កីឡាអន្តរជាតិ
អន្តរជាតិ
បែលហ្ស៊ិក ម៉ិកស៊ិក ជប៉ុន ចូលរួមជាមួយអ៊ីរ៉ង់ និងប្រេស៊ីលទៅ World Cup នៅរុស្ស៊ី
×![]()
ដោយ: ទេព ពិទូរ្យ
ក្រុមបាល់ទាត់ជម្រើសជាតិបែលហ្ស៊ិក ម៉ិកស៊ិក អ៊ីរ៉ង់ និងជប៉ុនបានចាប់ដៃគ្នា កក់កៅអីទៅ World Cup នៅរុស្ស៊ីឆ្នាំក្រោយ ជាមួយប្រេស៊ីលហើយ បន្ទាប់ពីរកពិន្ទុបានច្រើនដាច់គេពីការប្រកួតជម្រុះក្នុងពូលតាមទ្វីបរៀងៗខ្លួន។
បែលហ្ស៊ិក ជាក្រុមដំបូងគេនៅអឺរ៉ុបដែលអាចឈានទៅ World Cup ឆ្នាំ២០១៨ នៅរុស្ស៊ីមុនគេ បន្ទាប់ពីយកឈ្នះក្រិក ២-១ ក្នុងវគ្គជម្រុះពូល H នៅថ្ងៃទី ៣ ខែកញ្ញានេះ។ ៨ប្រកួតចុងក្រោយក្រុមរហស្សនាមបិសាចក្រហមអាចរកបាន ២២ពិន្ទុនាំមុខក្រុមលេខ៣ ក្រិក ៩ពិន្ទុ ខណៈនៅសល់តែ២ប្រកួតប៉ុណ្ណោះ។
ចំណែកក្រុមមកពីទ្វីបអាស៊ីពីរ គឺអ៊ីរ៉ង់ និងជប៉ុន ក៏បានឈានទៅវគ្គផ្តាច់ព្រ័ត្រព្រឹត្តិការណ៍បាល់ទាត់ពិភពលោកនេះដែរ ក្រោយរកបានពិន្ទុដាច់គេពីការប្រកួតក្នុងវគ្គជម្រុះតាមពូលកន្លងមក។ អ៊ីរ៉ង់ជាក្រុមរបស់ទ្វីបអាស៊ីដែលអាចបានកៅអីទៅរុស្ស៊ីមុនគេក្រោយរកបាន ២១ពិន្ទុ ពីការប្រកួត៩លើក ដោយនាំមុខក្រុមលេខ ៣ស៊ីរីដល់ទៅ៩ពិន្ទុ នៃវគ្គជម្រុះតំបន់អាស៊ីក្នុងពូល A។
ជប៉ុនដែស្ថិតនៅពូល B អាចរកបាន ២០ពិន្ទុពីការប្រកួត៩លើក នាំមុខក្រុមចំណាត់ថ្នាក់លេខពីរ និងលេខបី ៤ពិន្ទុ ខណៈនៅសល់១ប្រកួតទៀតប៉ុណ្ណោះ។ សាម៉ូរ៉ៃជប៉ុន ក៏ជាក្រុមរបស់អាស៊ីដែលមានវត្តមាននៅ World Cup ៦ដងជាប់គ្នាផងដែរ។
ក្នុងពូល B នេះដែរមានក្រុមពីរកំពុងតែប្រជែងគ្នាខ្លាំង គឺ អូស្ត្រាលី និង អារ៉ាបីសាអូឌីត ដែលមាន១៦ពិន្ទុស្មើគ្នា ហើយក្រុមទាំងពីរនឹងត្រូវសម្រេចជោគវាសនានាការប្រកួតចុងក្រោយនៅថ្ងៃអង្គារទី ៥ ស្អែកនេះ។
សម្រាប់ម៉ិកស៊ិកវិញក៏បានកៅអីទៅរុស្ស៊ីឆ្នាំក្រោយដែរ បន្ទាប់ពីរកបាន១៧ពិន្ទុពីការប្រកួត៧លើក ក្នុងវគ្គជម្រុះក្នុងតំបន់ការ៉ាអីប (Concacaf) បើទោះបីសល់៣ប្រកួតទៀតក៏ដោយ។
រីឯក្រុមជម្រើសជាតិប្រេស៊ីលដែលដឹកនាំដោយគ្រូបង្វឹកថ្មីលោក Tite បានឈរនៅលំដាប់ថ្នាក់លេខ១ក្នុងពូលនៃវគ្គជម្រុះក្នុងតំបន់អាមេរិកឡាទីន បានឈានទៅលេងវគ្គផ្តាច់ព្រ័ត្រពាន World Cup នៅរុស្ស៊ីដោយស្វ័យប្រវត្តិមុនគេតាំងពីខែមីនាមកម្លេះ។ ក្នុងការប្រកួតវគ្គជម្រុះកន្លងមក សាំបាប្រេស៊ីល ប្រកួតឈ្នះ១១ដង ចាញ់១ និងស្មើ៣ដង មាន៣៦ពិន្ទុ នាំមុខក្រុមចំណាត់ថ្នាក់លេខ២ រហូតដល់១១ពិន្ទុ និងនៅសល់ ៣ប្រកួតក្នុងដៃទៀត៕
