ពីនេះ ពីនោះ
រូបពី៖ ទំព័រហ្វេសប៊ុក សម្តេចហ៊ុនសែន
×![]()
ដោយ: ថ្មីៗ
បទ ព្រហ្មគីតិ
ដោយ ប៉ាកកាខ្មៅ
-ភ្នំពេញកាន់តែប្រែ លើកមុខខ្មែរទាំងបុរី
មានគ្រប់មិនខ្វះអ្វី ស្មេរខ្ញុំស្តីតាមឃើញជាក់។
-អគាររីកដូចផ្សិត ហាងប្រណីតឃើញពិតភ្ញាក់
ក្រុមហ៊ុនធំគ្រាក់ៗ លែងស្ទើរស្ទាក់ចាយពាន់លាន។
-សាងសង់សំណង់យក្ស សម្រាប់ទាក់ក្រុមអ្នកមាន
ល្បីឈ្មោះហួសអាស៊ាន ថែមទាំងឈានដល់សកល។
-ហាង Brand មានមិនខ្វះ មានប្រាក់ច្បាស់ជាលែងខ្វល់
ហាងខ្លះដឹកទៅដល់ អស់កង្វល់រឿងខកខាន។
-Aeon Mall គេល្បី Brand ថ្មីៗអ្វីក៏បាន
គ្រឿងតាំងតុបតែងប្រាណ អាចទិញបានទាំងមាសពេជ្រ។
-សុរិយាក៏មិនស្ងាត់ អ្នកមានណាត់ច្រើនមិនភ្លេច
កកកុញនៅកោះពេជ្រ Romantic នៅ Sky Bar ។
-Naga ផ្សារក្រោមដី The Bridge ល្បីធំអស្ចារ្យ
ទាំងកាណាឌីយ៉ា ជ្រោយចង្វារក៏ប្រែស្អាត។
-Parkson ទើបមកថ្មី MAKRO ល្បីមិនខ្លាចខាត
មានច្រើនទៀតMall Mart ស្មេរសង្វាតសង្ខេបខ្លី។
-អគារកប់ពពក យើងមានមកមិនតិចអី
Condo, hotel ថ្មី ថែមបុរីវីឡាភ្លោះ។
-ទាំងអស់បានកើតឡើង ព្រោះតែយើងលែងជួបគ្រោះ
សង្គ្រាមឧទ្ទាមឈ្លោះ ខ្មែររួមរស់ក្នុងសុខសាន្ត៕
© រក្សាសិទ្ធិដោយ thmeythmey.com
