កីឡាជាតិ
ជាតិ
ស៊ីហ្គេម៖ កីឡាករសិង្ហបុរី Soh Rui Yong បន្តឈ្នះមេដាយមាស ខណៈកម្ពុជាជាប់លេខ៦ និង១១ កីឡាករសិង្ហបុរី Soh Rui Yong បន្តឈ្នះមេដាយមាសលើវិញ្ញាសាម៉ារ៉ាតុន ដូចកាលពីឆ្នាំ២០១៥នៅទឹកដីរបស់ខ្លួន។ រូបថត SEAGames 2017
× គួឡាឡាំពួរ៖ កីឡាករសិង្ហបុរី Soh Rui Yong បន្តទទួលបានមេដាយមាសពីការប្រកួតម៉ារ៉ាតុន ក្នុងព្រឹត្តិការណ៍កីឡាស៊ីហ្គេមលើកទី២៩នៅក្រុងគូឡាឡាំពួរ ប្រទេសម៉ាឡេស៊ី ជាមួយនឹងការសម្រេចបាននូវថិរវេលា ២ម៉ោង ២៩នាទី និង២៧វិនាទី នាការប្រកួតកាលពីព្រឹកថ្ងៃសៅរ៍ ទី១៩ ខែសីហា។
កីឡាករឥណ្ឌូណេស៊ី Agus Prayogo ទទួលបានមេដាយប្រាក់ ដោយសម្រេចបានថិរវេលា ០២:៣១:២០ ហើយកីឡាករម្ចាស់ផ្ទះម៉ាឡេស៊ី Muhaizar M បានមេដាយសំរឹទ្ធ ដោយប្រើរយៈពេល ០២:៣១:៥២ ។
ក្នុងការប្រកួតដែលមានអត្តពលិកសរុប១៥នាក់ កម្ពុជាមានកីឡាករពីររូបផងដែរ ដោយកីឡាករដើមកំណើតជប៉ុន Takizaki Kuniaki ស្ថិតនៅចំណាត់ថ្នាក់លេខ៦ (០២:៤២:២២) និងកីឡាករ ម៉ា វីរ៉ូ ជាប់លេខ១១ ជាមួយនឹងថិរវេលា ០៣:០៦:១០ ។
ចំពោះម៉ារ៉ាតុនផ្នែកនារី មេដាយមាសបានលើកីឡាការិនីហ្វីលីពីន Tabal Mary មេដាយប្រាក់បានទៅកីឡាការិនីវៀតណាម Hoang Thi Thanh និងមេដាយសំរឹទ្ធបានលើកីឡាការិនីថៃ Natthaya Thanaronnawat៕
Tag:
SEA Games 2017
ម៉ារ៉ាតុន
© រក្សាសិទ្ធិដោយ thmeythmey.com