រថយន្ត
អន្តរជាតិ
លោក ដូណាល់ ត្រាំ ក៏ជាអ្នកលេងម៉ូតរថយន្តម្នាក់ដែរ ជាពិសេសរថយន្តដែលមានពណ៌មាស
×![]()
ដោយ: ធីតា
លោក ដូណាល់ ត្រាំ មហាសេដ្ឋីអចនទ្រព្យ ដែលក្លាយជាប្រធានាធិបតីអាមេរិក ក៏ជាអ្នកចូលចិត្តរថយន្តម្នាក់ផងដែរ ដោយលោកបានចំណាយលុយមួយផ្នែកលើការទិញរថយន្តដែលខ្លួនចូលចិត្ត។ បើតាមការផ្សាយសារព័ត៌មា នយានយន្ត Car Keys លោកត្រាំ មានរថយន្តចម្រុះជាច្រើនប្រភេទ មានទាំងរថយន្តសម័យទំនើប និងរថយន្តដែលអាយុកាលច្រើនទសវត្សរ៍។
លោក ដូណាល់ ត្រាំ គឺជាអ្នកគាំទ្រ Rolls-Royce ម្នាក់ ដោយលោកមានរថយន្តម៉ាកនេះលើសពីមួយ។ លោក Stephen Goldasz អ្នកយកព័ត៌មានរបស់ Car Keys បានបញ្ជាក់ថា Rolls-Royce Silver Cloud ដែលផលិតនៅឆ្នាំ១៩៥៦ ជារថយន្តដំបូងរបស់លោកត្រាំ ដែលគាត់នៅតែពេញចិត្តរហូតដល់បច្ចុប្បន្ន។ បើតាមតម្លៃលើទីផ្សា រថយន្តប្រភេទអាចលក់បានចន្លោះពី២៥០០០ដុល្លារអាមេរិក ទៅជាង១១ម៉ឺនដុល្លារអាមេរិកទៅតាមលក្ខខណ្ឌ និងប្រវត្តិប្រើប្រាស់។
អ្នកសារព័ត៌មានជំនាញផ្នែកយានយន្ត ក៏ធ្លាប់ឃើញលោក ត្រាំ ប្រើប្រាស់រថយន្ត Lamborghini Diablo ផលិតនៅឆ្នាំ១៩៩៧ ផងដែរ។ វាជាប្រភេទរថយន្តដ៏ល្បីល្បាញបំផុតដែលផលិតនៅអ៊ីតាលី។ ទោះបីជាយ៉ាងណាក៏ដោយ លោកត្រាំ បានលក់វាចេញកាលពីពេលថ្មីៗកន្លងមកនេះ។ តាមតម្លៃនៅលើ eBay រថយន្ត Diablo នេះ មានតម្លៃរហូតដល់ទៅដល់៤៦ម៉ឺនដុល្លារអាមេរិក។
ចំពោះប្រភេទ Mercedes វិញ លោក ត្រាំ បានជិះម៉ូដែល Mercedes-Maybach S600 និង Mercedes-Benz SLR McLaren។ វាជារឿងដ៏គួរឲ្យចាប់អារម្មណ៍ដែលប្រធានាធិបតីអាមេរិករូបនេះ ប្រើប្រាស់រថយន្ត SLR McLaren ដែលផលិតនៅឆ្នាំ២០០៣ ក្រោមកិច្ចសហការរវាងក្រុមហ៊ុន Mercedes និងក្រុមហ៊ុន McLaren Automotive។
លោក Goldasz ក៏ចាប់អារម្មណ៍ផងដែរថា លោកត្រាំ ចូលចិត្តម៉ូដែល Cadillac ដោយលោកមានលើសពីមួយ ក្នុងនោះមានដូចជា Escalade SUV, Cadillac Allante ជាដើម។ លោកត្រាំ ធ្លាប់លើកឡើងថា ក្រុមហ៊ុន Cadillac បានជូន Allante សម្រាប់គាត់ទុកជាអនុស្សាវរីយ៍ ដោយវាមានពណ៌មាស និងជាពណ៌ដ៏ពេញនិយមបំផុតរបស់លោក។
ចំណែករថយន្តប្រភេទកីឡាវិញ លោក ត្រាំ បានជ្រើសរើសយកម៉ូដែល Tesla Roadster ដែលត្រូវបានចាត់ទុកថា ជាជម្រើសដ៏ភ្ញាក់ផ្អើល។ Roadster ជាប្រភេទរថយន្តការពារបរិស្ថាន ហើយវាហាក់ដូចជាមិនសក្តិសមទាល់តែសោះសម្រាប់អ្នកនយោបាយ ដែលជាទូទៅមិនសូវគិតគូលើបញ្ហាអាកាសធាតុនោះឡើយ។
24 Karat Gold Chopper មិនមែនជារថយន្តនោះឡើយ ប៉ុន្តែវាយានជំនិះដែលលោក ត្រាំ ចូលចិត្តបំផុត។ ម៉ូតូនេះ លំអរដោយមាសភ្លឺចិញ្ចែងចិញ្ចាច ដែលរចនាដោយលោក Paul Teutal Sr. សហស្ថាបនិកម្នាក់របស់ក្រុមហ៊ុន Orange County Choppers។
