អន្តរជាតិ
កងកម្លាំងបង់ក្លាដែស រឹតបន្តឹងការល្បាតតាមព្រំដែនដើម្បីទប់ទល់ការភៀសជនជាតិរ៉ូហ៊ីងយ៉ាពីមីយ៉ាន់ម៉ា
×![]()
កងកម្លាំងបង់ក្លាដែសជាច្រើននាក់ បានបន្តសកម្មភាពល្បាតរឹតត្បិតតាមបណ្តោយព្រំដែនជាមួយនឹងមីយ៉ាន់ម៉ា។ សកម្មភាពល្បាតនេះ ធ្វើឡើងស្របពេលដែលមានការរាយការណ៍ថា មានជនជាតិរ៉ូហ៊ីងយ៉ាប្រហែលមួយពាន់នាក់ បានបន្តឆ្លងកាត់ព្រំដែនទៅកាន់បង់ក្លាដែសដោយខុសច្បាប់ ។ 
នៅដើមខែតុលាឆ្នាំមុន កងកម្លាំងរដ្ឋាភិបាលមីយ៉ាន់ម៉ា បានបើកការវាយប្រហារទ្រង់ទ្រាយធំប្រឆាំងនឹងក្រុមភេរវជននៅរដ្ឋ Rakhine បន្ទាប់ពីក្រុមនេះ បានវាយប្រហារលើប៉ូលិសតម្រួតព្រំដែនមីយ៉ាន់ម៉ា។ ការប៉ះទង្គិចនេះ បានបង្កឲ្យមានជនជាតិម៉ូស្លីមរ៉ូហ៊ីងយ៉ារាប់ពាន់នាក់ ដែលរស់នៅនៅតំបន់វិវាទនោះ បានរត់គេច និងភៀសខ្លួន ទៅប្រទេសជិតខាង និងជាពិសេសទៅកាន់បង់ក្លាដែស។
យ៉ាងណាក៏ដោយ ក្រោយនៃលំហូរជនជាតិរ៉ូហ៊ីងយ៉ាខុសច្បាប់នេះ បានផ្ទុះឡើង បង់ក្លាដែស បានមានយន្តការរឹត្បិតខ្លាំងតាមព្រំដែន រហូតដល់ពេលខ្លះ បង់ក្លាដែស បានចាប់បញ្ជូនជនភៀសខ្លួនទាំងនោះត្រលប់ទៅមីយ៉ាន់ម៉ា។ តាមការចុះផ្សាយរបស់សារព័ត៌មានមីយ៉ាន់ម៉ា Irrawaddy ដែលបានដកស្រង់សម្តីប្រជាជននៅទីនោះ មកទល់ពេលនេះ កងកម្លាំង នៅតែបន្តល្បាតជាប្រចាំ ។
ស្រដៀងគ្នានេះ មន្ត្រីល្បាតព្រំដែនជាន់ខ្ពស់បង់ក្លាដែស លោក Manuzurul Hasan Khan បានសង្កត់ធ្ងន់ជាមួយនឹងភ្នាក់ងារព័ត៌មាន Reuters ថា គ្មាននរណាម្នាក់ ត្រូវបានអនុញ្ញាតឲ្យចូលនៅក្នុងប្រទេសបង់ក្លាដែសដោយខុសច្បាប់ទៀតបានឡើយ។
សូមរម្លឹកបន្តិចដែរថា គិតចាប់ពីទសវត្សរ៍៩០មក មានជនជាតិភាគតិចរ៉ូហ៊ីងយ៉ារាប់ម៉ឺននាក់ បានភៀសខ្លួនចេញពីប្រទេសមីយ៉ាន់ម៉ាទៅកាន់បង់ក្លាដែសទាំងដោយស្របច្បាប់ផង និងខុសច្បាប់ផងដែរ។ តាមរបាយការណ៍របស់អង្គការសិទ្ធិមនុស្ស ការភៀសខ្លួនរបស់ក្រុមជនជាតិភាគតិចនេះ ពាក់ព័ន្ធជាមួយនឹងការរើសអើងជាតិសាសន៍ពីបណ្តាប្រជាជនមីយ៉ាន់ម៉ា ដែលមានការចូលដៃពីកងកម្លាំងរដ្ឋាភិបាលមីយ៉ាន់ម៉ាផងដែរនោះ។
នារយៈពេលថ្មីៗនេះ អង្គការសិទ្ធិមនុស្សអន្តរជាតិធំៗ ក៏បានចេញរបាយការណ៍រិះគន់ និងថ្កោលទោសខ្លាំងទៅលើរដ្ឋាភិបាលមីយ៉ាន់ម៉ា ដែលបានបើកដៃឲ្យមានការប្រើប្រាស់ហិង្សា និងបទល្មើសទៅលើជនជាតិភាគតិចរ៉ូហ៊ីងយ៉ាកាលពីដើមខែតុលាឆ្នាំមុន។ យ៉ាងណាក៏ដោយ រដ្ឋាភិបាលមីយ៉ាន់ម៉ា ក៏បានចេញប្រតិកម្ម និងច្រានចោលរបាយការណ៍ទាំងនោះ ដោយថែមទាំងបញ្ជាក់ថា មិនមានបទល្មើសបែបនេះ កើតឡើងនៅក្នុងប្រទេសខ្លួនឡើយ ៕
