កីឡាជាតិ
ជាតិ
ស៊ីហ្គេម៖ U22 កម្ពុជាប៉ះថៃក្នុងជំនួបលើកទី៣នៅម៉ាឡេស៊ីយប់នេះ រូបភាពពីហ្វេសប៊ុក FFC
× ក្រុមកីឡាជម្រើសជាតិអាយុក្រោម២២ឆ្នាំកម្ពុជា ត្រូវប្រកួតលើកទី៣ ជាមួយជើងខ្លាំងថៃ នាព្រឹត្តិការណ៍កីឡាស៊ីហ្គេម នៅទីក្រុងកូឡាឡាំពួរ ប្រទេសម៉ាឡេស៊ី វេលាម៉ោង៧:៤៥នាទី ថ្ងៃទី២០ ខែសីហា នៅកីឡដ្ឋាន Selayang Municipal Council Stadium ខណៈហ្វីលីពីន ប៉ះវៀតណាម នៅកីឡដ្ឋាន Shah Alam Stadium។ ជំនួបទាំងពីរនេះ បន្ទាប់ពីក្រុមឥណ្ឌូនេស៊ី ជួបទីម័រខាងកើតនាវេលា ម៉ោង៣រសៀល នៅកីឡដ្ឋាន Selayang Municipal Council Stadium។
ក្រោយខកចិត្តពីរប្រកួតដំបូងជាប់ៗគ្នា ក្រោមស្នាដៃហ្វីលីពីន ២-០ និងវៀតណាម ៤-១ U22 កម្ពុជាជួបប្រកួតលើកទី៣ ក្នុងពូល B ជាមួយក្រុមថៃ នាវេលាម៉ោង៧:៤៥នាទី យប់ថ្ងៃសៅរ៍នេះ នៅកីឡដ្ឋាន Selayang Municipal Council Stadium ក្នុងព្រឹត្តិការណ៍កីឡាស៊ីហ្គេម នៅទីក្រុងកូឡាឡាំពួរប្រទេសម៉ាឡេស៊ី ដែលបើកការប្រកួតជាផ្លូវការនៅថ្ងៃទី២០ ខែសីហានេះ។
U22 ថៃ មិនធ្លាប់ស្គាល់ចាញ់ពីរប្រកួតកន្លងមកនោះទេ ក្នុងពូល B ក្នុងនោះស្មើ ១-១ ជាមួយឥណ្ឌូនេស៊ីក្នុងជំនួបបើកឆាក និងឈ្នះទីម័រខាងកើត ១-០ ក្នុងជំនួបលើកទី២។ ជ័យជម្នះនេះ បានជួយឲ្យក្រុមថៃឈរលេខរៀងទី៣ ដោយមាន៤ពិន្ទុ ខណៈកម្ពុជាឈរលេខរៀងទី៥ ដោយមានសូន្យពិន្ទុ។
ពូល B ដដែល ក្រុមហ្វីលីពីនត្រូវតទល់ជាមួយក្រុមឈរកំពូលតារាងវៀតណាម នាវេលាម៉ោង៧:៤៥នាទីយប់នៅកីឡដ្ឋា Shah Alam Stadium ក្រោយក្រុមទីម័រខាងកើត ប៉ះឥណ្ឌូនេស៊ី នៅកីឡដ្ឋាន Selayang Municipal Council Stadium នាវេលាម៉ោង៣រសៀល។
សម្រាប់ការប្រកួតក្នុងពូល A កាលពីថ្ងៃទី១៨ សីហា ខណៈក្រុមសិង្ហបុរីយកឈ្នះក្រុមឡាវ ២-០ នៅកីឡដ្ឋាន Selayang Stadium មីយ៉ាន់ម៉ាបានលត់ក្រុមព្រុយណេក្នុងលទ្ធផល ៦-០ នៅកីឡដ្ឋាន UiTM Stadium៕
Tag:
បាល់ទាត់
SEA Games 2017
U22 កម្ពុជា
ម៉ាឡេស៊ី
© រក្សាសិទ្ធិដោយ thmeythmey.com