អន្តរជាតិ
នាយករដ្ឋមន្ត្រីសិង្ហបុរី ព្រួយបារម្ភខ្លាំងដែលប្រជាជនខ្លួនកើតជម្ងឺទឹកនោមផ្អែម
រូបភាព៖ គណនីហ្វេសប៊ុកផ្លូវការលោកនាយករដ្ឋមន្ត្រី លី សៀនឡុង
×![]()
លោកនាយករដ្ឋមន្ត្រីសិង្ហបុរី លី សៀនឡុង បានព្រួយបារម្ភខ្លាំងពីបញ្ហាសុខភាពរបស់ប្រជាជនខ្លួន ជាពិសេសនៅពេល ពួកគេចូលដល់វ័យចំណាស់ ។ ជានាយរដ្ឋមន្ត្រីនៃប្រទេសជឿនលឿនរបស់ពិភពលោក លោក លី ក៏បានសុំឲ្យប្រជាជនខ្លួន រៀបចំរបៀបរស់នៅឲ្យបានល្អប្រសើរ ជាពិសេស ដើម្បីជៀសវាងជម្ងឺទឹកនោមផ្អែម ដែលជាជម្ងឺដែលលោកមានក្តីបារម្ភបំផុត។
នាឱកាសនៃពិធីបុណ្យជាតិសិង្ហបុរី ដែលប្រព្រឹត្តទៅនៅថ្ងៃទី២០ សីហា លោកនាយករដ្ឋមន្ត្រី លី បានលើកឡើងពីបញ្ហាប្រឈមរបស់ប្រទេសនិងប្រជាជន និងដំណោះស្រាយដែលរដ្ឋាភិបាលរបស់លោក ត្រូវធ្វើដើម្បីផលប្រយោជន៍ជាតិរយៈពេលវែង។ ជម្ងឺទឹកនោមផ្អែម ក៏ស្ថិតនៅក្នុងក្តីបាម្តធំរបស់លោក លីផងដែរ។
លោកនាយករដ្ឋមន្ត្រី បានពន្យល់ពីមូលហេតុដែលលោក ត្រូវផ្តោតសំខាន់លើជម្ងឺទឹកនោមផ្អែមយ៉ាងដូច្នេះថា៖«ដោយសារប្រជាជនជាច្រើន មិនបានចាត់ទុកជម្ងឺផ្អែមជារឿងធ្ងន់ធ្ងរ ទើបវា ក្លាយជារឿងដ៏ធ្ងន់ធ្ងរបែបនេះ»។
តាមការអះអាងរបស់លោក លី ប្រជាជនសិង្ហបុរី ក៏ស្ថិតនៅក្នុងចំណោមប្រជាជនពិភពលោក ដែលរស់នៅបានយូរជាងគេផងដែរ ពោលគឺ ប្រជាជនសិង្ហបុរី អាចរស់នៅបានជាអាយុមធ្យម៨២ឆ្នាំឯនោះ។ យ៉ាងណាក៏ដោយ ការណ៍ដែលធ្វើឲ្យលោក មិនទាន់អាចទទួលយកបានពីស្ថានភាពបច្ចុប្បន្នទាំងស្រុងនោះគឺ មុនពេលប្រជាជនវ័យចំណាស់ទទួលមរណភាព ពួកគេ មានជម្ងឺដែលត្រូវអូសបន្លាយយ៉ាងតិច៨ឆ្នាំដែរ។ ហើយជម្ងឺទឹកនោមផ្អែម ក៏ស្ថិតនៅក្នុងហេតុផលមួយដ៏ធំផងដែរ។
ខណៈបើកចំហរទទួលយករាល់ដំណោះស្រាយនានាដើម្បីស្រាវជ្រាវ និងអនុវត្តលើជម្ងឺទឹកផ្អែម កូនប្រុសស្ថាបនិកសិង្ហបុរិរូបនេះ ក៏បានលើកពីវិធីសាស្ត្រមួយចំនួនដែលប្រទេសអឺរ៉ុប និងប្រទេសជឿនលឿន បានយកមកអនុវត្តដូចជា បន្ថែមពន្ធលើស្ករជាដើម។ តែលោក អះអាងថា វិធីសាស្ត្រនេះ ក៏មិនទាន់មានប្រសិទ្ធភាព។
លោក បានអះអាងថា នៅពេលនេះ សិង្ហបុរី បានសម្រេចបានដំណោះស្រាយមួយជំហានហើយ។ នោះគឺ រដ្ឋាភិបាលអាចមាន អ្នកផលិតភេសជ្ជៈ ដែលបានកាត់បន្ថយជាតិស្ករនៅក្នុងទំនិញរបស់គេដែលដាក់លក់នៅក្នុងប្រទេសសិង្ហបុរីរួចទៅហើយ។
