កីឡាជាតិ
ជាតិ
ការរៀបចំស៊ីហ្គេមនៅម៉ាឡេស៊ី និង២លើកជាបន្តបន្ទាប់ទៀត សុទ្ធតែជាមេរៀនរបស់កម្ពុជា
លោក ថោង ខុន និងលោក ហង់ ជួន ណារ៉ុន ជួបប្រតិភូ និងអត្តពលិកមួយចំនួន។ រូបថត NOCC/NagaWorld
×![]()
គូឡាឡាំពូរ៖ លោក ថោង ខុន និងលោក ហង់ ជួន ណារ៉ុន បានស្នើដល់ថ្នាក់ដឹកនាំកីឡាកម្ពុជា នាំគ្នាសិក្សាស្វែងយល់ពីការរៀបចំការប្រកួតកីឡាស៊ីហ្គេមលើកទី២៩ នៅម៉ាឡេស៊ី ហើយបន្តបន្ទាប់នៅហ្វីលីពីន និងវៀតណាម ដើម្បីជាទុនដល់កម្ពុជាក្នុងធ្វើឲ្យបានល្អប្រសើរក្នុងនាមជាម្ចាស់ផ្ទះនៅឆ្នាំ២០២៣ ។ ការលើកឡើងរបស់រដ្ឋមន្ត្រីទាំងពីររូបនេះ ធ្វើឡើងនៅពេលដែលពួកគាត់ទៅសួរសុខទុក្ខប្រតិភូ ថ្នាក់ដឹកនាំ និងអត្តពលិកនៃប្រភេទកីឡាមួយចំនួនដែឡស្នាក់នៅសណ្ឋាគារ Sunway Putra ក្នុងក្រុងគូឡាឡាំពួរ កាលពីព្រឹកថ្ងៃសៅរ ទី១៩ ខែសីហា។
ក្នុងនាមជាម្ចាស់ផ្ទះ ម៉ាឡេស៊ី បានដាក់ប្រភេទកីឡាមួយចំនួន ដែលពួកគេអាចដណ្តើមបានមេដាយច្រើន។ សម្រាប់លោក ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា (NOCC) ទាំងនេះ គឺជាមេរៀនដែលកម្ពុជាត្រូវសិក្សា ខណៈខ្លួនត្រូវធ្វើជាម្ចាស់ផ្ទះស៊ីហ្គេមលើកដំបូងបំផុតរបស់ខ្លួននាឆ្នាំ២០២៣ ខាងមុខ។
លោក ថោង ខុន បានណែនាំដល់មន្ត្រី និងអត្តពលិក ឲ្យនាំគ្នាផ្តល់តម្លៃដល់ម្ចាស់ផ្ទះជានិច្ច ទោះក្រោមរូបភាពណាក៏ដោយ។ លោកលើកឡើងថា៖ «ការរៀបចំពិតជាមិនមានភាពឥតខ្ចោះ១០០ភាគរយនោះឡើយ ដូច្នេះយើងត្រូវមានការយោគយល់ និងមិនត្រូវធ្វើឲ្យម្ចាស់ផ្ទះមានការអាក់អន់ចិត្តនោះឡើយ»។
ជាមួយគ្នានេះផងដែរ ប្រធាន NOCC បានមើលឃើញពីបញ្ហាមួយចំនួនក្នុងការរៀបចំកន្លែងឲ្យប្រតិភូ និងអត្តពលិកស្នាក់នៅតាមសណ្ឋាគារ ដែលជាទម្លាប់ ម្ចាស់ផ្ទះតែងតែរៀបចំឲ្យមានជាភូមិកីឡាសម្រាប់ប្រមូលផ្តុំការស្នាក់នៅ។ ទោះបីជាលោកមើលឃើញចំណុចអវិជ្ជមានបែបនេះក៏ដោយ ប៉ុន្តែលោកមិនទាន់សន្និដ្ឋាន១០០ភាគរយនោះឡើយ ថា កម្ពុជានឹងរៀបចំការស្នាក់នៅបែបណានោះដែរ ដោយរងចាំឆ្លងយោបល់ពីថ្នាក់ដឹកនាំជាមុនសិន។
សូមស្តាប់ប្រសាសន៍លោក ថោង ខុន៖
