ការប្រកួតជម្រុះ World Cup រវាងក្រុមបាល់ទាត់ជម្រើសជាតិអាហ្វ្រិកខាងត្បូង ជាមួយសេណេហ្គាល់ នឹងត្រូវប្រកួតឡើងវិញម្តងទៀតបន្ទាប់ពី FIFA រកឃើញថាអាជ្ញាកណ្តាលដែលកាត់សេចក្តីប្រកួតនេះស៊ីសំណូក។ នេះបើតាមការផ្សាយរបស់ BBC។
សហព័ន្ធកីឡាបាល់ទាត់អន្តរជាតិហៅកាត់ថា FIFA បានបញ្ចប់តំណែងលោកអាជ្ញាកណ្តាល Joseph Lamptey អស់មួយជីវិត ក្រោយរកឃើញថាបានទទួលសំណូកក្នុងការប្រកួតវគ្គជម្រុះពានរង្វាន់ពិភពលោករវាង អាហ្វ្រិកខាងត្បូងជាមួយសេណេហ្គាល់ ដើម្បីឆ្ពោះទៅរុស្ស៊ី ឆ្នាំ២០១៨។
ក្រោយរកឃើញថាមានការសូកប៉ាន់អាជ្ញាកណ្តាលក្នុងការប្រកួតរវាងក្រុមនៅទ្វីបអាហ្វ្រិកនេះ FIFA បានសម្រេចឲ្យក្រុមទាំងពីរត្រូវប្រកួតម្តងទៀតនាខែវិច្ឆិកា ឆ្នាំ២០១៧ ខាងមុខនេះ។