ជុំវិញបញ្ហាជម្ងឺទឹកនោមផ្អែមនេះដែរ លោកនាយករដ្ឋមន្ត្រី ក៏បានសុំឲ្យប្រជាជនសិង្ហបុរីមានការទទួលខុសត្រូវទៅលើការផ្លាស់ប្តូរការរស់នៅរបស់ពួកគេ ជាពិសេសលើផ្នែកចំណីអាហារ ដើម្បីទប់ស្កាត់ជម្ងឺមួយនេះ ។ លោក ប្រាប់ប្រជាជនឲ្យពិនិត្យសុខភាពឲ្យបានទៀងទាត់ ធ្វើលំហាត់ប្រាណ និងគិតគូឲ្យបានល្អពីការបរិភោគ ក៏ដូចជាកាត់បន្ថយជាតិស្ករផងដែរ៕
នាឱកាសនៃពិធីបុណ្យជាតិសិង្ហបុរី ដែលប្រព្រឹត្តទៅនៅថ្ងៃទី២០ សីហា លោកនាយករដ្ឋមន្ត្រី លី បានលើកឡើងពីបញ្ហាប្រឈមរបស់ប្រទេសនិងប្រជាជន និងដំណោះស្រាយដែលរដ្ឋាភិបាលរបស់លោក ត្រូវធ្វើដើម្បីផលប្រយោជន៍ជាតិរយៈពេលវែង។ ជម្ងឺទឹកនោមផ្អែម ក៏ស្ថិតនៅក្នុងក្តីបាម្តធំរបស់លោក លីផងដែរ។
លោកនាយករដ្ឋមន្ត្រី បានពន្យល់ពីមូលហេតុដែលលោក ត្រូវផ្តោតសំខាន់លើជម្ងឺទឹកនោមផ្អែមយ៉ាងដូច្នេះថា៖«ដោយសារប្រជាជនជាច្រើន មិនបានចាត់ទុកជម្ងឺផ្អែមជារឿងធ្ងន់ធ្ងរ ទើបវា ក្លាយជារឿងដ៏ធ្ងន់ធ្ងរបែបនេះ»។
តាមការអះអាងរបស់លោក លី ប្រជាជនសិង្ហបុរី ក៏ស្ថិតនៅក្នុងចំណោមប្រជាជនពិភពលោក ដែលរស់នៅបានយូរជាងគេផងដែរ ពោលគឺ ប្រជាជនសិង្ហបុរី អាចរស់នៅបានជាអាយុមធ្យម៨២ឆ្នាំឯនោះ។ យ៉ាងណាក៏ដោយ ការណ៍ដែលធ្វើឲ្យលោក មិនទាន់អាចទទួលយកបានពីស្ថានភាពបច្ចុប្បន្នទាំងស្រុងនោះគឺ មុនពេលប្រជាជនវ័យចំណាស់ទទួលមរណភាព ពួកគេ មានជម្ងឺដែលត្រូវអូសបន្លាយយ៉ាងតិច៨ឆ្នាំដែរ។ ហើយជម្ងឺទឹកនោមផ្អែម ក៏ស្ថិតនៅក្នុងហេតុផលមួយដ៏ធំផងដែរ។
ខណៈបើកចំហរទទួលយករាល់ដំណោះស្រាយនានាដើម្បីស្រាវជ្រាវ និងអនុវត្តលើជម្ងឺទឹកផ្អែម កូនប្រុសស្ថាបនិកសិង្ហបុរិរូបនេះ ក៏បានលើកពីវិធីសាស្ត្រមួយចំនួនដែលប្រទេសអឺរ៉ុប និងប្រទេសជឿនលឿន បានយកមកអនុវត្តដូចជា បន្ថែមពន្ធលើស្ករជាដើម។ តែលោក អះអាងថា វិធីសាស្ត្រនេះ ក៏មិនទាន់មានប្រសិទ្ធភាព។
លោក បានអះអាងថា នៅពេលនេះ សិង្ហបុរី បានសម្រេចបានដំណោះស្រាយមួយជំហានហើយ។ នោះគឺ រដ្ឋាភិបាលអាចមាន អ្នកផលិតភេសជ្ជៈ ដែលបានកាត់បន្ថយជាតិស្ករនៅក្នុងទំនិញរបស់គេដែលដាក់លក់នៅក្នុងប្រទេសសិង្ហបុរីរួចទៅហើយ។
ជុំវិញបញ្ហាជម្ងឺទឹកនោមផ្អែមនេះដែរ លោកនាយករដ្ឋមន្ត្រី ក៏បានសុំឲ្យប្រជាជនសិង្ហបុរីមានការទទួលខុសត្រូវទៅលើការផ្លាស់ប្តូរការរស់នៅរបស់ពួកគេ ជាពិសេសលើផ្នែកចំណីអាហារ ដើម្បីទប់ស្កាត់ជម្ងឺមួយនេះ ។ លោក ប្រាប់ប្រជាជនឲ្យពិនិត្យសុខភាពឲ្យបានទៀងទាត់ ធ្វើលំហាត់ប្រាណ និងគិតគូឲ្យបានល្អពីការបរិភោគ ក៏ដូចជាកាត់បន្ថយជាតិស្ករផងដែរ៕
Tag:
សិង្ហបុរី
អាស៊ាន
© រក្សាសិទ្ធិដោយ thmeythmey.com
