ពីនេះ ពីនោះ
×![]()
ដោយ: ថ្មីៗ
បទពាក្យ៦
ដោយ ប៉ាកកាខ្មៅ
-យល់ស្របមិនកបប្រឆាំង ខឹងខ្លាំងខ្លះដល់ង៉ក់ងរ
ពេលខ្លះគេជេរឡើងខ្ទរ បន្ទរថែមតាមហ្វេសប៊ុក។
-ពេលខ្លះចង់មានយោបល់ គិតខ្វល់ខ្វាយស៊ូលាក់ទុក
ខ្លាចគ្រោះព្រោះអ្នកចាក់រុក នាំទុក្ខមកលើខ្លួនវិញ។
-ហ៊ានថាត្រូវខាងរដ្ឋា ប្រឆាំងច្បាស់ថាគេទិញ
បើស្របក្រុមខាងក្រៅវិញ ក្នុងជ្រេញជ្រួលជ្រួញចិញ្ចើម។
-ពេលខ្លះឃើញទាស់ចិត្តដែរ បានតែស្ងៀមដកដង្ហើម
មានចិត្តគិតកែផ្តួចផ្តើម បណ្ឌិតពិតឆ្នើមមិនហ៊ាន។
-ខ្លាចមានអ្នកទើសទាស់ចិត្ត លែងស្និទ្ធឬរងបំពាន
រឿងនេះនៅស្រុកយើងមាន ស្មេរថាមិនហ៊ានបំពុល។
-ផ្អៀងខ្លាំងតាំងរួមចំណេះ អ្នកចេះឆ្លាតមិនងងុល
គាំទ្រចុះកុំឲ្យជ្រុល ក្រែងពុលក្រោយពិបាកកែ៕
© រក្សាសិទ្ធិដោយ thmeythmey.com
