កីឡាអន្តរជាតិ
អន្តរជាតិ
អង់គ្លេសជាប់ចំណាត់ថ្នាក់ទី១ ដែលមានវត្តមានអ្នកគាំទ្រច្រើនជាងគេ នៅវគ្គជម្រុះ World Cup
× អង់គ្លេសជាប់ចំណាត់ថ្នាក់កំពូលដែលមានអ្នកគាំទ្របាល់ទាត់ចូលរួមទស្សនាក្នុងដីខ្លួនឯងច្រើនបំផុតសម្រាប់ការប្រកួតជម្រុះ World Cup តាមពីក្រោយដោយសាធារណរដ្ឋប្រជាធិបតេយ្យកុងហ្គោ និងអ៊ីរ៉ង់។ នេះបើតាមការចុះផ្សាយរបស់ DailyMail។
ក្នុងចំណោមប្រទេសទាំង១០ដែលមានក្រុមអ្នកគាំទ្រមកទស្សនាការប្រកួតកីឡាបាល់ទាត់ច្រើនជាងគេបំផុត គឺអ្នកគាំទ្ររបស់ក្រុមជម្រើសជាតិអង់គ្លេសជាប់ចំណាត់ថ្នាក់លេខ១។
កីឡដ្ឋាន Wembley នៅតែនាំមុនគេដែលអាចទទួលបានអ្នកគាំទ្រច្រើនបំផុត នាការប្រកួតវគ្គជម្រុះ World Cup ដើម្បីឈានទៅកាន់ប្រទេសរុស្ស៊ី ឆ្នាំ២០១៨ រហូតដល់ ៨២.២៤៣ នាក់។
ចំណែកចំណាត់ថ្នាក់លេខ២ គឺបានទៅសាធារណរដ្ឋប្រជាធិបតេយ្យកុងហ្គោ។ កីឡដ្ឋាន Stade des Martyrs ដែលស្ថិតក្នុងរដ្ឋធានី Kinshasa នៃប្រទេសក្នុងទ្វីបអាហ្វ្រីកមួយនេះ អាចទទួបានអ្នកគាំទ្រចំនួន ៧៥.៥០០នាក់ អំឡុងការប្រកួតជម្រុះ World Cup ជាមួយប៊ូរុនឌី និងលិប៊ី។
រីឯលេខ៣បានទៅអ៊ីរ៉ង់ ដែលមានក្រុមអ្នកគាំទ្រមកលើកទឹកចិត្តដល់កីឡដ្ឋាន Azadi Stadium ចំនួន ៧២.៩១១នាក់។
សម្រាប់ប្រទេសដ៏ទៃទៀតដែលមានវត្តមានអ្នកគាំទ្រច្រើនរួមមាន លេខ៤ បារាំង ទទួលបានអ្នកគាំទ្រ ៦៣.៣៦៩នាក់។ ជប៉ុនស្ថិតនៅលេខ៥ មានចំនួន ៥៨.៧១៦នាក់ នាកីឡដ្ឋាន Saitama Stadium លេខ៦ បានទៅម៉ិកស៊ិកដោយទទួលបាន ៥៧.១៩៤នាក់ កីឡដ្ឋាន Aztec Stadium។ លេខ៧ អារ៉ាប៊ីសាអូឌីតមានអ្នកទស្សនា ៥៣.២១៤នាក់ ប៉ូឡូញទទួលបានចំណាត់ថ្នាក់លេខ៨ មានចំនួន ៥២.៩០៨នាក់ នាកីឡដ្ឋាន Stadion Narodowy។ លេខ៩ អេហ្ស៊ីបមានចំនួន ៥២.៥០០នាក់ ក្នុងកីឡដ្ឋាន Borg El Arab Stadium និងលេខ១០ អ៊ុយរ៉ូហ្គាយមានចំនួន ៤៩.៤៧៨នាក់ នាកីឡដ្ឋាន Estadio Centenario៕
Tag:
បាល់ទាត់
World Cup
រុស្ស៊ី
អង់គ្លេស
© រក្សាសិទ្ធិដោយ thmeythmey.com