កីឡាជាតិ
ជាតិ
ប៉េតង់៖ សុខ ចាន់មាន ប៉ះម៉ាឡេស៊ី អ៊ុន ស្រីយ៉ា ប៉ះវៀតណាម នៅវគ្គ១/២ផ្តាច់ព្រ័ត្រ
កីឡាករ សុខ ចាន់មាន និងកីឡាការិនី អ៊ុន ស្រីយ៉ា នាការប្រកួតជម្រុះ។ រូបថត NOCC និង BTV
×![]()
កីឡាករ សុខ ចាន់មាន និងកីឡាការិនី អ៊ុន ស្រីយ៉ា នឹងប្រកួតវគ្គពាក់កណ្តាលផ្តាច់ព្រ័ត្ររៀងៗខ្លួនក្នុងព្រឹត្តិការណ៍កីឡាស៊ីហ្គេមលើកទី២៩ លើវិញ្ញាសាប៉េតង់ឯកត្តជន ដោយ សុខមាន ត្រូវតទល់ជាមួយកីឡាករម្ចាស់ផ្ទះម៉ាឡេស៊ី រីឯ ស្រីយ៉ា ប៉ះកីឡាការិនីវៀតណាម។ ការប្រកួតប្រព្រឹត្តទៅវេលាម៉ោង៩ព្រឹក [ម៉ោងនៅកម្ពុជា] នៅសង្វៀន Petanque Arena ក្រុងគួឡាឡាំពួរ។ 
នាការប្រកួតវគ្គជម្រុះ កាលពីថ្ងៃចន្ទ ទី២១ ខែសីហា សុខ ចាន់មាន បានទទួលចំណាត់ថ្នាក់លេខ១នៅក្នុងពូលរបស់ខ្លួន ក្រោយយកឈ្នះកីឡាករសិង្ហបុរី Cheng Zhi Ming ១៣-៤ ឈ្នះ កីឡាករថៃ Kiatkong Tanong ១៣-៤ និងឈ្នះកីឡាករហ្វីលីពីន Aristides Samia ១៣-០ ។
នៅវគ្គពាក់កណ្តាលផ្តាច់ព្រ័ត្រ សុខ ចាន់មាន ត្រូវតទល់ជាមួយម្ចាស់ផ្ទះម៉ាឡេស៊ី Muhamad Hafizuddin Bin Mat Daud។ កីឡាករម្ចាស់ផ្ទះបានយកឈ្នះមីយ៉ាន់ម៉ា និងហ្វីលីពីន តែចាញ់វៀតណាម។
សម្រាប់ការប្រកួតជម្រុះវិញ្ញាសាឯកត្តជននារីវិញ អ៊ុន ស្រីយ៉ា បានយកឈ្នះកីឡាការិនីឡាវ Xayaseng Khamlek ១៣-៩ ឈ្នះកីឡាការិនីមីយ៉ាន់ម៉ា Kyaw Yin ១៣-៩ និងកីឡាការិនីម៉ាឡេស៊ី Suhartatisera Binti Zamri ១៣-៩ ដូចគ្នា។
នៅវគ្គពាក់កណ្តាលផ្តាច់ព្រ័ត្រ អ៊ុន ស្រីយ៉ា ត្រូវតទល់ជាមួយកីឡាការិនីវៀតណាម Nguyen Thi Thi។ នៅវគ្គជម្រុះកីឡាការិនីវៀតណាម បានយកឈ្នះកីឡាការិនីឡាវ ម៉ាឡេស៊ី តែចាញ់កីឡាការិនីថៃ៕
Tag:
SEA Games 2017
ប៉េតង់
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
