ពីនេះ ពីនោះ
ព័ត៍មានសុខភាព
រឿងដែលគួរចៀសវាងពេលទៅលេង ទារកទើបនឹងកើត
× វាគឺជារឿងមួយកក់ក្តៅ និងភ្ញាក់ផ្អើលបំផុតក្នុងការដែលបានពរទារកទើបនឹងកើតដែលរុំក្រណាត់ពេញខ្លួន ជាមួយនឹងដៃក្តាប់យ៉ាងណែន។ ប៉ុន្តែត្រូវតែចាំក្នុងចិត្តថា អ្នកបានគោរពទៅលើអ្វីដែលជាដែនកំណត់របស់ឪពុកម្តាយគេផង។
យ៉ាងណាមិញ មានរឿងមួយចំនួនដែលអ្នកគួរតែចងចាំ និងចៀសវាងក្នុងពេលទៅលេង ឬមើលទារកទើបនឹងកើត។
កុំដាស់ឲ្យគេភ្ញាក់
យើងដឹងហើយថា វាពិតជារឿងអស្ចារ្យណាស់នៅពេលបានឃើញក្មេងតូចៗដែលមានភ្នែកធំៗ ប៉ុន្តែការដាស់ ឬរំខានការគេងរបស់គេ ពិតជារឿងមួយដែលគ្មានបានការសោះហើយ។ យ៉ាងណាមិញ ទារកទើបនឹងកើតត្រូវការគេងយ៉ាងហោចណាស់ ១៨ម៉ោងក្នុងមួយថ្ងៃដើម្បីជួយដល់ការលូតលាស់របស់ពួកគេ។ ជាមួយគ្នានេះដែរ ឪពុកម្តាយក៏ត្រូវការពេលច្រើនដើម្បីផ្តល់ផាសុកភាព និងជួយឲ្យកូនខ្លួនគេងដែរ។
កុំជក់បារី
ការជក់បារីមុនពេល ឬក្នុងពេលទៅលេងទារកទើបនឹងកើតគឺជារឿងមួយត្រូវបានហាមដាច់ខាតតែម្តង។ ជាតិពុលចេញពីផ្សែងបារីនឹងដក់ជាប់ក្នុងដង្ហើម និងសម្លៀកបំពាក់ផង។ ដូច្នេះវាពិតជារអាចសាយភាយទៅបរិយាកាស និងប៉ះពាល់ដល់មនុស្សជុំវិញខ្លួនបាន។ ទារកទើបនឹងកើតមិនត្រូវការរបស់បែបនេះឡើយ។ ដូច្នេះ ចូរប្រាកដថា អ្នកមិនបានជក់បារីឡើយ ហើយក៏មិនបានបាញ់ទឹកអប់ក្រអូបខ្លាំងដែរមុនពេលទៅលេងទារកទើបនឹងកើត។
កុំកាន់របស់ដែលក្តៅខណៈពេលកំពុងតែបីទារក
វាគឺជារឿងមួយគួរឲ្យខ្លាច និងបារម្ភណាស់សម្រាប់ម្តាយគ្រប់រូបដែលត្រូវបានអ្នកមកលេងបីកូនខ្លួនបណ្តើរកាន់របស់ក្តៅបណ្តើរ ជាពិសេសកែវកាហ្វេដែលក្តៅៗតែម្តង។ គេនឹងនឹកក្នុងចិត្តថា តើមានអ្វីកើតឡើងទៅបើសិនជាទឹកក្តៅនោះជះលើទារក ឬក្មេងជ្រុលធាក់ពែងនោះស្រោចលើខ្លួនជាដើម។ ដូច្នេះចូរចៀសវាងទម្លាប់នេះជាដាច់ខាត។
កុំថើបទារក
ទារកទើបនឹងកើតពិតជាគួរឲ្យស្រឡាញ់ និងចង់ថើបខ្លាំងណាស់ ប៉ុន្តែជឿខ្ញុំទៅ ការថើបទារកក្នុងពេលគេទើបនឹងកើតបែបនេះមិនល្អសម្រាប់ពួកគេឡើយព្រោះវាជាភាពដែលឥតអនាម័យសម្រាប់សុខភាពគេ។
កុំទៅមើលទារកក្នុងពេលដែលខ្លួនឯងមិនស្រួលខ្លួន
អ្នកពិតជាមិនចង់ឲ្យទារកដ៏តូចនេះឆ្លងជំងឺពីអ្នកទេ មែនទេ? យ៉ាងណាមិញ វាគឺជារឿងមួយស្រួលយល់ណាស់ដែលថា មនុស្សយើងអាចចម្លងជំងឺផ្តាសាយទៅកាន់មនុស្សដែលនៅជិតខ្លួនបាន ក្នុងនោះរួមទាំងទារកទើបនឹងកើតដែរ។ ដូច្នេះចូរកុំទៅមើលទារកទើបនឹងកើតអីនៅពេលដែលអ្នកមិនទាន់ស្រួលខ្លួននៅឡើយ។
កុំភ្លេចលាងដៃ
វាគឺជាអនាម័យមូលដ្ឋានមួយដែលអ្នកត្រូវតែធ្វើមុនពេលប៉ះពាល់ទារក។ នៅពេលអ្នកទៅលេងទារកទើបនឹងកើត ពួកគេពិតជាងាយឆ្លងជំងឺណាស់ ហេតុដូច្នេះហើយទើបគេត្រូវបានការពារដោយការរុំកន្សែងទន់ជុំវិញខ្លួន។ ដូច្នេះការលាងសម្អាតដៃមុននឹងប៉ះពាល់ពួកគេក៏គ្មានធ្ងន់ធ្ងរដែរ។
មិនត្រូវសម្លឹងមើលពេលគេកំពុងតែបៅដោះឡើយ
គ្មាននរណាម្នាក់ចូលចិត្តត្រូវបានគេសម្លឹកមើលឡើយ ជាពិសេសម្តាយថ្មីថ្មោងដែលកំពុងតែបំបៅដោះកូនតែម្តង។ ការបំបៅដោះកូនគឺជារឿងធម្មជាតិ ហើយអ្នកក៏មិនអាចធ្វើអ្វីបានក្រៅពីនេះដែរ។ បើសិនជានាងគឺជាម្តាយថ្មីថ្មោង ការបំបៅដោះកូនអាចនឹងជារឿងមួយថ្មីបំផុតសម្រាប់នាងហើយ។ ទាំងកូន និងម្តាយនឹងពិបាកឆ្លងកាត់ដំណាក់កាលនេះណាស់។ ដូច្នេះចូរប្រាកដថា អ្នកមិនបានសម្លឹងមើលនាងខណៈពេលដែលកំពុងតែបំបៅដោះកូនឡើយ ដើម្បីកុំឲ្យនាងមិនមានផាសុកភាពក្នុងខ្លួន៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com