បទយកការណ៍ / បទសម្ភាសន៍
×![]()
ការជជែកពិភាក្សាតទល់ជាវេទិកាប្រកួតដោយមានបុគ្គល ឬក្រុមដែលមានទស្សនៈខុសគ្នា ជជែកពិភាក្សាលើប្រធានបទរួមដោយប្រើរទឡ្ហីករ និងភស្តុតាង។ វេទិការនេះទាមទាឲ្យភាគីចូលរួមប្រកួតទាំងអស់ចាំបាច់ ត្រូវមានភាពឈ្លាសវៃក្នុងការត្រិះរិះរកហេតុផល និងអំណះអំណាងលើប្រធានបទ ដើម្បីទាក់ទាញចំណាប់អារម្មរណ៍ពីគណៈកម្មការ។ ការដណ្តើមជ័យជម្នះសម្រាប់ការជជែកពិភាក្សាតទល់ មិនមែនជារឿងស្រួលនោះទេ។ ប៉ុន្តែវាក៏មិនមែនពិបាក រហូតដល់មិនអាចធ្វើទៅបាននោះដែរ។ តើធ្វើដូចម្តេចទើបអាចពូកែខាងផ្នែកជជែកពិភាក្សាតទល់នេះ?
ជុំវិញរឿងនេះ លោក ហេង សុវណ្ណ ជ័យលាភីជជែកពិភាក្សាតទល់អង្គការតម្លាភាពយល់ថា លុះត្រាតែបេក្ខជន មានគំនិតទូលំទូលាយ ជួបរឿងច្រើន ស្តាប់មនុស្សច្រើន និងស្រាវជ្រាវឱ្យបានច្រើន ទើបអាចអាចងាយស្រួល។ ជាងនេះទៅទៀត វាទាមទារឱ្យមានការហ្វឹកហាត់លើឥរិយាបទ សំឡេង និងសិល្បៈនៃការទាក់ទាញអ្នកស្តាប់ឱ្យយល់ស្របជាមួយនឹងគំនិតដែលយើងចង់បញ្ចេញជាសាធាណៈនោះទៀតផង។
យុវជន សុវណ្ណ បានចែករំលែកបទពិសោធន៍ជោគជ័យថា អ្នកជជែកពិភាក្សាតទល់ចាំបាច់ត្រូវមានសេចក្តីក្លាហានក្នុងការចូលប្រកួតជាមុនសិន ព្រោះយុវជនកម្ពុជាមួយចំនួន មិនទាន់មានសេចក្តីក្លាហានគ្រប់គ្រាន់នៅឡើយទេ ក្នុងការចូលខ្លួនប្រកួតដណ្តើមយកពានរង្វាន់ធំៗ លំដាប់ប្រទេស ឬតំបន់ជាដើម។ ពួកគេតែងយកលេសថា សមត្ថភាពមិនទាន់គ្រប់គ្រាន់ ហើយបណ្តោយឱ្យការប្រកួតចេះតែរំលងផុតទៅជាបន្តបន្ទាប់។
ជ័យលាភីជជែកពិភាក្សាតទល់TI រូបនេះបន្ថែមទៀតថា គេត្រូវមានការស្រាវជ្រាវច្បាស់លាស់ពីប្រភពដែលត្រឹមត្រូវ បន្ទាប់មករៀបចំប្លង់គំនិតឱ្យបានត្រឹមត្រូវ រៀបចំមនុស្សឱ្យបានត្រឹមត្រូវ ទៅតាមទេពកោសល្យរបស់គេរៀងៗខ្លួន នៅក្នុងក្រុម និងមានចិត្តសាស្ត្រស្រាវជ្រាវ ដោយស្មានទុកមុនពីលក្ខខណ្ឌអាចមួយចំនួនដែលក្រុមម្ខាងទៀត អាចនឹងលើកឡើង ដើម្បីត្រៀមខ្លួនទប់ទល់។ ចំណុចចុងក្រោយគឺ ត្រូវប្រកាន់ភ្ជាប់នូវគំនិតសន្តិភាព ហើយកុំយល់ច្រឡំថា ការប្រកួតជជែកពិភាក្សាតទល់ត្រូវតែប្រើសំដីខ្លាំងៗ ប្រើអាកប្បកិរិយាដាច់ខាត ឬមើលទៅដូចជាខឹងឱ្យសោះ តាមពិតការបកស្រាយគំនិតប្រកបដោយភាពឆ្លាតវៃ និងត្រជាក់តែស៊ីជម្រៅទៅវិញទេ ទើបទាញចិត្តមនុស្សបាន ជាពិសេសគណៈកម្មការ រួមទាំងសាធារណៈជនដែលចូលរួម។