មិនខុសពីលោក ថោង ខុន នោះឡើយ រដ្ឋមន្ត្រីអប់រំ យុវជន និងកីឡា ក៏មើលឃើញដូចគ្នាផងដែរថា ព្រឹត្តិការណ៍ស៊ីហ្គេម៣លើកចុងក្រោយ ដោយគិតចាប់តាំងពីលើកទី២៩ ដល់ទី៣១ សុទ្ធតែជាមេរៀនដែលអ្នកជំនាញកីឡាកម្ពុជាត្រូវសិក្សា។
លោក ហង់ ជួន ណារ៉ុន បានបញ្ជាក់ថា NOCC បានរៀបចំផែនទីបង្ហាញផ្លូវ ហើយក្រសួងអប់រំ ជាពិសេសអគ្គនាយកដ្ឋានកីឡា ក៏មានគោលនយោបាយច្បាស់លាស់ផងដែរ ក្នុងការត្រៀមខ្លួនរៀបចំស៊ីហ្គេម។
សូមស្តាប់ប្រសាសន៍លោក ហង់ ជួន ណារ៉ុន៖
ក្នុងនាមជាម្ចាស់ផ្ទះ ម៉ាឡេស៊ី បានដាក់ប្រភេទកីឡាមួយចំនួន ដែលពួកគេអាចដណ្តើមបានមេដាយច្រើន។ សម្រាប់លោក ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា (NOCC) ទាំងនេះ គឺជាមេរៀនដែលកម្ពុជាត្រូវសិក្សា ខណៈខ្លួនត្រូវធ្វើជាម្ចាស់ផ្ទះស៊ីហ្គេមលើកដំបូងបំផុតរបស់ខ្លួននាឆ្នាំ២០២៣ ខាងមុខ។
លោក ថោង ខុន បានណែនាំដល់មន្ត្រី និងអត្តពលិក ឲ្យនាំគ្នាផ្តល់តម្លៃដល់ម្ចាស់ផ្ទះជានិច្ច ទោះក្រោមរូបភាពណាក៏ដោយ។ លោកលើកឡើងថា៖ «ការរៀបចំពិតជាមិនមានភាពឥតខ្ចោះ១០០ភាគរយនោះឡើយ ដូច្នេះយើងត្រូវមានការយោគយល់ និងមិនត្រូវធ្វើឲ្យម្ចាស់ផ្ទះមានការអាក់អន់ចិត្តនោះឡើយ»។
ជាមួយគ្នានេះផងដែរ ប្រធាន NOCC បានមើលឃើញពីបញ្ហាមួយចំនួនក្នុងការរៀបចំកន្លែងឲ្យប្រតិភូ និងអត្តពលិកស្នាក់នៅតាមសណ្ឋាគារ ដែលជាទម្លាប់ ម្ចាស់ផ្ទះតែងតែរៀបចំឲ្យមានជាភូមិកីឡាសម្រាប់ប្រមូលផ្តុំការស្នាក់នៅ។ ទោះបីជាលោកមើលឃើញចំណុចអវិជ្ជមានបែបនេះក៏ដោយ ប៉ុន្តែលោកមិនទាន់សន្និដ្ឋាន១០០ភាគរយនោះឡើយ ថា កម្ពុជានឹងរៀបចំការស្នាក់នៅបែបណានោះដែរ ដោយរងចាំឆ្លងយោបល់ពីថ្នាក់ដឹកនាំជាមុនសិន។
សូមស្តាប់ប្រសាសន៍លោក ថោង ខុន៖
មិនខុសពីលោក ថោង ខុន នោះឡើយ រដ្ឋមន្ត្រីអប់រំ យុវជន និងកីឡា ក៏មើលឃើញដូចគ្នាផងដែរថា ព្រឹត្តិការណ៍ស៊ីហ្គេម៣លើកចុងក្រោយ ដោយគិតចាប់តាំងពីលើកទី២៩ ដល់ទី៣១ សុទ្ធតែជាមេរៀនដែលអ្នកជំនាញកីឡាកម្ពុជាត្រូវសិក្សា។
លោក ហង់ ជួន ណារ៉ុន បានបញ្ជាក់ថា NOCC បានរៀបចំផែនទីបង្ហាញផ្លូវ ហើយក្រសួងអប់រំ ជាពិសេសអគ្គនាយកដ្ឋានកីឡា ក៏មានគោលនយោបាយច្បាស់លាស់ផងដែរ ក្នុងការត្រៀមខ្លួនរៀបចំស៊ីហ្គេម។
សូមស្តាប់ប្រសាសន៍លោក ហង់ ជួន ណារ៉ុន៖
Tag:
SEA Games 2017
© រក្សាសិទ្ធិដោយ thmeythmey.com
