កម្មករនឹងទទួលបានប្រាក់ខែ ជាង១៦០ដុល្លារ ក្នុងឆ្នាំ២០១៨

ជាតិ

នយោបាយជាតិ

កម្មករនឹងទទួលបានប្រាក់ខែ ជាង១៦០ដុល្លារ ក្នុងឆ្នាំ២០១៨

06, Sep 2017 , 8:48 am

រូបភាព

ដោយ: ថ្មីៗ

ភ្នំពេញ៖ រដ្ឋាភិបាល នឹងដំឡើងប្រាក់ខែគោលសម្រាប់កម្មកររោងចក្រជាង១៦០ដុល្លារ នៅក្នុងឆ្នាំ២០១៨ខាងមុខ។ ថ្លែងក្នុងពិធីសំណេះសំណាលជាមួយកម្មកររោងចក្រនៅសួនឧស្សាហកម្មកាណាឌីយ៉ា នៅព្រឹកថ្ងៃទី៦ កញ្ញានេះ សម្ដេចនាយករដ្ឋមន្ត្រី ហ៊ុន សែន បាននិយាយថា ប្រាក់ឈ្នួលអប្បបរមា ១៦០ដុល្លារ គឺស្ថិតនៅក្នុងកម្រិតមួយ ដែលរដ្ឋាភិបាលអាចមានលទ្ធភាពផ្ដល់ជូនកម្មកររោងចក្រ។ បើតាមនាយករដ្ឋមន្ត្រី ហ៊ុន សែន ប្រាក់ខែកម្មកររោងចក្រ នឹងដំឡើងជារៀងរាល់ឆ្នាំ។

បច្ចុប្បន្នកម្មកររោងចក្រទូទាំងប្រទេស ទទួលបានប្រាក់ខែគោល១៥៣ដុល្លារ។ ប្រាក់ខែកម្មករ ១៥៣ដុល្លារនេះ បង្ហាញថា កម្មករកម្ពុជាមានលទ្ធភាពទទួលប្រាក់បៀវត្សខ្ពស់ជាងកម្មករនៅប្រទេសមីយ៉ាន់ម៉ា (៧៩ដុល្លារ) ឡាវ (១១០ដុល្លារ) បង់ក្លាដេស (៦៧ដុល្លារ) ស្រីលង្ការ (៦៧ដុល្លារ) ឥណ្ឌា (៧៧ដុល្លារ) ប៉ាគីស្ថាន (១៣៤ដុល្លារ) ខណៈដែលកម្មកររោងចក្រនៅប្រទេសវៀតណាមទទួលបានប្រាក់ខែចន្លោះពី ១១៣ដុល្លារទៅ១៦០ដុល្លារ ប្រទេសថៃ (២៥០ដុល្លារ) និងម៉ាឡេស៊ី (៣០០ដុល្លារ) ។ នេះបើតាមនាយករដ្ឋមន្ត្រី ហ៊ុន សែន ។

យោងតាមទិន្នន័យពីសមាគមរោងចក្រកាត់ដេរនៅកម្ពុជា (GMAC) បច្ចុប្បន្នសមាគមនេះ មានសមាជិកចំនួន ៥១២ ដោយក្នុងចំណោម ៥៩ក្នុងវិស័យស្បែកជើង ហើយវិស័យនេះបានស្រូបយកការងារជាង ៧០ ម៉ឺននាក់ ៕