អន្តរជាតិ
គ្រួសារមួយ ៖ កូនឈ្មោះ Loser ក្លាយជាប៉ូលិស កូនឈ្មោះ Winner បែរក្លាយជាចោរ
×![]()
ដោយ: ធីតា
កាលពីឆ្នាំ១៩៥៨ លោក Robert Lane ជនជាតិអាមេរិក ដែលរស់នៅតំបន់ Harlem ក្រុងញូវយ៉ក សហរដ្ឋអាមេរិក បានដាក់ឈ្មោះកូនប្រុសម្នាក់ថា Winner [មានន័យជាភាសាខ្មែរថា អ្នកឈ្នះ] ។ បីឆ្នាំក្រោយមក គ្រួសារត្រកូល Lane បង្កើតបានកូនប្រុសម្នាក់ទៀត ដោយលោក Robert សម្រេចដាក់ឈ្មោះថា Loser [មានន័យថា អ្នកចាញ់]។ នៅពេលចម្រើនវ័យធំធាត់ ឆាកជីវិតរបស់អ្នកទាំងពីរមិនមែនដូចឈ្មោះនោះឡើយ ដោយ Loser ក្លាយជាបុគ្គលម្នាក់ដ៏ជោគជ័យ រីឯ Winner ត្រូវបានបញ្ជូនទៅមន្ទីរឃុំឃាំងជាច្រើនលើក។
Winner ក្លាយជាអ្នកចាញ់ រីឯ Loser ក្លាយជាអ្នកឈ្នះ។ ប្រវត្តិរឿងរ៉ាវគ្រួសារត្រកូល Lane ដែលរស់នៅតំបន់ Harlem ក្រុងញូវយ៉ក ត្រូវចុះផ្សាយពេញបណ្តាសារព័ត៌មាននានានៅសហរដ្ឋអាមេរិក កាលពីជាង១០ឆ្នាំមុន។ ក្រោយដាក់ឈ្មោះកូនប្រុសដែលកើតនៅឆ្នាំ១៩៥៨ ថា «Winner Lane» លោក Robert បានសម្រេចដាក់ឈ្មោះកូនប្រុសម្នាក់ទៀត ដែលកើតនៅឆ្នាំ១៩៦១ ថា «Loser Lance» ដោយឯកសារខ្លះសរសេរថា ជាកូនទី៧ ហើយខ្លះអះអាងថាជាកូនទី៨ ។
យោងតាមការផ្សាយរបស់គេហទំព័រ NowIKnow ការដាក់ឈ្មោះកូនប្រុសពៅថា Loser មិនមែនមានន័យថា លោកស្អប់កូននោះឡើយ ប៉ុន្តែមុននឹងសម្រេចចិត្ត លោកបានសួរកូនស្រីច្បងរបស់លោក ដែលនៅពេលនោះ នាងបានស្នើឈ្មោះ Loser នេះតែម្តង។
កាលពីឆ្នាំ២០០២ សារព័ត៌មាន Newsday បានរៀបរាប់ពីដំណើរជីវិតរបស់ Loser និង Winner។ Loser បានរៀបចប់នៅមហាវិទ្យាល័យ Lafayette College នៅក្រុង Pennsylyania បន្ទាប់ចូលបម្រើការនៅនាយកដ្ឋានប៉ូលិសក្រុងញូវយ៉ក (NYPD)។
លោក Loser Lane ត្រូវបានចាត់ទុកថា ជាមន្ត្រីប៉ូលិសដ៏ឆ្នើមម្នាក់ ដែលក្រោយមកឡើងដំណែងជា ភ្នាក់ងារស៊ើបអង្កេត ហើយលោកក៏ជាអត្តពលិកមួយរូបផងដែរ។ ទោះបីជាលោកមានឈ្មោះបែបនេះក៏ដោយ តែមិត្តរួមការងារ និងគ្រូៗ បានសម្រេចនាំគ្នាហៅផ្សេងពីនេះ ពោលពួកគេចូលចិត្តហៅថា លោក «Lou» ជំនួស «Loser»។
ងាកទៅលោក Winner Lane ឯណោះវិញ ឯកសារជាច្រើនបានសរសេរថា គាត់ត្រូវបានចាប់ខ្លួនយ៉ាងហោច ៣១លើក និងធ្លាប់ជាប់ពន្ធនាគារ២ឆ្នាំ ទាក់ទងនឹងការដើរបំផ្លាញរថយន្ត អំពើហិង្សាក្នុងគ្រួសារ ចោរកម្ម និងបទល្មើសតូចតាចផ្សេងៗទៀត។
លោក Winner បានក្លាយជាមនុស្សបាក់ទឹកចិត្តម្នាក់ ដោយភាគច្រើនទៅស្នាក់នៅជាមួយក្រុមមនុស្សដែលគ្មានផ្ទះសម្បែង។ កន្លងមក បងប្អូនទាំងពីរមិនសូវមានទំនាក់ទំនងគ្នានោះឡើយ ប៉ុន្តែភាគច្រើនដែល Winner ទាក់ទងទៅ Loser នោះ គឺដើម្បីសុំលុយចាយ។
