រថយន្ត Range Rover Velar ស៊េរី 2018 នឹងមកដល់ព្រះរាជាណាចក្រកម្ពុជាឆាប់ៗនេះ
21, Aug 2017 , 4:29 pm
រូបភាព
×
ដោយ:
រាជធានីភ្នំពេញ៖រថយន្ត Range Rover Velar លក្ខណៈគ្រួសារ(SUV)ដ៏ទំនើបស៊េរីឆ្នាំ2018 ដែលលោកអ្នកទន្ទឹងរង់ចាំនោះ នឹងបង្ហាញវត្តមានជាផ្លូវការនៅថ្ងៃទី25 សីហា 2017នេះហើយ ដោយក្រុមហ៊ុន អ អិម អេ ខេមបូឌា ដែលទទួលសិទ្ធចែកចាយផ្តាច់មុខរថយន្ត Jaguar និង Land Rover។
Range Rover Velar គឺជារថយន្តស្ថិតនៅក្នុងត្រកូលZ Range Rover ហើយវាត្រូវបានផលិតឡើងយ៉ាងប្រណិត សាកសមនឹងភាពទាន់សម័យនាពេលបច្ចុប្បន្ននេះផងដែរ។ រថយន្តថ្មីស្រឡាងនេះ ប្រវែងតួរបស់វាស្ថិតនៅចន្លោះ Range Rover Evoque និង Range Rover Sport។
បច្ចេកវិទ្យាទំនើប ដែលឈានមុខគេ ត្រូវបានបំពាក់លើរថយន្ត Range Rover Velar ដូចជាអំពូលLEDពេញចង្កៀងផ្នែកខាងមុខ ហើយស្តើងត្រូវបានផលិតលើកដំបូងពុំធ្លាប់មានក្នុងត្រកូល Range Rover។ ដៃទ្វារស្វ័យប្រវត្តិទំនើបដំបូងគេ ត្រូវបានផលិតយ៉ាងពិសេសដែលលូតចេញចូលដោយស្វ័យប្រវត្តិនៅពេលលោកអ្នកចាក់សោរ ឫបើកសោរ។
Activity Key ផ្តល់ភាពងាយស្រួលដោយអនុញ្ញាតអោយម្ចាស់រថយន្ត អាចលេងកីឡាហែលទឹក រត់ហាត់ប្រាណ ឡើងភ្នំដោយពុំចាំបាច់ភ្ជាប់សោររថយន្តតាមខ្លួនទៀតឡើយ។ កំលាំងម៉ាស៊ីនខ្លាំង Supercharged 3.0លីត្រ V6 380HP 8លេខអូតូ ដែលលោកអ្នកអាចបង្កើនល្បឿនពី 0 ទៅ 100 ត្រឹមតែរយៈពេល 5.3វិនាទី ជាមួយនឹងកង់ទំហំ 21អ៊ីង បែបស្ព័រយ៉ាងស្រស់ស្អាតទៀតផង។ លោកអ្នកអាចបើកបរបានក្នុងជំរៅទឹករហូតដល់ 650មីលីមែត្រ ហើយវា ត្រូវបានបំពាក់ដោយបច្ចេកវិទ្យាសម្លេង របស់ចក្រភពអង់គ្លេស(Meridian) កំលាំង 1600W យ៉ាងពិរោះ រួមជាមួយប្រព័ន្ធ In Control Touch Pro Duo LED 10អ៊ីង និង ការបញ្ជាឧបករណ៍ផ្សេងៗទៀតយ៉ាងរលូន កៅអីត្រជាក់ត្រូវបានបំពាក់យ៉ាងប្រណិតដែលផ្តល់នូវផាសុខភាពក្នុងពេលបើកបរ។