អនាម័យអាហារតាមដងផ្លូវ នៅឆ្ងាយពីការយកចិត្តទុកដាក់

បទយកការណ៍ / បទសម្ភាសន៍

យ៉ានតាមដងផ្លូវ

អនាម័យអាហារតាមដងផ្លូវ នៅឆ្ងាយពីការយកចិត្តទុកដាក់

11, Sep 2017 , 12:19 pm

រូបភាព

ដោយ: នាយយ៉ាន

ក្រសួងឧស្សាហកម្ម និងសិប្បកម្មធ្លាប់បានបង្ហើបឲ្យដឹងថា ក្រសួងកំពុងតែតាក់តែងសេចក្តីព្រាងច្បាប់មួយដែលនឹងទប់ស្កាត់ការចែកចាយចំណីអាហារដែលគ្មានសុវត្ថិភាព។ សេចក្តីព្រាងច្បាប់នេះ នឹងត្រូវអនុវត្តគ្រប់ដំណាក់កាលនៃការចែកចាយចំណីអាហារដោយរាប់តាំងពីការដាំដុះ ការកែច្នៃ វេចខ្ចប់ និងដល់ដំណាក់កាលនៃការលក់ដូរ។

សូមស្តាប់បទសម្ភាស៖

អ្នកស្រី សារិន ដែលកំពុងលក់បាយសម្លនៅក្បែររង្វង់ផ្សារដើមថ្កូវរយៈពេល២៧ឆ្នាំមកហើយនោះ មិនបានដឹងអំពីសេចក្តីព្រាងច្បាប់នេះទេ។ បើទោះជាលក់នៅតាមដងផ្លូវក៏ដោយ អ្នកលក់បាយម្ហូបវ័យក្បែរ៥០ឆ្នាំរូបនេះ គ្រាន់តែដឹងថាខ្លួនព្យាយាមធ្វើឲ្យម្ហូបអាហារមានអនាម័យតាមលទ្ធភាពរបស់ខ្លួនតែប៉ុណ្ណោះ។ លាងដៃមុនធ្វើម្ហូប លាងបន្លែ សាច់ ជាអ្វីដែលអ្នកស្រីធ្លាប់ធ្វើ។ ចុះធូលីដីដែលហុយមកលើម្ហូប? អ្នកស្រីពិបាកផ្តល់ចម្លើយមែន ប៉ុន្តែអ្នកស្រីសារិនទំនងជាមិនជឿថា វាជាបញ្ហានោះឡើយ។ បើដូច្នេះមែន អ្នកស្រីក៏មិនទទួលាបានអតិថិជនជាង១០០នាក់រាល់ថ្ងៃ និងរយៈពេលជាង២០ឆ្នាំនោះដែរ។