កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
ខ្សែប្រយុទ្ធ Wayne Rooney បានប្រកាសចូលនិវត្តន៍ពីក្រុមកីឡាបាល់ទាត់ជម្រើសជាតិអង់គ្លេសហើយបន្ទាប់ពីបដិសេធមិនចូលរួមក្នុងក្រុមអន្តរជាតិសម្រាប់ការប្រកួតជម្រុះ World Cup នៅខែក្រោយ។
ខ្សែប្រយុទ្ធរបស់ Everton និងជាអតីតប្រធានក្រុម Manchester United នេះ ត្រូវបានស្នើសុំដោយលោកគ្រូបង្វឹក Gareth Southgate ឲ្យចូលក្រុមជម្រើសជាតិអង់គ្លេសវិញមុនពេលប៉ះជាមួយក្រុយមជម្រើសជាតិ ម៉ាលត៍ និងស្លូវ៉ាគី។
ប៉ុន្តែក្រោយលោក Southgate ចង់បានរូបគេមកជួយក្រុមជម្រើសជាតិវិញនោះ ខ្សែបម្រើវ័យ ៣១ឆ្នាំនេះក៏បានបដិសេធហើយលើកឡើងថា៖«រាល់ពេលដែលខ្ញុំត្រូវបានជ្រើសរើសឲ្យចូលលេងក្រុមជម្រើសជាតិខ្ញុំពិតជាមានអារម្មណ៍ជាកិតិយសណាស់ ប៉ុន្តែខ្ញុំជឿជាក់ថាពេលនេះគឺជាពេលវេលាដ៏ល្អដើម្បីចូលនិវត្តន៍»។
មុនការប្រកាសនេះ Rooney ក៏ធ្លាប់បង្ហើបដែរថា រូបគេនឹងផ្តោតតែលើក្រុម Everton ប៉ុណ្ណោះ ហើយមិនខ្វល់ពីតំណែងនៅក្រុមជម្រើសជាតិឡើយ។
លោក Gareth Southgate អ្នកចាត់ការទូទៅរបស់ក្រុមបាល់ទាត់ជម្រើសជាតិអង់គ្លេសបានមើលរំលងរូបគេកាលពីប្រកួតជាមួយស្កុតឡែន និងអេស្ប៉ាញកាលពីខែមិថុនាកន្លងទៅ។
ក្រោយរកបានពីរគ្រាប់នៅដើមរដូវកាលដំបូងនៃការត្រឡប់ទៅក្លិបចាស់ និងជាគ្រាប់ទី២០០នៅ Premier League នោះ Rooney បាននិយាយថា៖«ខ្ញុំប្រាកដណាស់ថាខ្ញុំនឹងនិយាយទៅកាន់ Gareth Southgate ក្នុងរយៈពេលពីរបីថ្ងៃទៀត។ យើងនឹងឃើញអ្វីដែលនឹងកើតឡើង»។ នៅពេលនេះអ្វីដែលយើងឃើញពីការសម្រេចរបស់ Rooney គឺការចូលនិវត្តន៍ពីក្រុមជម្រើសជាតិ។
អតីតប្រធានក្រុមជម្រើសជាតិអង់គ្លេសនេះ គឺជាអ្នកស៊ុតបញ្ចូលទីច្រើនជាងគេឲ្យក្រុមជម្រើសជាតិ ចំនួន៥៣គ្រាប់ ក្នុងការបង្ហាញខ្លួន ១១៩ប្រកួត។
មុនផ្លាស់មកកាន់ទឹកដី Goodison park នៅមុនបើករដូវកាលថ្មីកន្លងទៅ Rooney ក៏ជាអ្នករកគ្រាប់ច្រើនជាងគេឲ្យ Manchester United ផងដែរ ដោយស៊ុតចូល ២៥៣គ្រាប់ ក្នុងរយៈពេល ១៣ឆ្នាំ៕
ខ្សែប្រយុទ្ធរបស់ Everton និងជាអតីតប្រធានក្រុម Manchester United នេះ ត្រូវបានស្នើសុំដោយលោកគ្រូបង្វឹក Gareth Southgate ឲ្យចូលក្រុមជម្រើសជាតិអង់គ្លេសវិញមុនពេលប៉ះជាមួយក្រុយមជម្រើសជាតិ ម៉ាលត៍ និងស្លូវ៉ាគី។
ប៉ុន្តែក្រោយលោក Southgate ចង់បានរូបគេមកជួយក្រុមជម្រើសជាតិវិញនោះ ខ្សែបម្រើវ័យ ៣១ឆ្នាំនេះក៏បានបដិសេធហើយលើកឡើងថា៖«រាល់ពេលដែលខ្ញុំត្រូវបានជ្រើសរើសឲ្យចូលលេងក្រុមជម្រើសជាតិខ្ញុំពិតជាមានអារម្មណ៍ជាកិតិយសណាស់ ប៉ុន្តែខ្ញុំជឿជាក់ថាពេលនេះគឺជាពេលវេលាដ៏ល្អដើម្បីចូលនិវត្តន៍»។
មុនការប្រកាសនេះ Rooney ក៏ធ្លាប់បង្ហើបដែរថា រូបគេនឹងផ្តោតតែលើក្រុម Everton ប៉ុណ្ណោះ ហើយមិនខ្វល់ពីតំណែងនៅក្រុមជម្រើសជាតិឡើយ។
លោក Gareth Southgate អ្នកចាត់ការទូទៅរបស់ក្រុមបាល់ទាត់ជម្រើសជាតិអង់គ្លេសបានមើលរំលងរូបគេកាលពីប្រកួតជាមួយស្កុតឡែន និងអេស្ប៉ាញកាលពីខែមិថុនាកន្លងទៅ។
ក្រោយរកបានពីរគ្រាប់នៅដើមរដូវកាលដំបូងនៃការត្រឡប់ទៅក្លិបចាស់ និងជាគ្រាប់ទី២០០នៅ Premier League នោះ Rooney បាននិយាយថា៖«ខ្ញុំប្រាកដណាស់ថាខ្ញុំនឹងនិយាយទៅកាន់ Gareth Southgate ក្នុងរយៈពេលពីរបីថ្ងៃទៀត។ យើងនឹងឃើញអ្វីដែលនឹងកើតឡើង»។ នៅពេលនេះអ្វីដែលយើងឃើញពីការសម្រេចរបស់ Rooney គឺការចូលនិវត្តន៍ពីក្រុមជម្រើសជាតិ។
អតីតប្រធានក្រុមជម្រើសជាតិអង់គ្លេសនេះ គឺជាអ្នកស៊ុតបញ្ចូលទីច្រើនជាងគេឲ្យក្រុមជម្រើសជាតិ ចំនួន៥៣គ្រាប់ ក្នុងការបង្ហាញខ្លួន ១១៩ប្រកួត។
មុនផ្លាស់មកកាន់ទឹកដី Goodison park នៅមុនបើករដូវកាលថ្មីកន្លងទៅ Rooney ក៏ជាអ្នករកគ្រាប់ច្រើនជាងគេឲ្យ Manchester United ផងដែរ ដោយស៊ុតចូល ២៥៣គ្រាប់ ក្នុងរយៈពេល ១៣ឆ្នាំ៕
Tag:
បាល់ទាត់
Wayne Rooney
ចូលនិវត្តន៍
© រក្សាសិទ្ធិដោយ thmeythmey.com