ស្របគ្នានេះដែរ យុវជន ម៉ៅ គង្គា គ្រូបង្ខឹកកម្មវិធី The Perspective Cambodia និងធ្លាប់ប្រកួតជជែកពិភាក្សាតទល់ច្រើនលើករូបនេះប្រាប់ថា អ្នកជជែកពិភាក្សាតទល់ដ៏ល្អម្នាក់ ទី១ បេក្ខជនត្រូវនិយាយមានខ្លឹមសារ។ យុវជន គង្គា បន្តថា ទី២បេក្ខជនត្រូវមានសិល្បៈនៃការបង្ហាញ។ បេក្ខជនខ្លះមានខ្លឹមសារល្អ ប៉ុន្តែខ្សោយក្នុងការបង្ហាញខ្លឹមសារ។ ក្នុងវិធីសាស្ត្រនេះទៀត បេក្ខជនត្រូវចេះរកសំណួរចោទទៅក្រុមផ្សេង ដើម្បីឲ្យក្រុមផ្សេងឆ្លើយ បាទ ឬទេ (Yesឬ No) និងត្រូវព្យាយាមរកសំណួរណាដែលសួរទៅក្រុមផ្សេង មិនអាចបកស្រាយបាន។ ហើយពេលសរុបសេចក្តី ត្រូវទាញទឡ្ហីករក្រុមផ្សេង ឲ្យចូលទៅក្នុងការធ្វើសេចក្តីធ្វើសន្និដ្ឋានរបស់ក្រុមយើង។
សម្រាប់លោក គង្គា ឥរិយាបទ ទាក់ទងនិងកាយវិកា សំឡេង ទឹកមុខ ឯកសណ្ឋាន ជាចំណុចដែលគួរតែសិក្សា។ ឧទាហរណ៍បេក្ខជនខ្លះ និយាយល្អ ខ្លឹមសារល្អ ប៉ុន្តែអន់កាយវិការ ប្រៀបដូចអ្នកចម្រៀង ច្រៀងពិរោះ ប៉ុន្តែអន់កាយវិការ។ ពេលខ្លះសូម្បីតែការធ្វើស្ងាត់ ក៏ជាចំណុចទាក់ទាញគណៈកម្មការ និងអ្នកចូលរួមបានដែរ។
ការជជែកពិភាក្សាតទល់ជាក្រុម គឺការសហការក្រុម។ នេះបើតាមគ្រូបង្ខឹកកម្មវិធី The Perspective Cambodia។ អ្នកខ្លះគិតថាខ្លួនឯងខ្លាំង ប៉ុន្តែនៅពេលធ្វើកិច្ចពិភាក្សាតទល់ ត្រូវតែធ្វើការងារជាក្រុម ហើយប្រសិនបើខ្លួនឯងខ្លាំងតែម្នាក់ឯង ដោយមិនបង្រៀនគេឲ្យខ្លាំងដូចខ្លួនទេ នោះក្រុមប្រាកដជាបរាជ័យ។
លោក ម៉ៅ គង្គា លើកទឹកចិត្តយុវជនឲ្យចូលរួមប្រកួតកម្មវីធីជជែកពិភាក្សា ព្រោះថាការជជែកពិភាក្សាតទល់មិនមែនគ្រាន់តែដើម្បីចាញ់ ឈ្នះនោះទេ។ ប៉ុន្តែនៅពេលយុវជនជជែកពិភាក្សានោះ យុវជនចាប់ផ្តើមរកឬសគល់នៃបញ្ហា ផលប៉ះពាល់ និងរកដំណោះស្រាយ។ យុវជនគង្គាបញ្ជាក់បន្ថែមដូច្នេះថា៖« យុវជនសព្វថ្ងៃចូលចិត្តមើលឃើញតែបញ្ហា ប៉ុន្តែមិនរកដំណោះស្រាយ។ ខ្ញុំចង់ឲ្យយុវជនយើងចូលរួមរកដំណោះស្រាយ និងអភិវឌ្ឍសង្គមជាជាងដោយគ្រាន់តែបញ្ចេញមតិ។ ប្រសិនបើយុវជនជំនាន់នេះ មិនចូលរួមទេ នោះជំនាន់ក្រោយទៀត ពួកគេយកគំរូតាមយើង ហើយសង្គមនឹងមិនការផ្លាស់ប្តូរជាវិជ្ជាមាននោះទេ» ។
