ពីនេះ ពីនោះ
តើ «ចរន្តទឹកកក» និង «ចរន្តទូទៅ» មានន័យដូចម្ដេច?
× ពាក្យ «ចរន្តទឹកកក» និង «ចរន្តទូទៅ» ជាពាក្យទាក់ទងនឹងការប្រែប្រួលអាកាសធាតុ។ ពាក្យនេះ ស្ថិតនៅក្នុងសទ្ទានុក្រមប្រែប្រួលអាកាសធាតុ។
«ចរន្តទឹកកក» (Ice stream)ជាលំហូរខ្លាំងនៃទឹកកក ដែលជាផ្នែកនៃស្រទាប់ទឹកកក មួយ ដែលភាគច្រើនដាច់ចេញពីទឹកកកដែលនៅជុំវិញដោយសារស្នាមប្រេះយ៉ាងជ្រៅ។
រីឯ ពាក្យ «ចរន្តទូទៅ» (General circulation)ជាចលនាទ្រង់ទ្រាយធំរបស់បរិយាកាស និងមហាសមុទ្រ ដែលជាផលវិបាកនៃកំណើនកម្ដៅខុសៗគ្នាមកលើផែនដីដែលវិល ហើយបណ្ដាលឱ្យមានឡើងវិញនូវតុល្យភាពថាមពលនៃប្រព័ន្ធអាកាសធាតុ តាមរយៈការបញ្ជូនកម្ដៅនិងកម្លាំងជំរុញ។
ដកស្រង់ពីសទ្ទានុក្រមការប្រែប្រួលអាកាសធាតុ (Lexicon of Climate Change) ដែលបោះពុម្ពដោយនាយកដ្ឋានប្រែប្រួលអាកាសធាតុនៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព និងក្រសួងបរិស្ថាន (ឆ្នាំ២០១៧)៕
© រក្សាសិទ្ធិដោយ thmeythmey.com