កីឡាអន្តរជាតិ
អន្តរជាតិ
Man Utd បង្ហាញភាពខ្លាំង Huddersfield ធ្វើឲ្យភ្ញាក់ផ្អើល រីឯ Chelsea ចាញ់
×![]()
ដោយ: រួបរួម
រដូវកាលថ្មីនៃក្របខណ្ឌ Premier League របស់អង់គ្លេស បានបញ្ចប់ការប្រកួតសប្តាហ៍ទីមួយរបស់ខ្លួន ដោយចាប់ផ្តើមពីជ័យជម្នះ ៤-៣ ដ៏ប្រផិតប្រផើយរបស់ Arsenal លើ Leicester City កាលពីថ្ងៃសុក្រ រហូតដល់ជ័យជម្នះដ៏ធំក្នុងលទ្ធផល ៤-០ របស់ Manchester United លើក្រុមភ្ញៀវ West Ham United កាលពីរាត្រីថ្ងៃអាទិត្យ។
Romelu Lukaku រកបាន២គ្រាប់ ហើយ Anthony Martial និង Paul Pogba បន្ថែមបានម្នាក់១គ្រាប់ ដើម្បីនាំ Manchester United ឈ្នះ West Ham United ៤-០ នៅលើទឹកដី Old Trafford។ ជ័យជម្នះនេះ នាំឲ្យក្រុមដែលដឹកនាំដោយលោក Jose Mourinho ឡើងឈរលើកំពូលតារាងបណ្តោះអាសន្ន ប្រចាំសប្តាហ៍ទី១ នៃក្របខណ្ឌ Premier League។
ក្លិបចំណូលថ្មី Huddersfield Town បានបង្កភាពភ្ញាក់ផ្អើលជាមួយនឹងជ័យជម្នះ ៣-០ នៅលើទឹកដី Selhurs Park របស់ Crystal Palace។ Joel Ward បានភ្លាត់ស្នៀតធ្វើឲ្យបានចូលទីខ្លួនឯងនៅនាទី២៣ ហើយ៣នាទីក្រោយមក Steve Mounie ជួយឲ្យ Huddersfield បង្កើនការនាំមុខ ២-០ ។ នៅជាង១០នាទី មុនបញ្ចប់ការប្រកួត Mounie បន្ថែមបាន១គ្រាប់ទៀត ហើយនេះក៏ជាជ័យជម្នះលើកដំបូងផងដែរសម្រាប់ Huddersfield បន្ទាប់ពីអវត្តមាននៅក្របខណ្ឌកំពូល៤៥ឆ្នាំ។
Manchester City និង Tottenham Hotspur សុទ្ធតែទទួលបានជ័យជម្នះ ២-០ នៅក្រៅទឹកដី។ គ្រាប់បាល់បញ្ចូលទីរបស់ Sergio Aguero នៅនាទី៧០ និងគ្រាប់បញ្ចូលទីខ្លួនឯងរបស់ Lewis Dunk នៅ៥នាទីបន្ទាប់នាំឲ្យ Manchester City ឈ្នះម្ចាស់ផ្ទះ Brighton & Hove Albion ដែលជាចំណូលថ្មី ២-០ រីឯ Dele Alli និង Ben Davies នាំឲ្យ Tottenham Hotspur បំបាក់ Newscastle ដែលនៅសល់គ្នា១០នាក់។
Arsenal, Burnley, Everton និង West Brom ក៏ទទួលបាន៣ពិន្ទុផងដែរពីការប្រកួតសប្តាហ៍ទីមួយ។ Alexandre Lacazette បានស៊ុតបាល់បញ្ចូលទីគ្រាប់បាល់បញ្ចូលទីផ្លូវការទី១សម្រាប់ Arsenal និងជាគ្រាប់បាល់ដំបូងប្រចាំរដួវកាលក្នុងជ័យជម្នះ ៤-៣ របស់ Arsenal លើ Leicester។ Burnley ផ្តល់មេរៀនខកចិត្តដល់ម្ចាស់ការពារជើងឯក Chelsea ដែលមានគ្នាត្រឹម៩នាក់ ក្នុងលទ្ធផល ៣-២ ។ Wayne Rooney នាំជ័យជម្នះ ១-០ លើ Stoke City នាការបង្ហាញខ្លួនសារជាថ្មីនៅ Everton ខណៈ Ahmed Hegazi នាំ West Brom ឈ្នះភ្ញៀវ Bournemouth ១-០ ផងដែរនាការបង្ហាញវត្តមានលើកដំបូងរបស់ខ្លួន។