ស្រដៀងគ្នានេះដែរ កញ្ញា អ៊ាន ម៉ានិត អ្នកជជែកពិភាក្សាតទល់ម្នាក់ដែរនោះយល់ថា ការជជែកពិភាក្សាបានល្អ វាផ្តើមចេញពីការស្រលាញ់ និងទាមទាឲ្យយុវជនខ្លួនឯងត្រូវខិតខំប្រឹងប្រែងក្នុងការហ្វឹកហាត់បន្ថែម និងស្រាវជ្រាវឲ្យបានច្រើន ព្រោះថាគ្មាននណាម្នាក់កើតមកពូកែនោះទេ។ កញ្ញាម៉ានិតបន្ថែមថា ជាទម្លាប់នៅពេលដែលកញ្ញាចេញទៅប្រកួតម្តងៗ កញ្ញាតែងតែសមមុនជានិច្ច ដោយថតសំឡេង និងឲ្យសមាជិកក្រុម និងជាពិសេសសុំយោបល់ពីអ្នកមានបទពិសោធន៍ ដើម្បីកែលំអរនូវរាល់ចំណុចខ្វះខាត។
និស្សិតសាកលវិទ្យាល័យបញ្ញាសាស្ត្រ ឆ្នាំទី២ ជំនាញទំនាក់ទំនងអន្តជាតិរូបនេះគិតថា ជាអ្នកជជែកពិភាក្សាតទល់ដ៏ល្អម្នាក់ មិនត្រឹមតែពូកែតែខ្លួនឯងនោះទេ គឺចេះចែករំលែកចំណេះដឹងពីគ្នាទៅវិញទៅមក និងត្រូវចេះស្តាប់មតិយោបល់ក្នុងក្រុម។ កញ្ញាបាននិយាយថា បើទោះបីជាគំនិតមិនសូវល្អក្តី ប៉ុន្តែយើងអាចយកគំនិតទាំងអស់នេះមកប្រមូលផ្តុំគ្នា ឲ្យក្លាយជាគោលគំនិតធំៗ។ កញ្ញា ម៉ានិត បញ្ជាក់ថា ការមិនចេះទទួលគំនិតសមាជិកក្នុងក្រុម អាចធ្វើឲ្យក្រុមមានភាពបែកបែកសាមគ្គី និងធ្វើឲ្យក្រុមមិនទទួលបានជ័យជំនះនោះទេ៕
ជុំវិញរឿងនេះ លោក ហេង សុវណ្ណ ជ័យលាភីជជែកពិភាក្សាតទល់អង្គការតម្លាភាពយល់ថា លុះត្រាតែបេក្ខជន មានគំនិតទូលំទូលាយ ជួបរឿងច្រើន ស្តាប់មនុស្សច្រើន និងស្រាវជ្រាវឱ្យបានច្រើន ទើបអាចអាចងាយស្រួល។ ជាងនេះទៅទៀត វាទាមទារឱ្យមានការហ្វឹកហាត់លើឥរិយាបទ សំឡេង និងសិល្បៈនៃការទាក់ទាញអ្នកស្តាប់ឱ្យយល់ស្របជាមួយនឹងគំនិតដែលយើងចង់បញ្ចេញជាសាធាណៈនោះទៀតផង។
យុវជន សុវណ្ណ បានចែករំលែកបទពិសោធន៍ជោគជ័យថា អ្នកជជែកពិភាក្សាតទល់ចាំបាច់ត្រូវមានសេចក្តីក្លាហានក្នុងការចូលប្រកួតជាមុនសិន ព្រោះយុវជនកម្ពុជាមួយចំនួន មិនទាន់មានសេចក្តីក្លាហានគ្រប់គ្រាន់នៅឡើយទេ ក្នុងការចូលខ្លួនប្រកួតដណ្តើមយកពានរង្វាន់ធំៗ លំដាប់ប្រទេស ឬតំបន់ជាដើម។ ពួកគេតែងយកលេសថា សមត្ថភាពមិនទាន់គ្រប់គ្រាន់ ហើយបណ្តោយឱ្យការប្រកួតចេះតែរំលងផុតទៅជាបន្តបន្ទាប់។