គិតត្រឹមឆ្នាំ២០១៧ នេះ លោក Winner Lane មានអាយុ៥៩ឆ្នាំ រីឯលោក Loser Lane មានអាយុ៥៦ឆ្នាំ។ មិនមានសារព័ត៌មានណាមួយ ចុះផ្សាយពីដំណើរជីវិតបច្ចុប្បន្នរបស់ពួកគាត់នោះឡើយ ប៉ុន្តែបើតាមប្រភពនានា លោក Robert ដែលជាឪពុក បានទទួលមរណភាពទៅហើយ៕
Winner ក្លាយជាអ្នកចាញ់ រីឯ Loser ក្លាយជាអ្នកឈ្នះ។ ប្រវត្តិរឿងរ៉ាវគ្រួសារត្រកូល Lane ដែលរស់នៅតំបន់ Harlem ក្រុងញូវយ៉ក ត្រូវចុះផ្សាយពេញបណ្តាសារព័ត៌មាននានានៅសហរដ្ឋអាមេរិក កាលពីជាង១០ឆ្នាំមុន។ ក្រោយដាក់ឈ្មោះកូនប្រុសដែលកើតនៅឆ្នាំ១៩៥៨ ថា «Winner Lane» លោក Robert បានសម្រេចដាក់ឈ្មោះកូនប្រុសម្នាក់ទៀត ដែលកើតនៅឆ្នាំ១៩៦១ ថា «Loser Lance» ដោយឯកសារខ្លះសរសេរថា ជាកូនទី៧ ហើយខ្លះអះអាងថាជាកូនទី៨ ។
យោងតាមការផ្សាយរបស់គេហទំព័រ NowIKnow ការដាក់ឈ្មោះកូនប្រុសពៅថា Loser មិនមែនមានន័យថា លោកស្អប់កូននោះឡើយ ប៉ុន្តែមុននឹងសម្រេចចិត្ត លោកបានសួរកូនស្រីច្បងរបស់លោក ដែលនៅពេលនោះ នាងបានស្នើឈ្មោះ Loser នេះតែម្តង។
កាលពីឆ្នាំ២០០២ សារព័ត៌មាន Newsday បានរៀបរាប់ពីដំណើរជីវិតរបស់ Loser និង Winner។ Loser បានរៀបចប់នៅមហាវិទ្យាល័យ Lafayette College នៅក្រុង Pennsylyania បន្ទាប់ចូលបម្រើការនៅនាយកដ្ឋានប៉ូលិសក្រុងញូវយ៉ក (NYPD)។
លោក Loser Lane ត្រូវបានចាត់ទុកថា ជាមន្ត្រីប៉ូលិសដ៏ឆ្នើមម្នាក់ ដែលក្រោយមកឡើងដំណែងជា ភ្នាក់ងារស៊ើបអង្កេត ហើយលោកក៏ជាអត្តពលិកមួយរូបផងដែរ។ ទោះបីជាលោកមានឈ្មោះបែបនេះក៏ដោយ តែមិត្តរួមការងារ និងគ្រូៗ បានសម្រេចនាំគ្នាហៅផ្សេងពីនេះ ពោលពួកគេចូលចិត្តហៅថា លោក «Lou» ជំនួស «Loser»។
ងាកទៅលោក Winner Lane ឯណោះវិញ ឯកសារជាច្រើនបានសរសេរថា គាត់ត្រូវបានចាប់ខ្លួនយ៉ាងហោច ៣១លើក និងធ្លាប់ជាប់ពន្ធនាគារ២ឆ្នាំ ទាក់ទងនឹងការដើរបំផ្លាញរថយន្ត អំពើហិង្សាក្នុងគ្រួសារ ចោរកម្ម និងបទល្មើសតូចតាចផ្សេងៗទៀត។
លោក Winner បានក្លាយជាមនុស្សបាក់ទឹកចិត្តម្នាក់ ដោយភាគច្រើនទៅស្នាក់នៅជាមួយក្រុមមនុស្សដែលគ្មានផ្ទះសម្បែង។ កន្លងមក បងប្អូនទាំងពីរមិនសូវមានទំនាក់ទំនងគ្នានោះឡើយ ប៉ុន្តែភាគច្រើនដែល Winner ទាក់ទងទៅ Loser នោះ គឺដើម្បីសុំលុយចាយ។
គិតត្រឹមឆ្នាំ២០១៧ នេះ លោក Winner Lane មានអាយុ៥៩ឆ្នាំ រីឯលោក Loser Lane មានអាយុ៥៦ឆ្នាំ។ មិនមានសារព័ត៌មានណាមួយ ចុះផ្សាយពីដំណើរជីវិតបច្ចុប្បន្នរបស់ពួកគាត់នោះឡើយ ប៉ុន្តែបើតាមប្រភពនានា លោក Robert ដែលជាឪពុក បានទទួលមរណភាពទៅហើយ៕
Tag:
ប្លែកៗ
ជីវិត
© រក្សាសិទ្ធិដោយ thmeythmey.com