សម្រាប់ការប្រកួតគូផ្សេងទៀត Miguel Britos បានស៊ុតបាល់បញ្ចូលទីនៅក្នុងនាទីបន្ថែម នាំឲ្យ Watford តាមស្មើក្រុមភ្ញៀវ Liverpool ៣-៣ ។ ដោយឡែកការប្រកួត រវាង Southampton និង Swansea City នៅកីឡដ្ឋាន St.Mary’s Stadium ជាជំនួបតែ១គត់ដែលគ្មានការស៊ុតបាល់បញ្ចូលទីនៅក្នុងសប្តាហ៍ទី១ ៕
រូបថតទាំងអស់៖ PremierLeague.com
Romelu Lukaku រកបាន២គ្រាប់ ហើយ Anthony Martial និង Paul Pogba បន្ថែមបានម្នាក់១គ្រាប់ ដើម្បីនាំ Manchester United ឈ្នះ West Ham United ៤-០ នៅលើទឹកដី Old Trafford។ ជ័យជម្នះនេះ នាំឲ្យក្រុមដែលដឹកនាំដោយលោក Jose Mourinho ឡើងឈរលើកំពូលតារាងបណ្តោះអាសន្ន ប្រចាំសប្តាហ៍ទី១ នៃក្របខណ្ឌ Premier League។
ក្លិបចំណូលថ្មី Huddersfield Town បានបង្កភាពភ្ញាក់ផ្អើលជាមួយនឹងជ័យជម្នះ ៣-០ នៅលើទឹកដី Selhurs Park របស់ Crystal Palace។ Joel Ward បានភ្លាត់ស្នៀតធ្វើឲ្យបានចូលទីខ្លួនឯងនៅនាទី២៣ ហើយ៣នាទីក្រោយមក Steve Mounie ជួយឲ្យ Huddersfield បង្កើនការនាំមុខ ២-០ ។ នៅជាង១០នាទី មុនបញ្ចប់ការប្រកួត Mounie បន្ថែមបាន១គ្រាប់ទៀត ហើយនេះក៏ជាជ័យជម្នះលើកដំបូងផងដែរសម្រាប់ Huddersfield បន្ទាប់ពីអវត្តមាននៅក្របខណ្ឌកំពូល៤៥ឆ្នាំ។
Manchester City និង Tottenham Hotspur សុទ្ធតែទទួលបានជ័យជម្នះ ២-០ នៅក្រៅទឹកដី។ គ្រាប់បាល់បញ្ចូលទីរបស់ Sergio Aguero នៅនាទី៧០ និងគ្រាប់បញ្ចូលទីខ្លួនឯងរបស់ Lewis Dunk នៅ៥នាទីបន្ទាប់នាំឲ្យ Manchester City ឈ្នះម្ចាស់ផ្ទះ Brighton & Hove Albion ដែលជាចំណូលថ្មី ២-០ រីឯ Dele Alli និង Ben Davies នាំឲ្យ Tottenham Hotspur បំបាក់ Newscastle ដែលនៅសល់គ្នា១០នាក់។
Arsenal, Burnley, Everton និង West Brom ក៏ទទួលបាន៣ពិន្ទុផងដែរពីការប្រកួតសប្តាហ៍ទីមួយ។ Alexandre Lacazette បានស៊ុតបាល់បញ្ចូលទីគ្រាប់បាល់បញ្ចូលទីផ្លូវការទី១សម្រាប់ Arsenal និងជាគ្រាប់បាល់ដំបូងប្រចាំរដួវកាលក្នុងជ័យជម្នះ ៤-៣ របស់ Arsenal លើ Leicester។ Burnley ផ្តល់មេរៀនខកចិត្តដល់ម្ចាស់ការពារជើងឯក Chelsea ដែលមានគ្នាត្រឹម៩នាក់ ក្នុងលទ្ធផល ៣-២ ។ Wayne Rooney នាំជ័យជម្នះ ១-០ លើ Stoke City នាការបង្ហាញខ្លួនសារជាថ្មីនៅ Everton ខណៈ Ahmed Hegazi នាំ West Brom ឈ្នះភ្ញៀវ Bournemouth ១-០ ផងដែរនាការបង្ហាញវត្តមានលើកដំបូងរបស់ខ្លួន។
សម្រាប់ការប្រកួតគូផ្សេងទៀត Miguel Britos បានស៊ុតបាល់បញ្ចូលទីនៅក្នុងនាទីបន្ថែម នាំឲ្យ Watford តាមស្មើក្រុមភ្ញៀវ Liverpool ៣-៣ ។ ដោយឡែកការប្រកួត រវាង Southampton និង Swansea City នៅកីឡដ្ឋាន St.Mary’s Stadium ជាជំនួបតែ១គត់ដែលគ្មានការស៊ុតបាល់បញ្ចូលទីនៅក្នុងសប្តាហ៍ទី១ ៕
រូបថតទាំងអស់៖ PremierLeague.com
Tag:
បាល់ទាត់
Premier League
© រក្សាសិទ្ធិដោយ thmeythmey.com