ជ័យលាភីជជែកពិភាក្សាតទល់TI រូបនេះបន្ថែមទៀតថា គេត្រូវមានការស្រាវជ្រាវច្បាស់លាស់ពីប្រភពដែលត្រឹមត្រូវ បន្ទាប់មករៀបចំប្លង់គំនិតឱ្យបានត្រឹមត្រូវ រៀបចំមនុស្សឱ្យបានត្រឹមត្រូវ ទៅតាមទេពកោសល្យរបស់គេរៀងៗខ្លួន នៅក្នុងក្រុម និងមានចិត្តសាស្ត្រស្រាវជ្រាវ ដោយស្មានទុកមុនពីលក្ខខណ្ឌអាចមួយចំនួនដែលក្រុមម្ខាងទៀត អាចនឹងលើកឡើង ដើម្បីត្រៀមខ្លួនទប់ទល់។ ចំណុចចុងក្រោយគឺ ត្រូវប្រកាន់ភ្ជាប់នូវគំនិតសន្តិភាព ហើយកុំយល់ច្រឡំថា ការប្រកួតជជែកពិភាក្សាតទល់ត្រូវតែប្រើសំដីខ្លាំងៗ ប្រើអាកប្បកិរិយាដាច់ខាត ឬមើលទៅដូចជាខឹងឱ្យសោះ តាមពិតការបកស្រាយគំនិតប្រកបដោយភាពឆ្លាតវៃ និងត្រជាក់តែស៊ីជម្រៅទៅវិញទេ ទើបទាញចិត្តមនុស្សបាន ជាពិសេសគណៈកម្មការ រួមទាំងសាធារណៈជនដែលចូលរួម។
ស្របគ្នានេះដែរ យុវជន ម៉ៅ គង្គា គ្រូបង្ខឹកកម្មវិធី The Perspective Cambodia និងធ្លាប់ប្រកួតជជែកពិភាក្សាតទល់ច្រើនលើករូបនេះប្រាប់ថា អ្នកជជែកពិភាក្សាតទល់ដ៏ល្អម្នាក់ ទី១ បេក្ខជនត្រូវនិយាយមានខ្លឹមសារ។ យុវជន គង្គា បន្តថា ទី២បេក្ខជនត្រូវមានសិល្បៈនៃការបង្ហាញ។ បេក្ខជនខ្លះមានខ្លឹមសារល្អ ប៉ុន្តែខ្សោយក្នុងការបង្ហាញខ្លឹមសារ។ ក្នុងវិធីសាស្ត្រនេះទៀត បេក្ខជនត្រូវចេះរកសំណួរចោទទៅក្រុមផ្សេង ដើម្បីឲ្យក្រុមផ្សេងឆ្លើយ បាទ ឬទេ (Yesឬ No) និងត្រូវព្យាយាមរកសំណួរណាដែលសួរទៅក្រុមផ្សេង មិនអាចបកស្រាយបាន។ ហើយពេលសរុបសេចក្តី ត្រូវទាញទឡ្ហីករក្រុមផ្សេង ឲ្យចូលទៅក្នុងការធ្វើសេចក្តីធ្វើសន្និដ្ឋានរបស់ក្រុមយើង។
សម្រាប់លោក គង្គា ឥរិយាបទ ទាក់ទងនិងកាយវិកា សំឡេង ទឹកមុខ ឯកសណ្ឋាន ជាចំណុចដែលគួរតែសិក្សា។ ឧទាហរណ៍បេក្ខជនខ្លះ និយាយល្អ ខ្លឹមសារល្អ ប៉ុន្តែអន់កាយវិការ ប្រៀបដូចអ្នកចម្រៀង ច្រៀងពិរោះ ប៉ុន្តែអន់កាយវិការ។ ពេលខ្លះសូម្បីតែការធ្វើស្ងាត់ ក៏ជាចំណុចទាក់ទាញគណៈកម្មការ និងអ្នកចូលរួមបានដែរ។
