ជាតិ
×![]()
សៀមរាប៖ សហគមន៍ទេសចរណ៍ជ្រាវ កាន់តែមានភាពទាក់ទាញ ក្រៅពីវត្តមានហ្វូងសត្វស្លាបរាប់ម៉ឺនក្បាល ក្នុងបឹងពារាំង។ សហគមន៍នេះកំពុងតែអភិវឌ្ឍខ្លួនទៅមុខយ៉ាងលឿន ហើយបច្ចុប្បន្ននេះមានភ្ញៀវទេសចរជាតិ និងអន្តរជាតិជាច្រើន ចាប់អារម្មណ៍នឹងគោលដៅទេសចរណ៍បែបធម្មជាតិ ដែលស្ថិតនៅផ្នែកខាងកើតក្រុងសៀមរាបមួយនេះ។
សហគមន៍ទេសចរណ៍ជ្រាវ មានសក្កានុពលទេសចរណ៍ខ្ពស់ ព្រោះថាតំបន់នេះមានបឹងធម្មជាតិមួយ គឺបឹងពារាំង។ បឹងនេះមានទំហំ ២៧០ហិកតា និងជាង ៣០០០ហិកតា បើគេគិតទាំងផ្ទៃព្រៃលិចទឹក។ បឹងនេះសម្បូរដោយព្រៃលិចទឹក សត្វស្លាបជាច្រើនប្រភេទ រួមនិងត្រីពូជជាច្រើន ដែលស្ថិតក្រោមការគ្រប់គ្រង និងអភិរក្សយ៉ាងយកចិត្តទុកដាក់ ពីសហគមន៍សង្កាត់ជ្រាវ ដែលមានសមាជិកចំនួន ១៣៨នាក់។
លោក គង់ មង្គល ប្រធានសហគមន៍ទេសចរណ៍ជ្រាវ បានប្រាប់សារព័ត៌មានថ្មីៗថា បច្ចុប្បន្ននៅតំបន់នេះកំពុងទាក់ទាញទេសចរណ៍ជាច្រើនឲ្យមកទស្សនា ព្រោះមានព្រៃលិចទឹក ដែលភ្ញៀវអាចជិះទូកកម្សាន្ត រហូតដល់ផ្ទៃបឹងទន្លេសាប។ លោកបន្ថែមថា សហគមន៍ក៏បានរៀបចំជារោង សម្រាប់ឲ្យភ្ញៀវអង្គុយលេង និងពិសារអាហារ នៅចុងសប្តាហ៍ និងថ្ងៃឈប់សម្រាកផងដែរ។
សព្វថ្ងៃ មានរោងចំនួន ៦០ ដែលសហគមន៍ទេសចរជ្រាវ បានសង់នៅលើខ្នងទំនប់មួយ ក្នុងនោះក៏បានដាក់ដំណើរការ ការលក់សំបុត្រជិះទូកកម្សាន្តផងដែរ។ ភ្ញៀវទេសចរអាចជិះទូកទស្សនាព្រៃលិចទឹក បឹងពារាំង ងូតទឹក និងហួសទៅកណ្តាលបឹងទន្លេសាប ដោយក្នុងទូកមួយ តម្លៃ ៦ម៉ឺនរៀល ជិះបានមនុស្ស ៦នាក់។ សព្វថ្ងៃ សហគមន៍មានទូកចំនួន ១០ ដែលកំពុងដាក់ដំណើរការលើកញ្ចប់ទេសចរណ៍មួយនេះ។
តាមការបញ្ជាក់ពីប្រធានសហគមន៍ ភ្ញៀវទេសចរអាចជិះទូកទៅដល់បឹងពារាំង និងហួសដល់ទន្លេសាបបាន អំឡុងខែ៨។ វត្តមានសត្វស្លាបនៅមានតិចក្នុងខែវស្សានេះ ហើយវានឹងបង្ហាញខ្លួនច្រើនចាប់ពីខែ មករា ដល់ខែមិថុនា ពេលផ្ទៃទន្លេសាប បង្រួមខ្លួនកាន់តែតូច៕
សហគមន៍ទេសចរណ៍ជ្រាវ មានសក្កានុពលទេសចរណ៍ខ្ពស់ ព្រោះថាតំបន់នេះមានបឹងធម្មជាតិមួយ គឺបឹងពារាំង។ បឹងនេះមានទំហំ ២៧០ហិកតា និងជាង ៣០០០ហិកតា បើគេគិតទាំងផ្ទៃព្រៃលិចទឹក។ បឹងនេះសម្បូរដោយព្រៃលិចទឹក សត្វស្លាបជាច្រើនប្រភេទ រួមនិងត្រីពូជជាច្រើន ដែលស្ថិតក្រោមការគ្រប់គ្រង និងអភិរក្សយ៉ាងយកចិត្តទុកដាក់ ពីសហគមន៍សង្កាត់ជ្រាវ ដែលមានសមាជិកចំនួន ១៣៨នាក់។
លោក គង់ មង្គល ប្រធានសហគមន៍ទេសចរណ៍ជ្រាវ បានប្រាប់សារព័ត៌មានថ្មីៗថា បច្ចុប្បន្ននៅតំបន់នេះកំពុងទាក់ទាញទេសចរណ៍ជាច្រើនឲ្យមកទស្សនា ព្រោះមានព្រៃលិចទឹក ដែលភ្ញៀវអាចជិះទូកកម្សាន្ត រហូតដល់ផ្ទៃបឹងទន្លេសាប។ លោកបន្ថែមថា សហគមន៍ក៏បានរៀបចំជារោង សម្រាប់ឲ្យភ្ញៀវអង្គុយលេង និងពិសារអាហារ នៅចុងសប្តាហ៍ និងថ្ងៃឈប់សម្រាកផងដែរ។
សព្វថ្ងៃ មានរោងចំនួន ៦០ ដែលសហគមន៍ទេសចរជ្រាវ បានសង់នៅលើខ្នងទំនប់មួយ ក្នុងនោះក៏បានដាក់ដំណើរការ ការលក់សំបុត្រជិះទូកកម្សាន្តផងដែរ។ ភ្ញៀវទេសចរអាចជិះទូកទស្សនាព្រៃលិចទឹក បឹងពារាំង ងូតទឹក និងហួសទៅកណ្តាលបឹងទន្លេសាប ដោយក្នុងទូកមួយ តម្លៃ ៦ម៉ឺនរៀល ជិះបានមនុស្ស ៦នាក់។ សព្វថ្ងៃ សហគមន៍មានទូកចំនួន ១០ ដែលកំពុងដាក់ដំណើរការលើកញ្ចប់ទេសចរណ៍មួយនេះ។
តាមការបញ្ជាក់ពីប្រធានសហគមន៍ ភ្ញៀវទេសចរអាចជិះទូកទៅដល់បឹងពារាំង និងហួសដល់ទន្លេសាបបាន អំឡុងខែ៨។ វត្តមានសត្វស្លាបនៅមានតិចក្នុងខែវស្សានេះ ហើយវានឹងបង្ហាញខ្លួនច្រើនចាប់ពីខែ មករា ដល់ខែមិថុនា ពេលផ្ទៃទន្លេសាប បង្រួមខ្លួនកាន់តែតូច៕
Tag:
គង់ មង្គល
ជ្រាវ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