បែលហ្ស៊ិក ជាក្រុមដំបូងគេនៅអឺរ៉ុបដែលអាចឈានទៅ World Cup ឆ្នាំ២០១៨ នៅរុស្ស៊ីមុនគេ បន្ទាប់ពីយកឈ្នះក្រិក ២-១ ក្នុងវគ្គជម្រុះពូល H នៅថ្ងៃទី ៣ ខែកញ្ញានេះ។ ៨ប្រកួតចុងក្រោយក្រុមរហស្សនាមបិសាចក្រហមអាចរកបាន ២២ពិន្ទុនាំមុខក្រុមលេខ៣ ក្រិក ៩ពិន្ទុ ខណៈនៅសល់តែ២ប្រកួតប៉ុណ្ណោះ។
ចំណែកក្រុមមកពីទ្វីបអាស៊ីពីរ គឺអ៊ីរ៉ង់ និងជប៉ុន ក៏បានឈានទៅវគ្គផ្តាច់ព្រ័ត្រព្រឹត្តិការណ៍បាល់ទាត់ពិភពលោកនេះដែរ ក្រោយរកបានពិន្ទុដាច់គេពីការប្រកួតក្នុងវគ្គជម្រុះតាមពូលកន្លងមក។ អ៊ីរ៉ង់ជាក្រុមរបស់ទ្វីបអាស៊ីដែលអាចបានកៅអីទៅរុស្ស៊ីមុនគេក្រោយរកបាន ២១ពិន្ទុ ពីការប្រកួត៩លើក ដោយនាំមុខក្រុមលេខ ៣ស៊ីរីដល់ទៅ៩ពិន្ទុ នៃវគ្គជម្រុះតំបន់អាស៊ីក្នុងពូល A។
ជប៉ុនដែស្ថិតនៅពូល B អាចរកបាន ២០ពិន្ទុពីការប្រកួត៩លើក នាំមុខក្រុមចំណាត់ថ្នាក់លេខពីរ និងលេខបី ៤ពិន្ទុ ខណៈនៅសល់១ប្រកួតទៀតប៉ុណ្ណោះ។ សាម៉ូរ៉ៃជប៉ុន ក៏ជាក្រុមរបស់អាស៊ីដែលមានវត្តមាននៅ World Cup ៦ដងជាប់គ្នាផងដែរ។
ក្នុងពូល B នេះដែរមានក្រុមពីរកំពុងតែប្រជែងគ្នាខ្លាំង គឺ អូស្ត្រាលី និង អារ៉ាបីសាអូឌីត ដែលមាន១៦ពិន្ទុស្មើគ្នា ហើយក្រុមទាំងពីរនឹងត្រូវសម្រេចជោគវាសនានាការប្រកួតចុងក្រោយនៅថ្ងៃអង្គារទី ៥ ស្អែកនេះ។
សម្រាប់ម៉ិកស៊ិកវិញក៏បានកៅអីទៅរុស្ស៊ីឆ្នាំក្រោយដែរ បន្ទាប់ពីរកបាន១៧ពិន្ទុពីការប្រកួត៧លើក ក្នុងវគ្គជម្រុះក្នុងតំបន់ការ៉ាអីប (Concacaf) បើទោះបីសល់៣ប្រកួតទៀតក៏ដោយ។
រីឯក្រុមជម្រើសជាតិប្រេស៊ីលដែលដឹកនាំដោយគ្រូបង្វឹកថ្មីលោក Tite បានឈរនៅលំដាប់ថ្នាក់លេខ១ក្នុងពូលនៃវគ្គជម្រុះក្នុងតំបន់អាមេរិកឡាទីន បានឈានទៅលេងវគ្គផ្តាច់ព្រ័ត្រពាន World Cup នៅរុស្ស៊ីដោយស្វ័យប្រវត្តិមុនគេតាំងពីខែមីនាមកម្លេះ។ ក្នុងការប្រកួតវគ្គជម្រុះកន្លងមក សាំបាប្រេស៊ីល ប្រកួតឈ្នះ១១ដង ចាញ់១ និងស្មើ៣ដង មាន៣៦ពិន្ទុ នាំមុខក្រុមចំណាត់ថ្នាក់លេខ២ រហូតដល់១១ពិន្ទុ និងនៅសល់ ៣ប្រកួតក្នុងដៃទៀត៕
Tag:
បាល់ទាត់
World Cup
រុស្ស៊ី
© រក្សាសិទ្ធិដោយ thmeythmey.com
