ក្រុមបាល់ទាត់ជម្រើសជាតិបែលហ្ស៊ិក ម៉ិកស៊ិក អ៊ីរ៉ង់ និងជប៉ុនបានចាប់ដៃគ្នា កក់កៅអីទៅ World Cup នៅរុស្ស៊ីឆ្នាំក្រោយ ជាមួយប្រេស៊ីលហើយ បន្ទាប់ពីរកពិន្ទុបានច្រើនដាច់គេពីការប្រកួតជម្រុះក្នុងពូលតាមទ្វីបរៀងៗខ្លួន។
បែលហ្ស៊ិក ជាក្រុមដំបូងគេនៅអឺរ៉ុបដែលអាចឈានទៅ World Cup ឆ្នាំ២០១៨ នៅរុស្ស៊ីមុនគេ បន្ទាប់ពីយកឈ្នះក្រិក ២-១ ក្នុងវគ្គជម្រុះពូល H នៅថ្ងៃទី ៣ ខែកញ្ញានេះ។ ៨ប្រកួតចុងក្រោយក្រុមរហស្សនាមបិសាចក្រហមអាចរកបាន ២២ពិន្ទុនាំមុខក្រុមលេខ៣ ក្រិក ៩ពិន្ទុ ខណៈនៅសល់តែ២ប្រកួតប៉ុណ្ណោះ។
ជប៉ុនដែស្ថិតនៅពូល B អាចរកបាន ២០ពិន្ទុពីការប្រកួត៩លើក នាំមុខក្រុមចំណាត់ថ្នាក់លេខពីរ និងលេខបី ៤ពិន្ទុ ខណៈនៅសល់១ប្រកួតទៀតប៉ុណ្ណោះ។ សាម៉ូរ៉ៃជប៉ុន ក៏ជាក្រុមរបស់អាស៊ីដែលមានវត្តមាននៅ World Cup ៦ដងជាប់គ្នាផងដែរ។