រឹក្សាយោបល់លើ បរិយាប័ណ្ណហិរញ្ញវត្ថុផងដែរ។ កម្មវិធីនេះត្រូវបានផ្តោតសំខាន់ទៅលើស្ត្រីជាអ្នកតម្បាញដែលមកពីសហគមន៍ក្រីក្រ។
កម្មវិធីនេះត្រូវបានគាំទ្រដោយមូលនិធិអាស៊ាន ដោយសារកម្មវិធីមានបេសកកម្មរួមដើម្បីអភិរក្សនូវមរតកវប្បធម៌របស់អាស៊ាន និងការរួមចំណែកកសាងអត្តសញ្ញាណជាតិនៅតាមបណ្តារប្រទេសជាសមាជិកអាស៊ានផងដែរ។
មូលនិធិ ធនាគារ មេយប៊ែង គឺជាសេនាធិការទទួលខុសត្រូវសង្គមរបស់ សម្ព័ន្ធ ធនាគារ មេយប៊ែង ដែលតែងតែស្វែងរកផលមធ្យោបាយផ្សេងៗដើម្បី បញ្ជ្រាបឥទ្ធិពលវិជ្ជមានទៅលើសហគមន៍នានា ដែលធនាគារ មេយប៊ែង មានវត្តមាន។ បេសកម្មរបស់មូលនិធិនេះគឺត្រូវបាន ផ្តោតលើចំណុចសំខាន់ៗចំនួនប្រាំមួយ គឺការអប់រំ ការជំរុញសហគមន៍ ការរស់នៅប្រកបដោយសុខុមាលភាព សិល្បៈ វប្បធម៌ និងបរិស្ថានចំរុះ។
( អត្ថបទពាណិជ្ជកម្ម )
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
1 សប្តាហ៍
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
4 ថ្ងៃ
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
7 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
3 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
5 ថ្ងៃ
អត្ថបទពេញនិយមបន្ថែម