កីឡាអន្តរជាតិ
អន្តរជាតិ
ស៊ីហ្គេម៖ ស៊ុលតង់ម៉ាឡេស៊ីនាំម្ចាស់ផ្ទះឈ្នះមេដាយមាសវិញ្ញាសាជិះសេះ ខណៈកម្ពុជាបានសំរិទ្ធ ស្តេចស៊ុលតង់ Mizan Zainal Abidin ដែលឈ្នះមេដាយមាសវិញ្ញាសាជិះសេះ
×
ស៊ុលតង់ម៉ាឡេស៊ីបានបង្កើតប្រវត្តិសាស្ត្របន្ថែមទៀតនៅក្នុងព្រឹត្តិការណ៍កីឡាស៊ីហ្គេម (Sea Games) ដោយឈ្នះមេដាយមាសពីវិញ្ញាសាប្រណាំងសេះកាលពីថ្ងៃអាទិត្យ។
Mizan Zainal Abidin ជាស្តេចស៊ុលតង់ដំបូងគេដែលឈ្នះមេដាយមាសពីព្រឹត្តិការណ៍កីឡាអាស៊ានលើកទី២៩នៅក្នុងផ្ទះខ្លួនឯង ក្នុងវិញ្ញាសាប្រណាំងសេះចម្ងាយ ៨០ គីឡូម៉ែត្រ ដោយប្រើថេរវេលាជិត៦ម៉ោង នៅទីលាន Equestrian Park ។
ស្ដេចស៊ុលតង់ Mizan មានវ័យ ៥៥ ឆ្នាំ ជាស៊ុលតង់គ្រប់គ្រងរដ្ឋ Terengganu នៃប្រទេសម៉ាឡេស៊ី បានដឹកនាំក្រុមជិះសេះតំណាងឲ្យម្ចាស់ផ្ទះម៉ាឡេស៊ី ដោយបានយកឈ្នះក្រុមមកពីប្រទេសកម្ពុជា ថៃ សិង្ហបុរី និងព្រុយណេ។
សម្រាប់ការប្រកួតវិញ្ញាសាជិះសេះ Team Endurance នេះ ក្រុមម្ចាស់ផ្ទះម៉ាឡេស៊ី ឈ្នះមេដាយមាស ក្រុមថៃបានមេដាយប្រាក់ ហើយកម្ពុជាបានមេដាយសំរឹទ្ធដែលជាមេដាយទីបីផងដែរ។ ក្នុងវិញ្ញាសានេះក្រុមកីឡាកររបស់កម្ពុជាដែលបានចូលរួមមានដូចជា កីឡាករ ហុយ សុផារិទ្ធ, លន់ សុភត្រា, ស៊ីម ណារិទ្ធ, លី សុវណ្ណចាន់តារា ម៉ឹង សុខជា និងផៃ វិសាល៕
Tag:
SEA Games 2017
ជិះសេះ
ស្ដេចស៊ុលតង់ម៉ាឡេស៊ី
© រក្សាសិទ្ធិដោយ thmeythmey.com