រថយន្តផ្សេងទៀតដែលលោក ត្រាំ ប្រើប្រាស់រួមមាន 2011 Chevrolet Camaro Indianapolis 500 Pace Car, Rolls Royce Phantom , 2007 Ferrari F430 F1 Coupe ជាដើម៕
លោក ដូណាល់ ត្រាំ គឺជាអ្នកគាំទ្រ Rolls-Royce ម្នាក់ ដោយលោកមានរថយន្តម៉ាកនេះលើសពីមួយ។ លោក Stephen Goldasz អ្នកយកព័ត៌មានរបស់ Car Keys បានបញ្ជាក់ថា Rolls-Royce Silver Cloud ដែលផលិតនៅឆ្នាំ១៩៥៦ ជារថយន្តដំបូងរបស់លោកត្រាំ ដែលគាត់នៅតែពេញចិត្តរហូតដល់បច្ចុប្បន្ន។ បើតាមតម្លៃលើទីផ្សា រថយន្តប្រភេទអាចលក់បានចន្លោះពី២៥០០០ដុល្លារអាមេរិក ទៅជាង១១ម៉ឺនដុល្លារអាមេរិកទៅតាមលក្ខខណ្ឌ និងប្រវត្តិប្រើប្រាស់។
អ្នកសារព័ត៌មានជំនាញផ្នែកយានយន្ត ក៏ធ្លាប់ឃើញលោក ត្រាំ ប្រើប្រាស់រថយន្ត Lamborghini Diablo ផលិតនៅឆ្នាំ១៩៩៧ ផងដែរ។ វាជាប្រភេទរថយន្តដ៏ល្បីល្បាញបំផុតដែលផលិតនៅអ៊ីតាលី។ ទោះបីជាយ៉ាងណាក៏ដោយ លោកត្រាំ បានលក់វាចេញកាលពីពេលថ្មីៗកន្លងមកនេះ។ តាមតម្លៃនៅលើ eBay រថយន្ត Diablo នេះ មានតម្លៃរហូតដល់ទៅដល់៤៦ម៉ឺនដុល្លារអាមេរិក។
ចំពោះប្រភេទ Mercedes វិញ លោក ត្រាំ បានជិះម៉ូដែល Mercedes-Maybach S600 និង Mercedes-Benz SLR McLaren។ វាជារឿងដ៏គួរឲ្យចាប់អារម្មណ៍ដែលប្រធានាធិបតីអាមេរិករូបនេះ ប្រើប្រាស់រថយន្ត SLR McLaren ដែលផលិតនៅឆ្នាំ២០០៣ ក្រោមកិច្ចសហការរវាងក្រុមហ៊ុន Mercedes និងក្រុមហ៊ុន McLaren Automotive។
លោក Goldasz ក៏ចាប់អារម្មណ៍ផងដែរថា លោកត្រាំ ចូលចិត្តម៉ូដែល Cadillac ដោយលោកមានលើសពីមួយ ក្នុងនោះមានដូចជា Escalade SUV, Cadillac Allante ជាដើម។ លោកត្រាំ ធ្លាប់លើកឡើងថា ក្រុមហ៊ុន Cadillac បានជូន Allante សម្រាប់គាត់ទុកជាអនុស្សាវរីយ៍ ដោយវាមានពណ៌មាស និងជាពណ៌ដ៏ពេញនិយមបំផុតរបស់លោក។
ចំណែករថយន្តប្រភេទកីឡាវិញ លោក ត្រាំ បានជ្រើសរើសយកម៉ូដែល Tesla Roadster ដែលត្រូវបានចាត់ទុកថា ជាជម្រើសដ៏ភ្ញាក់ផ្អើល។ Roadster ជាប្រភេទរថយន្តការពារបរិស្ថាន ហើយវាហាក់ដូចជាមិនសក្តិសមទាល់តែសោះសម្រាប់អ្នកនយោបាយ ដែលជាទូទៅមិនសូវគិតគូលើបញ្ហាអាកាសធាតុនោះឡើយ។
24 Karat Gold Chopper មិនមែនជារថយន្តនោះឡើយ ប៉ុន្តែវាយានជំនិះដែលលោក ត្រាំ ចូលចិត្តបំផុត។ ម៉ូតូនេះ លំអរដោយមាសភ្លឺចិញ្ចែងចិញ្ចាច ដែលរចនាដោយលោក Paul Teutal Sr. សហស្ថាបនិកម្នាក់របស់ក្រុមហ៊ុន Orange County Choppers។
រថយន្តផ្សេងទៀតដែលលោក ត្រាំ ប្រើប្រាស់រួមមាន 2011 Chevrolet Camaro Indianapolis 500 Pace Car, Rolls Royce Phantom , 2007 Ferrari F430 F1 Coupe ជាដើម៕
Tag:
ដូណាល់ ត្រាំ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