ការជជែកពិភាក្សាតទល់ជាក្រុម គឺការសហការក្រុម។ នេះបើតាមគ្រូបង្ខឹកកម្មវិធី The Perspective Cambodia។ អ្នកខ្លះគិតថាខ្លួនឯងខ្លាំង ប៉ុន្តែនៅពេលធ្វើកិច្ចពិភាក្សាតទល់ ត្រូវតែធ្វើការងារជាក្រុម ហើយប្រសិនបើខ្លួនឯងខ្លាំងតែម្នាក់ឯង ដោយមិនបង្រៀនគេឲ្យខ្លាំងដូចខ្លួនទេ នោះក្រុមប្រាកដជាបរាជ័យ។
លោក ម៉ៅ គង្គា លើកទឹកចិត្តយុវជនឲ្យចូលរួមប្រកួតកម្មវីធីជជែកពិភាក្សា ព្រោះថាការជជែកពិភាក្សាតទល់មិនមែនគ្រាន់តែដើម្បីចាញ់ ឈ្នះនោះទេ។ ប៉ុន្តែនៅពេលយុវជនជជែកពិភាក្សានោះ យុវជនចាប់ផ្តើមរកឬសគល់នៃបញ្ហា ផលប៉ះពាល់ និងរកដំណោះស្រាយ។ យុវជនគង្គាបញ្ជាក់បន្ថែមដូច្នេះថា៖« យុវជនសព្វថ្ងៃចូលចិត្តមើលឃើញតែបញ្ហា ប៉ុន្តែមិនរកដំណោះស្រាយ។ ខ្ញុំចង់ឲ្យយុវជនយើងចូលរួមរកដំណោះស្រាយ និងអភិវឌ្ឍសង្គមជាជាងដោយគ្រាន់តែបញ្ចេញមតិ។ ប្រសិនបើយុវជនជំនាន់នេះ មិនចូលរួមទេ នោះជំនាន់ក្រោយទៀត ពួកគេយកគំរូតាមយើង ហើយសង្គមនឹងមិនការផ្លាស់ប្តូរជាវិជ្ជាមាននោះទេ» ។
ស្រដៀងគ្នានេះដែរ កញ្ញា អ៊ាន ម៉ានិត អ្នកជជែកពិភាក្សាតទល់ម្នាក់ដែរនោះយល់ថា ការជជែកពិភាក្សាបានល្អ វាផ្តើមចេញពីការស្រលាញ់ និងទាមទាឲ្យយុវជនខ្លួនឯងត្រូវខិតខំប្រឹងប្រែងក្នុងការហ្វឹកហាត់បន្ថែម និងស្រាវជ្រាវឲ្យបានច្រើន ព្រោះថាគ្មាននណាម្នាក់កើតមកពូកែនោះទេ។ កញ្ញាម៉ានិតបន្ថែមថា ជាទម្លាប់នៅពេលដែលកញ្ញាចេញទៅប្រកួតម្តងៗ កញ្ញាតែងតែសមមុនជានិច្ច ដោយថតសំឡេង និងឲ្យសមាជិកក្រុម និងជាពិសេសសុំយោបល់ពីអ្នកមានបទពិសោធន៍ ដើម្បីកែលំអរនូវរាល់ចំណុចខ្វះខាត។
និស្សិតសាកលវិទ្យាល័យបញ្ញាសាស្ត្រ ឆ្នាំទី២ ជំនាញទំនាក់ទំនងអន្តជាតិរូបនេះគិតថា ជាអ្នកជជែកពិភាក្សាតទល់ដ៏ល្អម្នាក់ មិនត្រឹមតែពូកែតែខ្លួនឯងនោះទេ គឺចេះចែករំលែកចំណេះដឹងពីគ្នាទៅវិញទៅមក និងត្រូវចេះស្តាប់មតិយោបល់ក្នុងក្រុម។ កញ្ញាបាននិយាយថា បើទោះបីជាគំនិតមិនសូវល្អក្តី ប៉ុន្តែយើងអាចយកគំនិតទាំងអស់នេះមកប្រមូលផ្តុំគ្នា ឲ្យក្លាយជាគោលគំនិតធំៗ។ កញ្ញា ម៉ានិត បញ្ជាក់ថា ការមិនចេះទទួលគំនិតសមាជិកក្នុងក្រុម អាចធ្វើឲ្យក្រុមមានភាពបែកបែកសាមគ្គី និងធ្វើឲ្យក្រុមមិនទទួលបានជ័យជំនះនោះទេ៕
Tag:
យុវជន
ជជែកពិភាក្សាតទល់
Debate
© រក្សាសិទ្ធិដោយ thmeythmey.com
