ពីនេះ ពីនោះ
កុំរៀនព្រោះតែសញ្ញាបត្រ រៀនឲ្យចេះច្រើនតាមដែលអាច !
×
បទ កាកគតិ
-រៀនលេខអក្សរ រួមគ្នាបន្ត
រៀនកសាងជាតិ ដឹងខ្វះឲ្យប្រឹង
កុំធ្មឹងមានស្នៀត រៀនហើយរៀនទៀត
កុំឆ្លៀតរៀនឈ្លោះ។
-រៀនតាំងជំហរ កុំធ្វើភ្លៀងផ្គរ
ភូតភរសាងគ្រោះ រៀនធ្វើបណ្ឌិត
ឈប់គិតគុំងោះ រៀនឲ្យមានឈ្មោះ
រៀនរស់រមទម។
-រៀនទាំងទន់រឹង រៀនតាំងចិត្តនឹង
រៀនចោលគំនុំ រៀនដោះគំនាប
ខ្ពស់ទាបតូចធំ រៀនជួយសង្គម
រៀនរស់ថ្លៃថ្នូរ។
-រៀនរស់តាមវ័យ រៀនរួចពីភ័យ
រៀនលៃកុំស្មូរ យកបទពិសោធន៍
កុំឆោតរួចថ្ងូរ រៀនត្រឹមស្រែកកូរ
បំពុលសង្គម។
-រៀនធ្វើជាក់ស្តែង រៀនមើលគេឯង
រៀនស្វែងរស់ជុំ រៀនក្បួនរកស៊ី
ទាំងតូចទាំងធំ កុំរៀនលំៗ
ព្រោះសញ្ញាបត្រ៕
© រក្សាសិទ្ធិដោយ thmeythmey.com