នៅដើមខែតុលាឆ្នាំមុន កងកម្លាំងរដ្ឋាភិបាលមីយ៉ាន់ម៉ា បានបើកការវាយប្រហារទ្រង់ទ្រាយធំប្រឆាំងនឹងក្រុមភេរវជននៅរដ្ឋ Rakhine បន្ទាប់ពីក្រុមនេះ បានវាយប្រហារលើប៉ូលិសតម្រួតព្រំដែនមីយ៉ាន់ម៉ា។ ការប៉ះទង្គិចនេះ បានបង្កឲ្យមានជនជាតិម៉ូស្លីមរ៉ូហ៊ីងយ៉ារាប់ពាន់នាក់ ដែលរស់នៅនៅតំបន់វិវាទនោះ បានរត់គេច និងភៀសខ្លួន ទៅប្រទេសជិតខាង និងជាពិសេសទៅកាន់បង់ក្លាដែស។
យ៉ាងណាក៏ដោយ ក្រោយនៃលំហូរជនជាតិរ៉ូហ៊ីងយ៉ាខុសច្បាប់នេះ បានផ្ទុះឡើង បង់ក្លាដែស បានមានយន្តការរឹត្បិតខ្លាំងតាមព្រំដែន រហូតដល់ពេលខ្លះ បង់ក្លាដែស បានចាប់បញ្ជូនជនភៀសខ្លួនទាំងនោះត្រលប់ទៅមីយ៉ាន់ម៉ា។ តាមការចុះផ្សាយរបស់សារព័ត៌មានមីយ៉ាន់ម៉ា Irrawaddy ដែលបានដកស្រង់សម្តីប្រជាជននៅទីនោះ មកទល់ពេលនេះ កងកម្លាំង នៅតែបន្តល្បាតជាប្រចាំ ។
ស្រដៀងគ្នានេះ មន្ត្រីល្បាតព្រំដែនជាន់ខ្ពស់បង់ក្លាដែស លោក Manuzurul Hasan Khan បានសង្កត់ធ្ងន់ជាមួយនឹងភ្នាក់ងារព័ត៌មាន Reuters ថា គ្មាននរណាម្នាក់ ត្រូវបានអនុញ្ញាតឲ្យចូលនៅក្នុងប្រទេសបង់ក្លាដែសដោយខុសច្បាប់ទៀតបានឡើយ។
សូមរម្លឹកបន្តិចដែរថា គិតចាប់ពីទសវត្សរ៍៩០មក មានជនជាតិភាគតិចរ៉ូហ៊ីងយ៉ារាប់ម៉ឺននាក់ បានភៀសខ្លួនចេញពីប្រទេសមីយ៉ាន់ម៉ាទៅកាន់បង់ក្លាដែសទាំងដោយស្របច្បាប់ផង និងខុសច្បាប់ផងដែរ។ តាមរបាយការណ៍របស់អង្គការសិទ្ធិមនុស្ស ការភៀសខ្លួនរបស់ក្រុមជនជាតិភាគតិចនេះ ពាក់ព័ន្ធជាមួយនឹងការរើសអើងជាតិសាសន៍ពីបណ្តាប្រជាជនមីយ៉ាន់ម៉ា ដែលមានការចូលដៃពីកងកម្លាំងរដ្ឋាភិបាលមីយ៉ាន់ម៉ាផងដែរនោះ។
នារយៈពេលថ្មីៗនេះ អង្គការសិទ្ធិមនុស្សអន្តរជាតិធំៗ ក៏បានចេញរបាយការណ៍រិះគន់ និងថ្កោលទោសខ្លាំងទៅលើរដ្ឋាភិបាលមីយ៉ាន់ម៉ា ដែលបានបើកដៃឲ្យមានការប្រើប្រាស់ហិង្សា និងបទល្មើសទៅលើជនជាតិភាគតិចរ៉ូហ៊ីងយ៉ាកាលពីដើមខែតុលាឆ្នាំមុន។ យ៉ាងណាក៏ដោយ រដ្ឋាភិបាលមីយ៉ាន់ម៉ា ក៏បានចេញប្រតិកម្ម និងច្រានចោលរបាយការណ៍ទាំងនោះ ដោយថែមទាំងបញ្ជាក់ថា មិនមានបទល្មើសបែបនេះ កើតឡើងនៅក្នុងប្រទេសខ្លួនឡើយ ៕
Tag:
បង់ក្លាដែស
មីយ៉ាន់ម៉ា
រ៉ូហ៊ីងយ៉ា
© រក្សាសិទ្ធិដោយ thmeythmey.com
