ជាតិ
សេដ្ឋកិច្ច
ទេសចរបរទេសម្នាក់ ជាមធ្យមចាយប្រាក់ ៧០០ដុល្លារ ក្នុងរយៈពេល ៦ថ្ងៃកន្លះនៅកម្ពុជា
× ភ្ញៀវទេសចរមកកម្ពុជាក្នុងម្នាក់ គិតជាមធ្យមស្នាក់នៅរយៈពេល ៦ថ្ងៃកន្លះ និងចាយវាយប្រាក់ប្រមាណ ៧០០ដុល្លារ ក្នុងកំឡុងពេលស្នាក់នៅនោះ។ នេះបើតាមការឲ្យដឹងរបស់ លោក ទិត ចន្ថា រដ្ឋលេខាធិការក្រសួងទេសចរណ៍ នៅក្នុងសិក្ខាសាលាពិគ្រោះយោបល់រវាងអ្នកផលិត និងអ្នកផ្គត់ផ្គង់ផលិតផលខ្មែរ កាលពីថ្ងៃទី១៧សីហា។
លោក ទិត ចន្ថា បានឲ្យដឹងបន្ថែមថា ឧស្សាហកម្មទេសចរណ៍បានជួយជ្រោមជ្រែងយ៉ាងសំខាន់ដល់ការផលិត និងផ្គត់ផ្គង់ផលិតផល ដូចជា អង្ករ បន្លែ ត្រី សាច់ វត្ថុអនុស្សាវរីយ ជាដើម រួមទាំងសេវាកម្មផ្សេងៗ។
នៅឆ្នាំ ២០១៦ កម្ពុជាទទួលបានភ្ញៀវទេសចរណ៍អន្តរជាតិចំនួន ៥០១១៧១២ នាក់ ដែលបង្កើតចំណូលចូលចរន្តសេដ្ឋកិច្ចជាតិប្រមាណ ៣៥០០លានដុល្លារ៕
Tag:
ទេសចរណ៍
ទិត ចន្ថា
© រក្សាសិទ្ធិដោយ thmeythmey.com