ជាតិ
×![]()
ដោយ: ថ្មីៗ
ភ្នំពេញ៖ ការប្រឡងសញ្ញាបត្រមធ្យមសិក្សាទុតិយភូមិ សម្រាប់ថ្ងៃទី១ បានដំណើរទៅដោយរលូន។ ក្រសួងអប់រំ បានវាយតម្លៃយ៉ាងដូច្នេះ បន្ទាប់ពីការប្រឡង បានបញ្ចប់នៅរសៀលថ្ងៃទី២១ ខែសីហា ឆ្នាំ២0១៧នេះ។
បើតាមទំព័រហ្វេសប៊ុករបស់ក្រសួងអប់រំ ថ្ងៃទី១នេះ មិនមានបាតុភូតអ្វី កើតឡើង ដែលបណ្តាលឲ្យប៉ះពាល់ដល់ការប្រឡង នោះទេ។ ក្រសួងអប់រំ បានសរសេរលើទំព័រហ្វេសប៊ុកថា៖«មណ្ឌលប្រឡងនីមួយៗ បានដំណើរការដោយភាពស្ងប់ស្ងាត់ និងមានរបៀបរៀបរយ ដោយមានការយកចិត្តទុកដាក់ និងទំនួលខុសត្រូវខ្ពស់ពីគណៈកម្មការ មេប្រយោគគ្រប់លំដាប់ថ្នាក់ មន្ត្រី អ្នកសង្កេតការណ៍អង្គភាពប្រឆាំងអំពើពុករលួយ សហភាពសហព័ន្ធយុវជនកម្ពុជា និងអាជ្ញាធរមានសមត្ថកិច្ចពាក់ព័ន្ធ។ បេក្ខជន បានគោរពបទប្បញ្ញត្តិនៃការប្រឡងបានយ៉ាងល្អ និងប្រឹងប្រែងធ្វើកិច្ចការតាមសមត្ថភាពរៀងៗខ្លួន»។
យ៉ាងក៏ដោយ ភាពមិនប្រក្រតីខ្លះ បានកើតឡើងក្នុងអំឡុងនៃការប្រឡង។ ក្រសួងអប់រំ បានឲ្យដឹងតាមរយៈទំព័រហ្វេសប៊ុកថា បេក្ខជនមួយចំនួនតូច បានប្រព្រឹត្តកំហុសឆ្គង ដូចជាការប្រើទូរសព្ទដៃ និងការលួចចម្លង ជាដើម។
ក្រៅពីនេះ បេក្ខជនខ្លះទៀត មានបញ្ហាសុខភាព ក្នុងពេលប្រឡង។ បើតាមការបញ្ជាក់ក្រសួងអប់រំនៅលើទំព័រហ្វេសប៊ុក បេក្ខជន ដែលមានបញ្ហាសុខភាព មានចំនួន ២៣ករណី ដោយក្នុងនោះ ២១ករណី អាចបន្តការប្រឡង បន្ទាប់ពីទទួលបានការសង្គ្រោះ ប៉ុន្តែ ២ករណីទៀត មិនអាចបន្តការប្រឡង នោះទេ។
ក្រសួងអប់រំ អះអាងលើទំព័រហ្វេសប៊ុកទៀតថា មណ្ឌលមួយចំនួន ក្នុងខេត្តកោះកុង ខេត្តព្រះសីហនុ រួមទាំងមណ្ឌលមួយចំនួនទៀត ក្នុងខេត្តបាត់ដំបង ខេត្តកណ្ដាល និងខេត្តក្រចេះ មានភ្លៀងធ្លាក់ ប៉ុន្តែមិនប៉ះពាល់ដល់ដំណើរការនៃការប្រឡងឡើយ។
សូមបញ្ជាក់ថា ការប្រឡងថ្ងៃនេះ មានបេក្ខជនជាង ១សែននាក់។ ហើយបេក្ខជន ដែលអវត្តមាន មានជាង ១ពាន់នាក់៕
បើតាមទំព័រហ្វេសប៊ុករបស់ក្រសួងអប់រំ ថ្ងៃទី១នេះ មិនមានបាតុភូតអ្វី កើតឡើង ដែលបណ្តាលឲ្យប៉ះពាល់ដល់ការប្រឡង នោះទេ។ ក្រសួងអប់រំ បានសរសេរលើទំព័រហ្វេសប៊ុកថា៖«មណ្ឌលប្រឡងនីមួយៗ បានដំណើរការដោយភាពស្ងប់ស្ងាត់ និងមានរបៀបរៀបរយ ដោយមានការយកចិត្តទុកដាក់ និងទំនួលខុសត្រូវខ្ពស់ពីគណៈកម្មការ មេប្រយោគគ្រប់លំដាប់ថ្នាក់ មន្ត្រី អ្នកសង្កេតការណ៍អង្គភាពប្រឆាំងអំពើពុករលួយ សហភាពសហព័ន្ធយុវជនកម្ពុជា និងអាជ្ញាធរមានសមត្ថកិច្ចពាក់ព័ន្ធ។ បេក្ខជន បានគោរពបទប្បញ្ញត្តិនៃការប្រឡងបានយ៉ាងល្អ និងប្រឹងប្រែងធ្វើកិច្ចការតាមសមត្ថភាពរៀងៗខ្លួន»។
យ៉ាងក៏ដោយ ភាពមិនប្រក្រតីខ្លះ បានកើតឡើងក្នុងអំឡុងនៃការប្រឡង។ ក្រសួងអប់រំ បានឲ្យដឹងតាមរយៈទំព័រហ្វេសប៊ុកថា បេក្ខជនមួយចំនួនតូច បានប្រព្រឹត្តកំហុសឆ្គង ដូចជាការប្រើទូរសព្ទដៃ និងការលួចចម្លង ជាដើម។
ក្រៅពីនេះ បេក្ខជនខ្លះទៀត មានបញ្ហាសុខភាព ក្នុងពេលប្រឡង។ បើតាមការបញ្ជាក់ក្រសួងអប់រំនៅលើទំព័រហ្វេសប៊ុក បេក្ខជន ដែលមានបញ្ហាសុខភាព មានចំនួន ២៣ករណី ដោយក្នុងនោះ ២១ករណី អាចបន្តការប្រឡង បន្ទាប់ពីទទួលបានការសង្គ្រោះ ប៉ុន្តែ ២ករណីទៀត មិនអាចបន្តការប្រឡង នោះទេ។
ក្រសួងអប់រំ អះអាងលើទំព័រហ្វេសប៊ុកទៀតថា មណ្ឌលមួយចំនួន ក្នុងខេត្តកោះកុង ខេត្តព្រះសីហនុ រួមទាំងមណ្ឌលមួយចំនួនទៀត ក្នុងខេត្តបាត់ដំបង ខេត្តកណ្ដាល និងខេត្តក្រចេះ មានភ្លៀងធ្លាក់ ប៉ុន្តែមិនប៉ះពាល់ដល់ដំណើរការនៃការប្រឡងឡើយ។
សូមបញ្ជាក់ថា ការប្រឡងថ្ងៃនេះ មានបេក្ខជនជាង ១សែននាក់។ ហើយបេក្ខជន ដែលអវត្តមាន មានជាង ១ពាន់នាក់៕
Tag:
ប្រឡងបាក់ឌុប
© រក្សាសិទ្ធិដោយ thmeythmey.com
