វិធីសាស្ត្រសិក្សាបែបថ្មីដែលបង្កើនសហគ្រិនភាពក្នុងវិស័យព័ត៌មានវិទ្យា

អត្ថបទពាណិជ្ជកម្ម

វិធីសាស្ត្រសិក្សាបែបថ្មីដែលបង្កើនសហគ្រិនភាពក្នុងវិស័យព័ត៌មានវិទ្យា

30, Aug 2017 , 11:55 am

រូបភាព

ដោយ:

ស្របពេលដែលពិភពលោកកំពុងមានការវិវត្ដន៍ឥតឈប់ឈរ ទម្លាប់សិក្សាក្នុងថ្នាក់រៀនបែបប្រពៃណីនៅតាមសាកលវិទ្យាល័យដែលសង្កត់ធ្ងន់ទៅលើការស្ដាប់គ្រូបង្រៀនតែមួយមុខហាក់បីដូចជាហួសសម័យបន្តិចហើយ។ ដើម្បីឲ្យនិស្សិតដែលបញ្ចប់ការសិក្សាហើយមានបំនិនផ្សេងៗដែលអាចឆ្លើយតបទៅនឹងតម្រូវការទីផ្សារក្នុងពិភពលោកក្នុងពេលបច្ចុប្បន្ននេះ គឺទាមទារឲ្យស្ថាប័នអប់រំឧត្តមសិក្សាបង្កើតនូវមជ្ឈដ្ឋានសិក្សាមួយដែលជំរុញវប្បធម៌ស្វ័យសិក្សា សមត្ថភាពស្រាវជ្រាវ និងសហគ្រិនភាព។ ជាក់ស្ដែង សាកលវិទ្យាល័យហ្សាម៉ាន់បានបង្កើត MIS Innovations Lab ដែលជាកន្លែងសិក្សាស្រាវជ្រាវ និងបង្កើតនូវកម្មវិធីច្នៃប្រឌិតថ្មីៗ ចាប់តាំងពី ខែសីហា ឆ្នាំ២០១៦មក។

MIS Innovations Lab មិនមែនជាកន្លែងសិក្សាបែបសាមញ្ញដូចក្នុងថ្នាក់រៀនធម្មតានោះទេ តែជាបន្ទប់សិក្សាពិសេស ដែលនិស្សិតពីជំនាញពាណិជ្ជកម្ម ហិរញ្ញវត្ថុ វិទ្យាសាស្ត្រកុំព្យូទ័រ និងគ្រប់គ្រងប្រព័ន្ធព័ត៌មានវិទ្យានៅសាកលវិទ្យាល័យហ្សាម៉ាន់ អាចសុំចូលជាសមាជិក ហើយចូលរួមផ្លាស់ប្តូរគំនិតជាមួយគ្នាដើម្បីផ្ដួចផ្តើមអាជីវកម្មដោយប្រើប្រាស់បច្ចេកវិទ្យាទំនើបផ្សេងៗ។ និស្សិតដែលមានសក្ដានុពលអាចចូលជាសមាជិករបស់ MIS Innovations Lab នេះ ហើយពួកគេត្រូវចំណាយពេល ១២ ខែនៅក្នុងកម្មវិធីនេះ ដើម្បីធ្វើការដោយផ្ទាល់ជាមួយសមាជិកក្រុមរបស់ខ្លួន ដើម្បីសិក្សាទម្រង់អាជីវកម្មរផ្សេងៗ ការវិវត្តន៍នៃបច្ចេកវិទ្យាព័ត៌មានវិទ្យា ក៏ដូចជាការភ្ជាប់ទំនាក់ទំនងអាជីពជាមួយភាគីក្រុមហ៊ុនសំខាន់ៗក្នុងវិស័យពាណិជ្ជកម្ម និងបច្ចេកវិទ្យានេះ។

គួរបញ្ជាក់ផងដែរថា មកដល់ពេលនេះនិស្សិតសាកលវិទ្យាល័យហ្សាម៉ាន់ដែលជាសមាជិកនៃ MIS Innovations Lab នេះ បានចូលរួមប្រកួតក្នុងកម្មវិធីផ្សេងៗ ព្រមទាំងទទួលបានពានរង្វាន់ជាច្រើនទាំងថ្នាក់ជាតិ និងនៅលើឆាកអន្តរជាតិ។ ជាក់ស្តែង ក្រុមនិស្សិតមួយបានបង្កើតគម្រោង Vehicle Maintenance ជាលើកដំបូងហើយទទួលបានជ័យជំនះក្នុងការប្រកួត Business Model Competition និងបានតំណាងឲ្យប្រទេសកម្ពុជាក្នុងការប្រកួតប្រជែងវគ្គបន្ទាប់ជាមួយនឹងប្រទេសក្នុងតំបន់មេគង្គ នាឆ្នាំ ២០១៧។ ចំណែកក្រុមនិស្សិតរបស់ MLab ក៏បានឈ្នះពានរង្វាន់ចំនួនបី ពី World Bank’s innovation awards ជាមួយនឹងការបង្កើតកម្មវិធីថ្មីទាក់ទងនឹងការអប់រំផ្នែកហិរញ្ញវត្ថុផងដែរ។ ដោយឡែកក្រុមនិស្សិតគម្រោងកម្មវិធី Spare និង GoSoccer បានឈ្នះការប្រកួតប្រជែងវគ្គផ្តាច់ព្រ័ត្រនៃកម្មវិធី SmartStart ដែលពួកគេទទួលបានទឹកប្រាក់ចំនួន ៤០០០ ដុល្លារ ដើម្បីចាប់ផ្តើមប្រតិបត្តការគម្រោងរបស់ពួកគេ។

ទាំងអស់នេះជាសមិទ្ធផលដែលកើតចេញពីទស្សនវិស្ស័យ និងបេសកកម្មរបស់សាកលវិទ្យាល័យហ្សាម៉ាន់ក្នុងការបង្កើតនូវវិធីសាស្ត្រនិងមជ្ឈដ្ឋានអប់រំថ្មីនិងល្អៗសម្រាប់និស្សិតដែលអាចឲ្យពួកគេចាប់យកវិធីសាស្ត្រសិក្សាស្រាវជ្រាវបែបថ្មី និង បង្កើននូវសហគ្រិនភាពរបស់ខ្លួន។ ចំពោះសិស្សនិស្សិតដែលមានចំណាប់អារម្មណ៍ អាចចូលទៅកាន់ទំព័រហ្វេសប៊ុក (Zaman University) របស់សាកលវិទ្យាល័យហ្សាម៉ាន់ ដើម្បីស្វែងយល់បន្ថែមអំពីវិធីស្រាស្ត្រសិក្សាបែបថ្មីជាមួយគម្រោងស្រាវជ្រាវបច្ចេកវិទ្យាទំនើបៗ៕